Avstriya hökuməti ölkə ərazisində 7 məscidi bağlayır və 40 imamı deportasiya edir. Trend-in məlumatına görə, bunu Avstriya kansleri Sebastayn Kurts öz “Twitter” səhifəsində bəyan edib.
Onun sözlərinə görə, ölkədə 2015-ci ildən islam haqqında qanun qüvvədədir. Bu qanun dini məsələlər üzrə quruma qanun pozuntusu zamanı Daxili İşlər Nazirliyini prosesə cəlb etmək hüququ verir.
S.Kurz deyib: “Paralel cəmiyyətlər, siyasi İslam və radikallaşmanın ölkəmizdə yeri yoxdur. Ölkədə 7 məscid bağlanacaq, maaşlarını başğa ölkələrin verdiyi din adamları isə deportasiya ediləcək”.
Sebastyan Kurz bundan əvvəl Sosial Demokrat Partiyadan olan Vyana Bələdiyyəsinin müsəlman cəmiyyətlərinə dövlət yardımı ilə bağlı "daha qatı olmaq lazımdır" demişdi.
Qeyd olunur ki, bağlanan məscidlərdən biri türk “Boz qurd” məscidi, qalanları isə ərəb icmalarının məscididir.
