ABŞ prezidenti Donald Tramp Səudiyyə Ərəbistanı vəliəhd şahzadəsi Məhəmməd bin Salmanın jurnalist Camal Kaşıqçının qətli barədə əvvəlcədən məlumatlı ola biləcəyini deyib.
Baki-xeber.com Türkiyə mediasına istinadən xəbər verir ki, Tramp məsələ ilə bağlı yazılı açıqlama yayıb.
ABŞ prezidenti Mərkəzi Kəşfiyyat İdarəsinin Kaşıqçı cinayəti ilə bağlı cox dəqiqliklə araşdırma apardığını deyib.
Müstəqil tədqiqat nəticəsində dəhşətli cinayətlə bağlı ətraflı məlumatlar əldə etdiklərini deyən Tramp daha sonra bildirib: "Səudiyyə Ərəbistanı rəsmiləri Kaşıkçını “dövlət düşməni” və Müsəlman Qardaşlarının üzvü kimi təqdim edir, lakin bu bizim qərarlarımızda heç bir rol oynamır. Kral Salman və şahzadə Məhəmməd bin Salman, Kaşıqçı cinayətinin törədilməsi ya da planlaşdırılması ilə bağlı əvvəlcədən məlumatlarının olduğunu qəti şəkildə inkar edirlər. Ancaq bizim kəşfiyyat məlumat toplamaqda davam edir. Şahzadə bu faciəli hadisə haqqında əvvəlcədən məlumatlı ola bilər, bəlkə oldu, bəlkə heç olmayıb".
Tramp Argentinada G20 zirvəsində şahzadə Salmanla görüşə biləcəyini də deyib.
ABŞ-ın təhlükəsizliyi üçün tutarlı dəlilləri dəstəkləyəcəyini qeyd edən Tramp, Konqresin Səudiyyə Ərəbistanı ilə bağlı istədiyi qərarı vermək məsələsində müstəqil olduğunu deyib.
ABŞ prezidenti bununla belə Amerikanın Səudiyyə Ərəbistanı ilə davamlı tərəfdaşlığın davam etdirəcəyini deyib. Tramp Riyadla hərbi əlaqələri kəsmək niyyətində olmadığını bildirib. Qeyd edib ki, bu ölkə ilə əlaqələrin ağlsızcasına kəsilməsi Rusiya və Çinin mənafeyinə xidmət edə bilər.
Trampın yaydığı bəyanatda bildirilir ki, İran Yəməndə Səudiyyə Ərəbistanına qarşı qanlı müharibə aparır, İraqda sabitsizlik yaratmağa çalışır, Livanda Hizbillaha dəstək verir, milyonlarla vətəndaşını qətlə yetirən Bəşər Əsəd diktatorluğuna yardım edir: “İran Yaxın Şərqdə bir çox amerikalı və başqalarının qətlinin məsuliyyətini daşıyır. Açıq şəkildə “Amerikaya ölüm”, “İsrailə ölüm” kimi şüarlar səsləndirən İran dünyada terror dəstəkləyən aparıcı ölkədir".
"Jurnalist Camal Kaşıqçının qətli dəhşətli bir əməldir. Bu, bizim ölkə tərəfindən qəbuledilməzdir. Biz qətllə bağlı artıq ciddi ölçülər götürmüşük. Kaşıqçının qətli və cəsədinin parçalanması ilə əlaqədar 17 səudiyyəli sanksiyalarla üzləşib" – deyən Trampın bildirib ki, Amerikanın milli maraqları öndə gedir.
Tramp, Salman Kasikçının öldürülməsindən əvvəlcədən məlumatlı olsa belə, Səudiyyənin ABŞ-ın "sadiq tərəfdaşı" olaraq qalacağını söyləyib.
ABŞ Dövlət Departamentinin yüksək rütbəli bir rəsmisi isə jurnalist Camal Kaşıqçının qətlinin birbaşa şahzadəsi Salman verdiyinin gün kimi aydın olduğunu deyib. ABŞ Mərkəzi Kəşfiyyat Təşkilatının (CIA) mövzu ilə əlaqədar hesabatını görən və adının açıqlanmasını istəməyən rəsmi “ABC News” açıqlamasında, cinayətdə Səudiyyə rəhbərliyinin əli olduğuna dair güclü fikir birliyinin olduğunu və buna artıq heç kimin şübhə ilə yanaşmadığını vurğulayıb.
“Reuters” agentliyi isə, Səudiyyə Ərəbistanında onlarla digər şahzadə və kral ailəsinin bəzi üzvləri şahzadə Məhəmməd bin Salmana qarşı ayağa qalxdığını yazıb. İddialara görə, onlar Salmanın kral olmasına imkan verməyəcəklər. Agentliyə açıqlama verən üç fərqli mənbəyə görə, bu şəxslər 82 yaşlı kralın kiçik qardaşı şahzadə Əhmədi dəstəkləyirlər və taxta da onun çıxmasını istəyirlər.
Kral Salmanın həyatda qalan yeganə qardaşı 76 yaşl Əhməd bin Əbdüləzizin bəzi Qərb ölkələrindən dəstək aldığı ifadə edilir.
