Səudiyyə Ərəbistanı İstanbul Baş Konsulluğuna daxil olduqdan sonra itkin düşən jurnalist Camal Kaşıkçı ilə əlaqədar Türkiyə mütəxəssis və səhaliyyətlilərinin baş konsulluğu ziyarət etmələrinə icazə verib.
Baki-xeber.com Türkiyə mediasına istinadən xəbər verir ki, Səudiyyə Ərəbistanı Ankaranın tələbindən sonra türk mütəxəssis və səhaliyyətliləri baş konsulluğa dəvət edib.
Xarici İşlər Nazirliyi sözçüsü Hami Aksoy mövzuya dair verdiyi yazılı açıqlamada jurnalist Camal Kaşıkçı ilə bağlı istintaq çərçivəsində konsulluq binasında araşdırma aparılacağını deyib.
Xatırladaq ki, bir gün əvvəl Türkiyə səudiyyəli jurnalist Camal Kaşıqçının yoxa çıxmasının təfərrütlarının müəyyən edilməsi üçün Səudiyyə Ərəbistanından İstanbul konsulluğunda axtarış aparılmasına icazə verməsini tələb edib. Bu tələb ikinci dəfə Türkiyə Xarici İşlər Nazirliyinə çağırılan Səudiyyə Ərəbistanının Ankaradakı səfirinə çatdırılıb.
Türkiyə hökuməti rəsmi Ər-Riyaddan İstanbul konsulluğunda axtarış aparılması üçün icazə istəyib.
Ankara, həmçinin, səfirə məsələ ilə bağlı Ər-Riyadın tam əməkdaşlıq edəcəyini gözlədiklərini bildirib.
Qeyd edək ki, Səudiyyə Ərəbistanı vəliəhdi Məhəmməd bin Salman İstanbuldakı konsulluqda axtarış aparılması üçün Türkiyəyə icazə verməyə hazır olduqlarını bildirmişdi. Onun bildirdiyinə görə, 59 yaşlı Kaşıqçının yoxa çıxması ilə əlaqədar gizlədilməli heç bir şey yoxdur.
Səudiyyə hökumətinin kəskin tənqidçilərindən biri olan “The Washington Post”un yazarı Kaşıkçı oktyabrın 2-də evlilik proseduru üçün baş konsulluğa gedib və ondan daha sonra heç bir xəbər alınmayıb. O, Səudiyyə Ərəbistanında fərqli düşünənlərə qarşı təqiblərdən sonra ölkəni tərk edib Birləşmiş Ştatlarda yaşayırdı.
Türkiyə polisi jurnalistin konsulluğu tərk etmədiyini desə də, səudiyyəli rəsmilər “Reuters” müxbirinə qapılarını açaraq Kaşıkçının binada olmadığına sübut etməyə çalışıblar.
Türkiyə rəsmiləri jurnalist Camal Kaşıqçının Səudiyyə Ərəbistanının İstanbuldakı konsulluğunda öldürüldüyünə inandıqlarını bildirib.
Türkiyə prezidenti Rəcəb Tayyib Ərdoğan bildirib ki, Səudiyyə Ərəbistanı rəsmiləri Camal Kaşıqçının evlənmək haqda sənədlərin hazırlanması üçün keçən həftənin çərşənbə axşamı günü konsulluğa daxil olduqdan sonra oranı tərk etdiyini sübuta yetiməlidirlər. Onun türk nişanlısı Hatice Çengiz Camal Kaşıqçının konsulluq binasından çıxmadığını bildirir.
“Biz bu təhqiqatın nəticələrini ən tez zamanda əldə etməliyik. Konsulluq rəsmiləri “o buranı tərk edib” deməklə özlərini xilas edə bilməzlər” - Ərdoğan bildirib.
ABŞ dövlət katibi Mayk Pompeo da Səudiyyə Ərəbistanını hadisənin aydınlaşdırılmasına dəstək verməyə çağırıb.
M.Pompeo Camal Kaşıkçının harada olduğu vә təhlükəsizliyi ilә bağlı bir-birinə zidd məlumatların olduğunu söylәyib. Dövlət katibi Səudiyyə Ərəbistanı hökumətinә müraciət edərək, Kaşıkçının itkin düşməsi ilә bağlı əhatəli istintaqın keçirilməsini vә istintaqın nəticələri ilә bağlı şəffaf olmalarını istəyib: “ABŞ Dövlət Departamentinin rəsmiləri mövzu ilə bağlı diplomatik kanallar üzərindən Səudiyyə Ərəbistanı ilә görüşlər keçirir. Səudiyyə Ərəbistanından istintaqı dəstəkləməsini gözləyirik”.
BMT Baş katibinin sözçüsü Stephane Dujarric də Səudiyyə jurnalistin itkin düşməsi olayına münasibət bildirib. O, BMT Baş katibi Antonio Guterresin vəziyyəti yaxından izlədiyini deyib. "Səudiyyə jurnalist Camal Kaşıkçının itməsi və neçə gündür ondan xəbər alına bilməməsi Baş katibin mövzu ilə əlaqəli təşvişinin artmasına səbəb olub. Bolqarıstanda korrupsiya ilə əlaqəli araşdırmalar aparan jurnalist Viktoriya Marinovun öldürülməsi də daxil olmaqla, jurnalistlərə qarşı edilən şiddət hadisələrini narahatlıqla izləyirik” - deyə Dujarric bildirib.
