07/02/2023 11:24
728 x 90

Şəhidlərin övladları da gəlir vergisindən azad edildi - növbəti vacib sosial layihə...

Kamran Məmmədli: “Şəhid övladları 18 yaşı keçdikdən sonra gəlir vergisindən azad ediləcək, bu isə…”

img

Azərbaycanın ərazi bütövlüyü uğrunda canından keçmiş şəhid ailələrinə, həmçinin müharibə əlillərinə dövlət tərəfindən hər zaman böyük diqqət və qayğı göstərilir.

Prezident İlham Əliyev 44 günlük Vətən müharibəsi zamanı döyüş tapşırığının və ya döyüş təminatı ilə bağlı tapşırıqların yerinə yetirilməsi zamanı həlak olmuş və itkin düşmüş hərbi qulluqçulara, erməni hərbi təxribatı nəticəsində həlak olmuş və itkin düşmüş mülki vətəndaşlara, şəhidlik zirvəsinə ucalan hər bir şəhidin ailəsinə, qazilərimizə diqqət və qayğısını heç zaman əsirgəməyib.

Danılmaz faktdır ki,  bir sıra istiqamətlərdə şəhid ailələri üçün güzəştlər də tətbiq edilir. Bu sıraya yenisi də əlavə olunub. Belə ki, şəhid ailələrinə gəlir vergisi üzrə güzəştlər veriləcək. Bu il Vergi Məcəlləsində nəzərdə tutulan dəyişikliklərdən biri də şəhid statusu verilmiş şəxsin valideynlərinin, dul arvadlarının (ərlərinin) və övladlarının vergi tutulmalı olan aylıq gəlirləri (əməkhaqqı gəlirləri) ilə bağlı 800 manat məbləğində vergi güzəştinin verilməsidir.

  • “Gəlir vergisi üzrə güzəşt şəhid ailələrinin sosial təminatının gücləndirilməsi baxımından əhəmiyyətlidir”

Şəhid ailəsinin gəlir vergisindən azad edilməsinin əhəmiyyəti haqqında danışan iqtisadçı Kamran Məmmədli qeyd etdi ki, gəlir vergisi üzrə güzəşt şəhid ailələrinin sosial təminatının gücləndirilməsi baxımdan əhəmiyyətlidir. Ödənişlər həyata keçirilən və ya gəlirlər yaranan zaman şəhid ailələri vergi ödəməkdən azad olunacaq. Dövlətin həssas qrupa daxil olan şəhid ailələrinə tətbiq etdiyi bu güzəşt müsbət qəbul edilməlidir: “Şəhid ailələrinə, hər iki müharibədə əzizlərini itirmiş insanlara ediləcək vergi güzəştləri ikiqat təqdirəlayiq haldır.  Bu həmin qrupa aid olan vətəndaşlarımızın gəlirlərinin artmasına səbəb olacaq. Burada həm əməkhaqqından tutulan gəlir vergisindən söhbət gedir, bu həm də əgər o ailələrin üzvləri iqtisadi fəaliyyətlə məşğuldursa, orada yaranan vergi öhtəliklərinə aiddir. Həmin vergi öhdəliklərinin 800 manatı həcmində bu zümrəyə aid olan vətəndaşlara  vergi güzəştləri tətbiq ediləcək. Bu, şəhid ailələrinin gəlirlərinin artmasına səbəb olacaq”.

Həmsöhbətimiz onu da əlavə etdi ki, yeni qaydaya əsasən, bu güzəştlərdən şəhid övladları da yararlanacaq. Şəhid övladları 18 yaşı keçdikdən sonra bu hüquqdan istifadə edə biləcək.

Günel CƏLİLOVA

Peşə etikası

Son xəbərlər