Rusiyaya məxsus döyüş təyyarələri Suriyanın müxaliflərin nəzarətində olan İdlib şəhərinə bombalamağa başlayıb. Baki-xeber.com xəbər verir ki, bu barədə mərkəzi qərargahı İngiltərədə yerləşən Suriya İnsan Haqları Mərkəzi məlumat yayıb.
Qeyd edilir ki, Rusiya qırıcıları 22 gün falisədən sonra şəhəri bombalamağa başlayıb.
Anadolu Agentliyi xəbər verir ki, Rusiya qırıcıları günorta saatlarında bölgəni vurmağa başlayıb. Himeymim hərbi bazasından qalxan 3 döyüş təyyarəsi qısa müddətdə 20 hədəfi bombalayıb.
Əsəd rejiminin də bölgəni vurması barədə hələlik təsdiqlənməmiş xəbərlər var.
ABŞ Prezidenti Donald Tramp isə Suriya, İran və Rusiyanı Suriyada İdlib əyalətinə yüz minlərlə insanın öldürülməsinə səbəb ola biləcək "ehtiyatsız hücuma” dair xəbərdarlıq edib. Tramp yazıb ki, “ruslar və iranlılar bu potensial insan faciəsinə iştirak etmək üçün ağır bir humanitar səhv edərdilər.”
Xəbərdarlıq hökumətpərəst qüvvələrin İdlib və ölkənin şimal-qərbində yerləşən ətraf ərazilərə, Suriyadakı 3 milyon adamın sığındığı son üsyançı istehkama tam və qismən hücuma hazırlaşması xəbərindən sonra verilib. ABŞ kimyəvi silahların istənilən istifadəsinə cavab verməyə hazır olacağı barədə xəbərdarlıq edib.
Prezidentin tiviti İran xarici işlər naziri Məhəmməd Cavad Zərifin Dəməşqə səfəri və sentyabr ayının 7-si Tehranda İran, Rusiya və Türkiyə dövlət başçılarının iştirakı ilə İdlib və Suriyanın gələcəkdə yenidən qurulması barədə görüşün elanından sonraya təsadüf edir.
Texas ştatının San-Antonio şəhərindəki Triniti universitetinin tarix üzrə professoru Deyvid Lesç “Amerikanın Səsi”nə bildirib ki, bu tivit prezident Trampın bu cür hərəkətə razılıq verməyəcəyini göstərsə də, ABŞ-ın gözlənilən hücumu dayandırmaq üçün imkanları məhduddur.
Beynəlxalq Böhran Qrupu bazar ertəsi İdlibə hücumun qarşısının alına biləcəyinə inandığını bildirib və tərəfləri yenidən danışıqlara dönməyə çağırıb.
Qeyd edək ki, Rusiya İdlib bölgəsinə əməliyyat üçün hazırlaşan Suriya rejimini dəstəkləyir. Müxalifətin son qalası olan İdlib və ətrafında 3 milyon dinc vətəndaş yaşayır.
BMT İdlibdə başlaya biləcək əməliyyatın 250-700 min nəfəri ev-eşindən edə biləcəyilə bağlı xəbərdarlıq edib.
