Rəsmi Ər-Riyadın jurnalist Camal Kaşıqçının İstanbuldakı Səudiyyə Ərəbistanının Baş Konsulluğunda vəhşicəsinə qətlə yetirilməsini etiraf etməsindən sonra ortaya yeni faktlar çıxamağa başlayıb.
Baki-xeber.com Türkiyə mediasına istinadən xəbər verir ki, tük polisi cəsədi hələ də harada olduğu bilinməyən Kaşıqçı cinayəti ilə bağlı yeni görüntülər yayıb.
Görüntülərdən biri Kaşıqçının qətlilə bağlı dəllilərin yandırılaraq yox edilməsilə bağlıdır. Dəlillər qətldən bir gün sonra konsulluğun bağçasında yandırılaraq yox edilib.
Başqa bir görüntü isə Kaşıqçının guya konsulluq binasını tərk etdiyinə hər kəsi inandırmaq üçün səudiyyəli bir agentin Camalın geyimində binanı tərk etməsi ilə bağlıdır.
Qətlin törədildiyi gün (oktyabrın 2-də) konsulluq binasında olan 15 nəfərlik sui-qəsd timi arasında yerə alan Mustafa Əl-Mədəni Kaşıqçının paltarlarını geyib, “Applemarka” ağıllı saat və eynəyini taxarıb saxta saqqalla konsulluq binasını tərk edib. Sui-qəsdçilər bununla Kaşıqçının guya binadan sağ çıxdığını göstərməyə çalışıblar. Yəni jurnalistin qətlini ört-basdır etmək üçün onun “oxşarı”ndan istifadə etməyə cəhd edilib.
Video görüntülər Türkiyənin hüquq-mühafizə orqanları tərəfindən açıqlanıb və bazar ertəsi günü CNN telekanalında nümayiş etdirilib.
Türkiyə hüquq-mühafizə orqanları tərəfindən açıqlanan video görüntülərdə həmin şəxsin Kaşıqçının geyimində Səudiyyə konsulluğunun binasını arxa qapıdan tərk etdiyi göstərilir. Video görüntülərdə Kaşıqçının geyimində olan həmin şəxsin jurnalistin ölümündən bir neçə saat sonra İstanbulun Sultan Əhməd məscidi ətrafında olduğu göstərilir.
Mustafa Əl-Mədəni daha sonra Kaşıqçının geyimini Sultan Əhməd məscidi ətrafında bir zibil yeşiyinə ataraq oranı tərk edib.
Mustafa Əl-Mədəni də İstanbula cinayətin törədildiyi gün gəlib və elə həmin gün də Türkiyəni tərk edib.
Bir başqa iddia isə Kaşıqçının cəsədinin harada olması ilə bağlıdır. “Middle East Eye” Türkiyə yetkililərindən birinə istinadən Səudiyyə şahzadəsi Məhəmməd bin Salmanın köməkçilərindən biri Maher Abdulaziz Mutrebin parçalanan cəsədin böyük bir qismini oktyabrın 2-də Atatürk Hava Limanından xüsusi təyyarə ilə Türkiyədən çıxarıldığına dair xəbər yayıb.
Iddialara görə, şahzadənın səfərlərində tez-tez onun yanında görünən Maher Abdulaziz Mutreb oktyabrın 2-də axşam saatlarında Türkiyəni tərk edib. Onun çantaları hava limanından VİP salondan keçərkən yoxlanmayıb. Türk səlahiyyətlilər həmin vaxt narahatlıq doğuran hər hansı səbəb olmadığından onun yüklərini yoxlamadıqlarını bildiriblər. Sözügedən şəxs diplomatik pasport daşıdığından nə yükləri, nə də özü yoxlamadan keçməyib.
Qeyd edək ki, rəsmi Ər-Riyad əvvəlcə Kaşıqçının konsulluğu tərk etdiyini bildirmişdi. Lakin bundan sonra jurnalistin konsulluqda baş vermis dava nəticəsində, ən son izahata əsasən isə kömək üçün konsulluğu tərk etməyə çalışdığı zaman boğma nəticəsində öldüyü bildirilib.
