ABŞ-ın Federal Təhqiqatlar Bürosunun keçmiş əməkdaşı Sibel Edmonds ABŞ Mərkəzi Kəşfiyyat İdarəsi (CIA) daxilində gizli şəbəkə olduğunu və Türkiyə ilə Amerika arasında baş verən Endryu Branson olayına müdaxilə etdiyini deyib.
Baki-xeber.com xəbər verir ki, Türkiyə mediasına açıqlama verən S.Edmonds iki ölkə arasında keşiş böhranın arxasında Mərkəzi Kəşfiyyat İdarəsinin dayandığını deyib.
Onun sözlərinə görə, CIA-nın daxilindəki gizli şəbəkə hətta Bransonu Türkiyə həbsxanasında zəhərləyib öldürməyi və suçu isə Türkiyənin üstünə atmağı düşünür.
"Nə vaxt pastor Bransonla bağlı bir irəliləyiş olsa, CIA-nın daxilindəki gizli şəbəkə olaya müdaxilə edir. Bundan başqa, Bransonun xanımı Naurin Bransondan istifadə edərək beynəlxalq qurumlara Türkiyəni işgəncə və kobud davranışlar kimi cinayətləri həyata keçirmiş kimi göstərməyə çalışır. Halbuki, Türkiyə onun həyatını xilas edir. Çünki CİA daxilindəki qüvvələr Bransonu Türkiyə həbsxanasında zəhərləyərək öldürməyi və hətta bu cinayəti Türkiyənin üzərinə qoymağı düşünürlər" - deyə xanım Edmonds bildirib.
O, FETÖ haqqında yüzlərlə dəlil dosyasının ABŞ-ın əlində olmasına baxmayaraq, FETÖ lideri və üzvlərini Türkiyəyə verməməsi, üstəlik də Bransonu məhkəməsiz geri istəməsini ikiüzlülük adlandırıb: "Təəssüf ki, ABŞ rəhbərliyi böyük bir səhvə yol verib və bu qarşılıqsız qalmaz, Türkiyənin də demokratik bir hökuməti var. Türkiyə konstitusion hüquq dövlətidir və müstəqil məhkəməyə malikdir. Türkiyə bu prosesi də məhkəmə sisteminə uyğun şəkildə həyata keçirir. ABŞ-ın belə bir məntiqsiz tələblə çıxış etməsi, yəni bütün məhkəmə prosedurlarını adlayaraq, bütün dəlilləri heçə sayaraq rahibi geri istəməsi ikiüzlülüyün göstəricisidir. Çünki, Türkiyə illərdir terror təşkilatının lideri Fətullah Gülən haqqında tonlarla dəlil təqdim etməsinə baxmayaraq, ABŞ məhkəmə prosedurlarını bəhanə edir".
S.Edmondsun fikrincə, ABŞ-dakı bəzi qüvvələr Tramp administrasiyası ilə Türkiyənin münasibətlərinin yaxşılaşmasını istəmir. Branson olayı da bu məqsədlə ortaya atılıb: “Prezident Tramp və vitse-prezident Mayk Pensin bu yöndəki bütün səyləri əvvəldən daxildən təəssüf ki, sabotaj edilir. Bunu mən 6 ay öncə Dövlət Departamentindəki və CİA-dakı mənbələrə istinadən demişdim.
Türkiyə və Tramp rəhbərliyi arasındakı bütün müzakirə və əlaqələri düzəltmək üçün göstərilən səylər sabotaj edilir. Hətta bu gün pastor Brunsonun həyat yoldaşından istifadə edərək təxribat törədirlər".
S.Edmondsun fikrincə, FETÖ-çülərlə işbirliyi içində olan gizli şəbəkə indi də Bransondan istifadə edir: "Türkiyə özü tərəfdən münasibətləri qüsursuz şəkildə yoluna qoymağa və düzəltməyə çalışır. Baxmayaraq ki, münasibətlərin pisləşməsinin səbəbkarı o özü deyil. Obama hökuməti ilə Türkiyənin arası CIA-nın daxilindəki bir şəbəkənin FETÖ-çülərlə ortaq işbirliyilə Türkiyəni hədəfə alması və dövlət çevrilişinə təşəbbüs göstərməsi ilə pozulmağa başlayıb".
"Türkiyə mediasına sızan dəlilləri və bu adamın bəzi şəxslərlə əlaqələrini götür-qoy edəndən sonra, onun günahsız olduğuna dair şübhələrim azaldı. Məsələn, bu adamın sabiq CIA əməkdaşı Graham Fullerlə olan əlaqələrinə baxıram. Fuller 1993-cü ildən bu yana Klintonun hakimiyyət dövrünün ən güclü şəxslərindən biridir və birbaşa Gladio-B əməliyyatı, Boston-Manhetten patlayışı ilə əlaqəsi olan adamdır. Pastorun yüksək rütbəli hərbçilər və CIA əməkdaşları ilə olan əlaqələrinə baxaraq, onun günahsız olduğunu düşünə bilmərəm və məncə, ABŞ-ın bu adamı məhkəməsiz geri almaq üçün etdiyi təzyiqlərin digər səbəbi də odur ki, ABŞ bu məlumatların Türkiyə məhkəməsində aşkara çıxmasını istəmir. Çünki bütün bunlar ABŞ üçün utanverici olmaqla yanaşı, CIA-nın Türkiyə və bölgədə öz mövcudluğundan əl çəkmək məcburiyyətində qalmasına səbəb olacaq" - deyə Edmonds bildirib.
