Ermənistanda etiraz aksiyalarında saxlanılanların sayı artıb. Məlumata görə, "Yox de Serjə" şüarı altında itaətsizlik hərəkatında iştirak edən 183 nəfər həbs olunub.
Bu hadisələr İrəvanda etirazların təşkilatçısı, millət vəkili Nikol Paşinyan Facebook-da şəhər sakinlərinə müraciətindən sonra baş verir. O deyib ki, şəhərdə fəaliyyət iflic olmalıdır ki, Serj Sarkisyan, idarə edəcəyi ölkə, vətəndaş olmadığını görsün.
BBC-xəbər verir ki, polis növbə ilə gəlib yolun ortasında dayanan sürücüləri yolu açmağa və maşından çıxmağa məcbur edə bilmir. Səhər tezdən isə etirazçılar yük maşınları ilə yolları bağlayıblar.
Ölkənin yeni prezidenti Armen Sarkisyan Serj Sarkisyanın baş nazirliyinə etiraz edənləri dialoqa çağırıb. Nikol Paşinyan dialoq təklifini rədd edib, o deyib ki, hələ Armen Sarkisyan vəzifəyə gəldiyinin qanuniliyini sübut etsin, sənəd təqdim etsin ki, azı 6 il Britaniya vətəndaşı deyil.
O qeyd edir ki, Ermənistan Konstitusiyasına görə, prezidentliyə namizəd son 6 ili ölkədə yaşamış Ermənistan vətəndaşı olmalıdır.
Nikol Paşinyanın çağırışı ilə bəzi idarə və məktəblərdə Serj Sarkisyanın səkilləri divardan qoparılır: "Dünən tutulub polis idarəsinə aparılan fəallardan biri polis kabinetində tək qalanda divardan Sarkisyanın şəklini qopararaq pəncərədən çölə atıb".
Polis hər gün tədbirlərin qanun çərçivəsindən çıxdığına dair, artıq konkret təşkilatçılara xəbərdarlıq elan edir. "Bu, o deməkdir ki, hakimiyyət sərt tədbirlərə hazırlaşır, lakin hələ risq etmir. Nüfuzlu beynəlxalq təşkilatlar müxalifəti və hakimiyyət orqanlarını insan haqlarına əməl etməyə çağırır", BBC yazır.
BBC deyir ki, aksiyalara xaricdəki erməni diasporasından da dəstəklər gəlir.
Artıq 8-ci gündür ki, Ermənistan paytaxtında keçmiş prezident Serj Sarkisyanın baş nazir seçilməsinə etiraz aksiyası keçirilir.
Etiraz aksiyaları "Addım at, yox de Serjə" şüarı altında keçir.
