05/02/2023 15:56
728 x 90

Bakıda pakistanlı, hindistanlı dilənçilərin sayı sürətlə çoxalır…

img

Son zamanlar Azərbaycana səyahət edən  pakistanlı, hindistanlı əcnəbilər çoxalmaqdadır. Maraqlı məqam ondan ibarətdir ki, son vaxtlar şəhərin müxtəlif küçələrində əcnəbi dilənçilərin sayı artıb.

Əcnəbi dilənçilər dil bilmədyi üçün sakinlərlə çox kobud rəftar edir, bəzən zor tətbiq etməkdən də çəkinmirlər. Bu da haqlı narahatlıq yaradır. Bu mövzu ilə bağlı son zamanıar sosial şəbəkədə narazılıq edənlərin də sayı artıb. Qeyd edilir ki, şəhərin küçələrində dilənən əcnəbi dilənçilərin xarici görkəm və işlətdikləri ifadələrdən pakistanlı və iranlı olduqları bəlli olur.

  • Azər Allahverənov: “Ölkəyə gəlib dilənçilik edən əcnəbilərin qanunsuz fəaliyyətlərinin qarşısı alınmalıdır”

Əmək miqrasiyası üzrə ekspert Azər Allahverənov bildirdi ki, 2022-ci ilin 9 ayının yekunları göstərir ki, son vaxtlar Pakistandan, Hindistandan və digər Şərq ölkələrindən ölkəmizə gələn insanların sayı kəskin artıb. Gələn əcnəbilərin hamısı demək olar ki, turist kimi gəlib. Onların da ölkəmizdə qalmasına yalnız 1 ay icazə verilir. Bu müddətdən artıq qalan əcnəbilər Azərbaycanın müvafiq qurumlarına müraciət edib icazə almalıdır. Yəni qalmaları üçün onların kifayət qədər güclü əsasları olmalıdır: “Turist kimi ölkəyə gələn əcnəbilər əmək fəaliyyəti ilə məşğul ola bilməz. Bu qanunla qadağandır. Yalnız əmək vizası ilə gələnlər burda qalıb işləyə bilər. Bu cür viza ilə gələn əcnəbilər yerli şirkətlərin köməyi ilə Azərbaycanda müvafiq oturum izni alırlar. Ona görə də Azərbaycana turist kimi gəlib, sonradan sürücü kimi fəaliyyət göstərmək və yaxud dilənçilik etmək qeyri-qanuni fəaliyyət növüdür. Aidiyyəti qurumlar bununla bağlı müəyyən monitorinqlər keçirə, araşdırmalar apara bilərlər. QHT-lərin də bu işə öz töhfəsini vermək imkanı var. Nəticədə, ölkəyə gəlib dilənçilik edən əcnəbilərin qanunsuz fəaliyyətlərinin qarşısı alınmalıdır. Və həmin əcnəbilərin inzibati qaydada ölkədən çıxarılması ilə bağlı qərar da verilə bilər”.

  • Elçin Bayramlı: “Bəzi miqrantların yerli sakinlərə dilənçi kimi yanaşması psixoloji olaraq da insanlarımıza mənfi təsir edir”

Sosioloq Elçin Bayramlı bildirdi ki,  bəzi miqrantlar işləməkdən imtina edib asan qazanc arxasınca qaçırlar: “Bakının mərkəzi küçələrində daha varlı insanların yaşadığını düşünərək orada dilənməyə başlayırlar. Bu tip düşüncələrə sahib olanlar ölkədə yaşayan miqrantların 10-15 faiz təşkil edir. Əksər hallarda isə dilənçiliklə məşqul olanlar xüsusi qruplar halında fəaliyyət göstərirlər ki, bunu da "dilənçi biznesi" adlandırardım. Cinayət törətmədikləri və qanunu pozmadıqları üçün bu tərkibli qruplaşmalar asanlıqla fəaliyyət göstərirlər. Gələcəkdə cinayət qruplaşmalarına qarışmaması üçün polis tərəfindən onların fəaliyyətinin qarşısının alınması mütləqdir. Adətən belə qruplaşmaların əksəriyyəti əvvəlcədən təşkil olunmuş halda ölkəyə gətirilir. Onlar 20-30 nəfərdən ibarət qruplar halında bir yerdə qalır və avtobuslara yığılaraq müəyyən bölgələrə aparılaraq diləndirilirlər. Digər bir halda isə bu tip qrupların böyüməsi nəticəsində ölkədə "kriminogen" vəziyyət yarana bilər. Belə qrupları ölkədə heç kimin tanımadığı və onların qaldıqları yerlərin bilinmədiyi üçün polisə onları tapmaq xeyli çətinlik törədir. İnkişaf etmiş ölkələrin bir çoxunda belə ucuz işçi qüvvələrindən narkokuriyer kimi də istifadə olunur. Təhlükəsizlik baxımından belə qruplar ölkədən deportasiya olunmalıdır”.

Sosioloqun sözlərinə görə, bəzi miqrantların yerli sakinlərə dilənçi kimi yanaşması psixoloji olaraq da insanlarımıza mənfi təsir edir: “İnsanlar dilənçilərin çoxluğundan bezir və qarşılarına həqiqi ehtiyacı olan insanlar çıxdığı zamanlarda da yardım göstərmək istəmirlər. Bu, ümumi estetikanı yaralamış olur”

Günel CƏLİLOVA

Peşə etikası

Son xəbərlər