Masallıda “Masallı Gənclər Evi” Sosial Xidmət Müəssisənin inzibati binasında Azərbaycan Respublikasının Daxili İşlər Nazirliyinin və Azərbaycan Respublikası Gənclər və İdman Nazirliyinin birgə təşkilatçılığı sayəsində “Polisdə xidmətə başla” adlı tədbir keçirildi.
DİN ŞHİİ-nin əməkdaşları polis polkovniki Laçın Paşayevin, polis polkovnik-leytenantı Firdovsi Nəsirovun, Masallı Rayon Polis Şöbəsi rəisinin ŞHİÜ köməkçisi polis kapitanı İxtiyar Talıbovun, Polis Akademiyasını yeni bitirmiş əməkdaşların, polis veteranların, Masallı təhsil sektorunun nümayəndəsi Samit İslamovun, ”Masallı Gənclər Evi” SXM direktoru Fuad Mənsimovun, Masallı Gənclər və İdman idarəsinin rəisi Sabiq Cahangirovun, rayonun məktəblərdən təhsil alan IX-XI sinif şagirdlərin qatıldığı tədbirdə hərbi xidməti başa vurmuş gənclər arasında polisin tarixi, daxili işlər orqanlarında xidmətin şərəfliliyi barədə söhbət açıldı, eləcə DİN sistemində təhsilə təşviq istiqamətində zəruri məlumatlar verməklə profilaktiki söhbətlər aparıldı.
Bundan başqa, təşkilatçılar tərəfindən gənclərdə maraq doğuran suallar öz ətraflı cavablarını tapdı, həm də onlara bukletlər paylanıldı və digər təbliğat materiallarının nümayişi təşkil olundu.
Zəfər ORUCOĞLU Azərbaycan Jurnalistlər Birliyinin üzvü
