Xəbər verildiyi ki, Rusiyanın “Vaqner” muzdlu qruplaşmasının rəhbəri Yevgeni Priqojinə məxsus şəxsi təyyarə Moskva yaxınlığında qəzaya uğrayıb. Tver vilayətində təyyarənin qəzaya uğraması nəticəsində 10 nəfər ölüb, onların arasında Priqojinin də olduğu bildirilib. Rusiya Mülki Aviasiya Agentliyi Priqojinin cəsədinin tapıldığını açıqlayıb.
Priqojinin sağ əli Dmitri Utkinin də qəzada öldüyü bildirilir. Utkin Kremlə qarşı üsyandan sonra “Vaqner”in yeni lideri olaraq görüldü. “Priqojinin kölgəsi” kimi tanınan Utkini “nasist fanatı”, “cinayət maşını” da adlandırırdılar.
Şahidlər havaya qalxdıqdan yarım saat sonra təyyarənin havada partladığını bildirir. “Vaqner” liderinin təyyarəsinin Rusiya ərazisində vurulduğu iddiaları da ortaya atılıb. Təyyarənin hava hücumundan müdafiə sistemi tərəfindən vurulduğu bildirilib.
Putinin keçmiş müşavirlərindən biri Sergey Markov diqqətçəkən bir iddia ilə çıxış edib. Markov bildirib ki, Priqojin Ukraynanın terror hücumu nəticəsində həlak olub.
“Vaqner” isə Priqojinin təyyarəsinin Rusiya təhlükəsizlik qüvvələri tərəfindən vurulduğuni bildirir.
Təyyarə raketlə vurulduqdan sonra Putinin məşhur müsahibəsi də yenidən gündəmə gəlib. Putin bir müddət əvvəl öz ilə bağlı sənədli film üçün verdiyi müsahibədə qarşı tərəfin onunla mübahisə etməməsinin daha yaxşı olacağını bildirib və “Əlbəttə, bunu etməmək daha yaxşı olardı” deyib. Onunla mübahisə etməyin təhlükəli olub-olmadığını soruşulduqda isə, “Xeyr (təhlükəli deyil)” deyə cavab verib.
Müsahibənin ən diqqətçəkən yerində rusiyalı jurnalist “Bağışlanmayan nədir?” sualını verib. Suala Putin “Xəyanət” deyə cavab verib.
TAHİR
