ABŞ Nümayəndələr Palatasının Vergi Komitəsi Vergi İdarəsini rəsmi olaraq prezident Donald Trampın son altı ilə aid vergi sənədlərini onlara təqdim etməyə çağırıb.
Baki-xeber.com “Amerikanın səsi”nə istinadən xəbər veri ki, vergi siyasətinə nəzarət edən komitəyə konqresmen Riçard Nil başçılıq edir. Demokratlar Trampın mürəkkəb biznes imperatorluğunu nəzərdən keçirmək istəyir.
Tramp son 40 ildə ilk prezidentdir ki, vergi sənədlərini ictimailəşdirməkdən imtina edir.
Prezident deyib ki, o, 2013-2-18-ci illər üçün vergi sənədlərini açıqlaya bilməz, çünki hazırda onlar təftiş olunur. Lakin Nil bu sənədləri Trampdan deyil, Vergi İdarəsindən istəyir və Vergi İdarəsini təftiş olunan sənədləri ictimailəşdirməsinin qarşını alan heç bir qanun yoxdur.
Nilin tələbi ilə bağlı məhkəməyə müraciət olunacağı gözlənilir.
