Türkiyə prezidenti Rəcəb Tayyib Ərdoğan ABŞ-ın iki türk nazirə sanksiya qəraeına Türkiyənin cavab addımlarını açıqlayıb.
Baki-xeber.com xəbər verir ki, Ərdoğan Amerikanın Brunson olayı ilə əlaqədar atdığı addım strateji tərəfdaşa yaraşmayacaq addım adlandırıb. Ərdoğan deyib ki, Türkiyə ABŞ-ın tətbiq etdiyi sanksiyalardan bəri səbrli olsa da, o, ABŞ-ın ədliyyə və daxili işlər nazirlərinin Türkiyədəki aktivlərinin dondurulmasına göstəriş verib. Ərdoğan sanksiyaları “Türkiyəyə qarşı ciddi hörmətsizlik” adlandırıb və ABŞ-ı keşiş Endrü Bransonun azadlığa buraxılmasını tələb etdiyi üçün riyakar adlandırıb.
"Bu gün mən də təlimat verirəm, Amerikanın ədliyyə və daxili işlər nazirlərinin Türkiyədəki əmlaklarına həbs qoyacağıq" deyən Ərdoğan daha sonra bildirib: "Təhdid dili və axmaq sanksiya qərarları ilə Türkiyəni geri addım atmağa məcbur edəcəklərini düşünənlər bu ölkəni də, bu milləti də heç tanımayıblar".
Qeyd edək ki, bu addım ABŞ-ın amerikalı keşişin həbs edilməsinə cavab olaraq Türkiyənin ədliyyə və daxili işlər nazirlərinə qarşı tətbiq etdiyi sanksiyalara reaksiyadır.
Türkiyənin daxili işlər naziri Süleyman Soylu və ədliyyə naziri Abdulhamin Gül sanksiyalara qarşı sərt çıxış edərək, ABŞ-da heç bir aktivlərinin olmadıqlarını bildiriblər.
