Rusiya prezidenti Vladimir Putin Rusiya-Almaniya arasında inşa ediləcək təbii qaz boru kəmərininin iqtisadi baxımdan mümkün olduğunu söyləyib. Putin Avropa İttifaqı ölkələrinin ABŞ-ın bu layihənin qarşısının alınması üçün onlara göstərdiyi təzyiqə müqavimət göstərəcəklərinə ümid etdiyini deyib.
ABŞ rəsmiləri xəbərdarlıq edib ki, Vaşinqton sualtında inşa ediləcək Şimal Axını-2 boru kəmərinə sanksiyalar tətbiq edə bilər. ABŞ və bəzi Aİ ölkələri boru kəmərinə qarşı çıxır. Onlar bununla Avropanın qaz baxımından Rusiyadan asılılığını artıracağından narahatdır. ABŞ həmçinin Avropaya daha çox mayeləşdirilmiş təbii qaz satmaq niyyətindədir.
Sankt Peterburqda Avstriyanın kansleri Sebastian Kurzla danışıqlardan sonra Putin söyləyib ki, Bolqarıstan təzyiqlərə təslim olaraq, Rusiyanın Şimal Axını boru kəmər layihəsini ləğv edib.
Putin əlavə edib ki, o, “Bütün Avropanın Bolqarıstan kimi yanaşmayacağına və zəifliyini və maraqlarını qoruya bilmədiyini sərgiləməyəcəyinə” ümid edir.
"Rusiya hər zaman etibarlı təchizatçı olub və olacaq", -deyən Putin söyləyib ki, Rusiyanın boru kəmərləri vasitəsilə təchiz etdiyi qaz ABŞ-ın mayeləşdirilmiş qazından əhəmiyyəlti dərəcədə ucuzdur. Onun sözlərinə görə, əgər Avropa daha bahalı qazı seçsə, öz istehlakçıları və qlobal rəqabət qabiliyyətinə ziyan vuracaq.
Rusiyanın Avropaya qaz təchizatının əsas tranziti olaraq xidmət göstərən Ukrayna boru kəmərininin qəti əleyhinədir, çünki beləcə öz boru kəmərinin boş qalacağından qorxur.
Kurz Şimal Axını-2-yə dəstəyini ifadə etsə də, Ukraynada təchizatların davam etdirilməsinin vacibliyinə də qeyd edib: "Əsas tranzit ölkəsi olaraq Ukraynanın maraqlarının qorunması çox vacibdir".
