Vaşinqton yerləşən ABŞ Senat binasında prezident Donald Trampın miqrasiya siyasətinə və qanunsuz miqrantların Meksika sərhədində uşaqlarından ayrılmasına etiraz olaraq oturaq aksiya keçirən yüzlərlə nümayişçi həbs olunub. Baki-xeber.com xarici KİV-ə istinadən xəbər verir ki, həbs edilən 600-ə yaxın qadının arasında 71 yaşlı məşhur amerikalı aktrisa Susan Sarondon da var.
Vaşinqton polisi icazəsiz aksiya şəkildə, miqrantlarla hərməylik və Tramp administirasiyasının sənədsiz mühacirlərə qarşı tətbiq etdiyi “sıfır tolerantlıq” siyasəti əleyhinə aksiya keçirən 575 nəfər etirazçının saxlandığını bəyan edib.
1991-ci ildə “Thelma ve Louse” filmindəki rolu ilə tanınan 71 yaşlı məşhur aktrisa Susan Sarondon da saxlanıb. Sarondon 1996-cı ildə “Dead Man Walking” filmindəki roluna görə, Oskar mükafatına layiq görülüb.
Sarondonla yanaşı, Demokratlardan Nümayəndələr Məclisinin üzvü Pramila Jayapal da həbs edilib.
Qeyd edək ki, Ağ Evin “sıfır tolerantlıq” siyasətini elan etməsindən sonra 2300-dən uşağın valideynlərindən alınması ABŞ-da ciddi narazılıqlara səbəb olub.
İyun ayının 20-sində prezident Donald Tramp mühacir uşaqların ailələrindən ayrılmamasına dair sərəncam imzalamasına baxmayaraq, hələ də 2342-yə yaxın uşaq ayrı saxlanılır. Bəzi valideynlərin sözlərinə görə, onlar uşaqlarının harada olduğunu və onları necə tapacaqlarını bilmirlər.
Bu günlərdə ABŞ prezidenti qanunsuz mühacirlərin dərhal deportasiyasına çağırıb. Tramp bildirib ki, bu insanların ölkəmizi işğal etməsinə imkan verə bilməz. "Sistemimiz yaxşı mühacirət, qanun və nizama ziddir," deyə Tramp Twitter hesabında yazıb.
ABŞ dövlət başçısı deyib ki, mühacirət qanunları dünyada rişxənd edilir, bu, qanuni yolla mühacirət etmək üçün illərlə gözləyən insanlara qarşı ədalətsizlikdir.
Tramp bildirib ki, ABŞ-a daxil olanlar dərhal məhkəməsiz ölkədən çıxarılmalıdır.
Amerikada illərdir Meksika və Mərkəzi Amerikadan gələnlərin məhkəmələri keçirilir.
