İngiltərə, Almaniya və Fransa səudiyyəli jurnalist Camal Kaşıqçının Səudiyyə Ərəbistanının İstanbuldakı Baş Konsulluğunda qətlə yetirilməsi ilə ilə bağlı birgə bəyanat yaydılar.
Baki-xeber.com xarici mediaya istinadən xəbər verir ki, çç ölkənin xarici işlər nazirlərinin yaydığı birgə bəyanatda deyilir: "Heç bir şey bu cinayəti haqlı göstərə bilməz və biz bunu ən güclü şəkildə qınayırıq. Oktyabrın 2-də əslində nə olduğunun aydınlaşdırılmasına təcili ehtiyac var. Səudiyyə istintaqında indiyədək təqdim olunan fərziyyələrin inandırıcı olması üçün onların faktlara əsaslanması lazımdır. Həqiqətin geniş, şəffaf və inanılan bir şəkildə ortaya çıxarılması üçün səy göstərilməsinə yönələn ehtiyacı və ümidi vurğulayırıq. Nə olduğuna dair daha çox açıqlamanın etibarlılığına və belə utancverici bir hadisənin təkrar olunmayacağına dair inancımıza əsaslanaraq yekun qərarımızı verəcəyik".
Hər üç ölkənin bu məsələ ilə bağlı Səudiyyə Ərəbistanı ilə əlaqə saxlayacağı qeyd edilən birgə bəyanatda bu ölkə ilə münasibətlərin xarakteri və əhəmiyyətinin bütün tərəflərin birgə tabe olduqları beynəlxalq hüquq normalarına və dəyərlərinə göstərilən hörmətlə müəyyən olunacağı bildirilir.
Almaniya isə jurnalistin qətlinə görə Sәudiyyә Әrәbistanına silah satmayacaqlarını bəyan edib. Bu barədə açıqlama verən Almaniya kansleri Angela Merkel sәudiyyәli jurnalist Kaşıqçının öldürülmәsini qınadıqlarını bildirib.
Hadisәyә әn qısa zamanda aydınlıq gәtirilmәsinin vacibliyini vurğulayan Merkel hәlә heç nәyin müzakirә edilmәdiyini vә hadisәyә görә mәsuliyyәt daşıyanların mәhkәmә qarşısında cavab vermәdiyini söylәyib.
Merkel onsuz da mәhdud olan silah satışlarının mövcud şәraitdә dayandırılacağını ifadә edәrәk hadisәyә beynәlxalq sәviyyәdә reaksiyanın göstәrilmәsi üçün danışıqları davam etdirәcәklәrini qeyd edib.
Bundan əvvəl isə Almaniyanın xarici işlәr naziri Haiko Maas Sәudiyyә Әrәbistanına silah satmayacaqlarını deyib.
Qeyd edәk ki, Almaniya bu il Әlcәzairdәn sonra әn çox silahı Sәudiyyә Әrәbistanına satıb. Mәlumata görә, Almaniya bu il Әlcәzairә tәxminәn 741.5 milyard avro, Sәudiyyә Әrәbistanına isә tәxminәn 417 milyon avro mәblәğindә silah satıb.
2016-cı ildә Sәudiyyә Әrәbistanına 530 milyon avro mәblәğindә silah ixracına icazә verәn Almaniya 2017-ci ildә bu rәqәmi 249 milyon avroya endirmişdi.
Qeyd edək ki, Səudiyyə Ərəbistan rəhbərliyi oktyabrın 2-də İstanbul Baş Konsulluğuna girdikdən sonra yoxa çıxan Kaşıqçının konsulluq binasında baş verən münaqişə nəticəsində öldüyünü açıqlayıb.
