05/02/2023 14:13
728 x 90

Sosial şəbəkələrin Bakıda ofislərinin açılması necə effekt verəcək?..

img

Son zamanlar sosial şəbəkələrdə açıq paylaşımlarda, şərhlərdə təhqirə məruz qalmaq sıx- sıx rastladığımız əsas problemlərdən biridir. Bu problem tək ölkəmizdə deyil, qonşu ölkələrdə də yaşanır.

Sosial şəbəkələrin tənzimlənməsi, platformaya nəzarətin olması ilə bağlı xarici ölkələrdə bir sıra işlər görülür. Belə ki, Türkiyədə sosial şəbəkə haqqında qanun qəbul edilib. Həmin qanunun tələblərindən biri də sosial şəbəkələrin Türkiyədə nümayəndəliyinin açılması və nümayəndənin Türkiyə vətəndaşı olmasıdır.

Belə bir təcrübənin ölkəmizdə də tətbiq olunması təklif olunur. Maraqlıdır, sosial şəbəkələrdə yaşanan xoşagəlməz halların qarşısını almaq üçün sosial şəbəkələrin ölkəmizdə nümayəndəliyi açıla bilərmi? Nümayəndəlik açılarsa bu sahədə hansı dəyişiklik olar?

  • Azər Həsrət: “Azı 1 milyon istifadəçisi olan sosial şəbəkələrin ölkəmizdə nümayəndəliyi açıla bilər”

Media eksperti Azər Həsrət “Bakı-Xəbər”ə açıqlamasında qeyd etdi ki, sosial media platformalarından istifadə etmə zamanı insanlar qanun pozuntularına çox yol verir. Bu pozuntuların da aradan qaldırılması bəzi hallarda mümkün olmur. Problemin həlli üçün müxtəlif təkliflər, fikirlər səslənir, ancaq hələ də  çıxış yolu tapılmır: “Sosial media platformasını idarə edənləri tapmaq, onlara fikir bildirmək çətin olur. Bu səbəbdən də Türkiyə təcrübəsinin ölkəmizdə də tətbiqi uğurlu olar. Azı 1 milyon istifadəçisi olan sosial şəbəkələrin ölkəmizdə nümayəndəliyi açıla bilər. Ki, gələcəkdə hər hansı bir məsələ ilə bağlı məsuliyyət məsələsində “yaxasından” yapışacağımız adamlar olsun. Bu ümumilikdə sosial media fəlsəfəsinin  keyfiyyət mərhələsinə keçməsinə səbəb olacaq. İnsanlar artıq başa düşəcək ki, onların hər qanunsuz, təhqir dolu paylaşımı  cavabsız qalmayacaq. Bu səbəbdən də insanlar sosial mediadan mədəni, etik, qanun çərçivəsində istifadə etməyə çalışaqlar”.

  • Osman Gündüz: “Sosial şəbəkələrin nümayəndəliyinin yaradılması gələcəyin məsələsidir, çünki…”

Azərbaycan İnternet Forumunun prezidenti Osman Gündüz bildirdi ki,  sosial şəbəkələrdə təhqir, böhtanla bağlı qanunvericilikdə yetərincə müddəalar var: “Ona görə belə hesab edirəm ki, təhqirlə bağlı kimsə nəsə deyirsə, ortaya fakt qoymalıdır. Məhkəmələrə müraciət edə bilərlər. Mənə elə gəlir ki, mövcud qanunvericilikdəki sosial media müddəlarının mexanizmlərinin inkişafının yerinə yetirilməsi məsələsini inkişaf etdirmək lazımdır. Hazırda sosial media ilə bağlı yeni qanuna ehtiyac yoxdur. Sosial şəbəkələrin nümayəndəliyinin yaradılması gələcəyin məsələsidir. Azərbaycan bazarı kifayət qədər kiçikdir. Amma gələcəkdə bunun olması yaxşı olardı. Düzgün olmazdı ki, həmin bazarda məhdudlaşdırma aparılsın. Bizim bazar hələ cəlbedici deyil. Ola bilsin nümayəndəliyi dəvət etmək, əməkdaşlıq etmək, müəyyən qaydalar təqdim etmək, müxtəlif şirnikləndirici addımlar atmaq daha doğru olardı. Nəinki sosial şəbəkələrin nümayədəliyinin açılması üçün şirkətlərə ultimatum vermək ki, gəl, burada nümayəndəliyini aç. O da deyəcək ki, açmıram. Bizim bazarımız elə böyük bazar deyil axı. Şirkət deyəcək ki, mən pul qazanıram. Türkiyə bazarı geniş bazardır. Oradan çıxıb gedə bilməzlər. Orada böyük pullar var. Buna görə bu məsələyə ehtiyatla yanaşmaq lazımdır. Əməkdaşlıq təklif etmək, onları görüşə çağırmaq daha doğru olar".

Günel CƏLİLOVA

Peşə etikası

Son xəbərlər