Liviya Milli Ordusunun rəhbəri feldmarşal Xəlifə Hafter paytaxt Tripoli hava limanına nəzarətə ələ keçirib.
Baki-xeber.com xəbər verir ki, bu barəd ordu rəhbərliyinə yaxın mənbə “Sputnik”ə məlumat verib.
Tripoli hava limanının ələ keçirildiyini, ətrafda da qarşıdurmaların yaşandığını deyib.
Tripoli Beynəlxalq Hava Limanının ələ keçirildiyini deyən mənbə, ətraf da da silahlı qarşurumanın davam etdiyini bildirilib.
General Hafterin ordusu Tripolinin şərqində üç strateji əhəmiyyətli bölgəni də ələ keçirib. Hafterin ordusuna aid Facebook hesabında Tripolinin şərqində üç strateji əhəmiyyətli bölgə Kasr bin Gaşir, Vadi er-Rabi və Suk el-Hamisin ələ keçirildiyi bildirilir.
Sözügedən bölgələr Tripolinin mərkəzindən 27-40 km kənarda yerləşir.
Bundan əvvəl isə ordu sözçüsü, Hafterə bağlı qüvvələrin bir neçə istiqamətdən Tripoliyə yaxınlaşdığını demişdi.
Bundan başqa, generalın ordusunun Tripolinin cənub-qərbində bir neçə rayonunu ələ keçirdiyi deyilir. Tripolinin qərb girişində də Liviyada Milli Həmrəylik Hökumətinə sadiq qüvvələrlə Hafterə tabe qüvvələr arasında qarşıdurmaya yaranıb.
Radikal islamçılara qarşı mübarizədə fəallığı ilə seçilən Hafter Misirdən və Birləşmiş Ərəb Əmirliklərindən dəstək alır. Onu dəstəkləyən ölkələr arasında Rusiyanının da adı çəkilir. Liviyada baş verənlərin və Hafterin Tripoliyə hücumunun arxasında Rusiyanın əlinin olduğu ehtimal edilir.
Xatırladaq ki, Liviyanın şərqindəki hərbi qüvvələrin lidəri general Xəlifə Hafter aprelin 4-də yayımladığı səs yazısı ilə Tripolini ələ keçirmək üçün hücuma başladıqlarını açıqlayıb. General orduya Tripoliyə daxil olmasını, dinc əhaliyə deyil, qarşıdurmaya girənlərə atəş açmaq əmri verib. Hafter silahını yerə qoyan, ağ bayraq qaldıranların təhlükəsizliyinin təmin olunacağını deyib. O, qoşunları ölkə paytaxtını silahlı qruplaşmalardan azad etmək üçün yeritdiyini bildirib.
Hafter paytaxta hücum əmri BMT baş katibi Antonio Quttereşin Tripoliyə gəlişindən dərhal sonra başlayıb.
Qeyd edək ki, 2011-ci ildə Müəmmar Qəddafinin devrilməsindən sonra Liviyada ikihakimiyyətlilik hökm sürür. Tripolidə BMT və Avropa İttifaqının dəstəyi ilə formalaşdırılmış Liviya Milli Barışıq Hökuməti, ölkənin şərqində isə Tripolidən asılı olmayan üsyançı generala yaxın başqa bir hökumət yaradılıb.
Quterreş: “Bu şərtlərdə milli dialoq konfransı keçirilə bilməz”
BMT-nin Baş katibi Antonio Quterreş Liviyadakı son vəziyyətə görə ortaya çıxan şərtlərdə aprel ayının ortasında keçirilməsi planlaşdırılan milli dialoq konfransının təşkil edilməyəcəyini açıqlayıb.
Liviyadakı hərbi fəallıq və general Hafterin Tripolini ələ keçirmək üçün başlatdığı hücumdan sonra Quterreş “Bu şərtlərdə milli dialoq konfransı keçirilə bilməz” deyib. Quterreş hərbi fəallığı qınayaraq, Liviyada hərbi seçimin həll yolu olmadığını vurğulayıb.
Rusiyadan çağırış...
Bu arada, Rusiya Xarici İşlər Nazirliyi Liviyada münaqişə tərəflərini təmkini olmağa və sabitliyi qorumağa çağırıb. “Hərbi gücdən istifadə ölkədə qeyri-sabit vəziyyəti daha da çıxılmaz duruma salacaq. Yeni itkilərə, böhrana yol açacaq. Bu proses BMT himayəsindəki əhatəli siyasi keçidin baş tutması ehtimalına olan ümidi zəiflədəcək”, - XİN-in bəyanatında deyilib.
Nazirlik Liviyadakı son vəziyyətin yalnız siyasi həll yolunun olduğunu bəyan edib.
Avropanın yeni miqrant axını qorxusu…
Avropa isə Liviyada qarşıdurmalar nəticəsində yaranan xaosun Avropa ölkələrinə yeni miqrasiya risqini artıra biləcəyindən narahatdır. Avropa Parlamentinin prezidenti Antonio Tajani Avropa İttifaqına üzv ölkələrin hökumətlərinə müraciət edərək təcili tədbirlərin görülməsini tövsiyə edib. Hərbi əməliyyatların Liviyada böhranın həlli üçün çıxış yolu olmadığını deyən Tajani bildirib ki, yeni münaqişə böyük insan itkilərinə və ölkənin dağılmasına gətirib çıxara bilər.
Avroparlament prezidenti Liviyada böhranın dərinləşməsinin yeni miqrasiya dalğasına, xüsusən İtaliya və Aralıq dənizinin digər sahilyanı ölkələrinə kütləvi qanunsuz miqrantların gəlməsinə səbəb olacağını vurğulayıb. O, 2018-ci ildə hər gün bu yolla Avropaya yollananların 6 nəfərinin öldüyü ilə bağlı BMT-nin hesabatını da xatırladıb.
A.Tajani, Liviyada böhranın həlli üçün BMT çərçivəsində Avropa Parlamentinin də danışıqlar prosesində iştirak etməsini təklif edib.
