ABŞ prezidenti Donald Tramp Pakistana yardımları dayandıracaqlarını bəyan edib. Baki-xeber.com xarici mediaya istinadən xəbər verir ki, Tramp bu barədə “Twitter” hesabında yazıb.
Pakistanı hədəf alan ABŞ prezidenti deyib: "Pakistana artıq milyardlarla dollar pul verməyəcəyik, çünki onlar bizim pulumuzu alıb bizim üçün heç bir şey etmirlər. Pakistana milyardlarla dollar pul verdik, hətta Bin Ladenin orada yaşadığını belə bizə demədilər".
Tramp buna misal olaraq ABŞ kəşfiyyatının Pakistanda Üsamə bin Laden əməliyyatını göstərib. ABŞ prezidenti bundan sanra qarşılığını almadan heç kimə yardım verməyəcəyini də deyib.
ABŞ bundan əvvəl də Pakistana yardımı dayandırmışdı. Yanvar ayında Vaşinqton bildirirdi ki, terrorçular Pakistan ərazısində istifadə edərə Əfqanıstana hücum edir. Həmin vaxt Pakistan üçün nəzərdə tutulmuş 255 milyon dollarlıq hərbi yardımı dayandırılmışdı.
Tramp administrasiyası bildirir ki, Pakistana təhlükəsizlik yardımının başqa formaları da dondurula və bu yardım ümumilikdə 1, 3 milyard dollar ixtisar edilə bilər.
Pakistanın baş naziri İmran Xan isə Pakistan haqda dediklərinə görə, ABŞ prezidenti Donald Trampı kəskin tənqid edib. O deyib ki, Vaşqinton Əfqanıstandakı uğursuzluqlarına görə İslamadı “günah keçisi” hesab edir.
Xan deyib ki, ölkəsi 11 sentyabr 2001-ci il terror hücumlarına qarışmamasına rəğmən ABŞ-ın terrora qarşı müharibəsinə iştirak edib, bu savaşda 74 min nəfər itki verib və 123 milyard dollar itirib. Baş nazir buna baxmayaraq, ABŞ-ın Pakistana yardımlarının sadəcə 20 milyard dollar olduğunu deyib: “ABŞ-ın Pakistana 20 milyard dollarlıq yardımını bu itkilərin yanında cüzi adlandırmaq olar”.
Xan ABŞ-ın Pakistan sərhədində keçirdiyi əməliyyatlar nəticəsində milyonlarla insanın qaçqın vəziyyətinə düşdüyünü də deyib.
O, qeyd edib ki, ABŞ-ın Əfqanıstanda terrora qarşı müharibəsində 140 minlik NATO ordusu, 250 min nəfərlik əfqan ordusu və əlavə də bir trilyon dollar xərclənməsinə baxmayaraq, uğursuzluqlara görə, Pakistanı “günah keçisi” elan etmək əvəzinə, Talibanın bu gün niyə güclü olduğunu ciddi şəkildə araşdırması lazımdır .
