Hər bir dövlətin, cəmiyyətin gələcəyini indiki uşaqlar və gənclər müəyyən edir. Bu mənada gənc nəslin düzgün tərbiyəsi, fiziki və mənəvi inkişafı, savadlı vətəndaş kimi böyüməsi və digər vacib amillər onların gələcəkdə cəmiyyətə inteqrasiyasında önəmli rol oynayır.
Müstəqillik qazandığı ilk gündən dövlətimiz bu sahəyə xüsusi diqqət və qayğı göstərir. Son illər bu diqqət və qayğı daha da artıb. Yeni məktəblərin tikintisi və təmiri, idman infrastrukturunun yenilənməsi, stadionların və olimpiya komplekslərinin inşası və s. buna sübutdur.
Görülən işlər, atılan addımlar onu deməyə əsas verir ki…
Uşaq və gənclərin fiziki və mənəvi inkişafı onların mövcud olduğu cəmiyyətin, ölkələrinin, hətta mənsub olduqları xalqın inkişaf göstəricisidir desək, yanılmarıq. Çünki uşaq öz böyüdüyü mühitdə görüb-götürdüklərini gələcəkdə də nəinki nümayiş etdirir, hətta tətbiq etməyi lazım bilir. Məhz buna görə də respublikamızda uşaqlara dövlət qayğısının gücləndirilməsi, diqqətin artırılması, uşaqlarla bağlı demoqrafik perspektivlərin müəyyənləşdirilməsi məqsədilə mütəmadi olaraq dövlət proqramlarının həyata keçirilməsi istiqamətində ölkə başçısı tərəfindın sərəncamlar imzalanır, bu istiqamətdə mühüm tədbirlər görülür. Sözsüz ki, görülən işlər, atılan addımlar onu deməyə əsas verir ki, uşaq və gənclərin fiziki və mənəzi inkişafı ölkəmizin əsas prioritetlərindəndir. Ölkəmizdə uşaq və gənclərin həyatını dəyişən, onlara hərtərəfli stimul verən, uşaq və gənclərin mənəvi və fiziki inkişafı üçün geniş şərait yaradan normativ aktlar da mövcuddur və uşaqların fiziki, mənəvi inkişafı ilə bağlı bir sıra sənədlər qəbul edilib. 2005-2009-cu illəri əhatə edən gənclərlə bağlı Dövlət Proqramı bu sənədlərdəndir. Həmin sənəd, bu Dövlət Proqramı sözsüz ki, uşaq və yeniyetmələrin, eləcə də gənclərin inkişafı üçün geniş şəraitin yaradılması məqsədi daşıyırdı və bunun da nəticəsi özünü göstərməkdədir. Bu Dövlət Proqramı çərçivəsində görülən işlər, gənclərin potensialından ölkənin mənafeyi naminə tam və düzgün istifadə olunması, onların faydalı məşğulluğunun təmin edilməsi, dövlət idarəçiliyi sistemində iştirakının gerçəkləşdirilməsi yönündə ciddi irəliləyişə gətirib çıxardı.
30 il davam edən erməni işğalı bu sahənin daha da inkişafına öz mənfi təsirlərini göstərmiş olub
Dövlət başçısının uşaq və gənclərin fiziki və mənəvi inikişafına diqqət və qayğısı dəfələrlə öz təsdiqini tapıb. Məsələn, 2007-ci ilin "Gənclər ili" elan edilməsi, "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramının təsdiq edilməsi" barədə Sərəncam imzalanması və bu proqram çərçivəsində 5 mindən artıq gəncin dünyanın nüfuzlu ali məktəblərində təhsil almağa göndərilməsi, 19 dekabr 2011-ci il tarixində Azərbaycan Respublikasının Prezidenti yanında Gənclər Fondunun yaradılması barədə Sərəncam imzalaması, ölkə gənclərinin hərtərəfli inkişafını təmin etmək məqsədilə "2015-2025-ci illərdə Azərbaycan gənclərinin İnkişaf Strategiyası"nın təsdiq olunması sadalananların, ələlxüsus ölkə başçısının diqqət və qayğısının bariz nümunəsidir.
Göründüyü kimi, Azərbaycan dövləti bu sahələrin inkişafı üçün, həm qanunvericilik bazasının təkmilləşməsi, həm də əməli praktik və metodiki işlərin görülməsi istiqamətində əlindən gələn nə varsa edib. Ancaq təbiidir ki, 30 il davam edən erməni işğalı bu sahənin daha da inkişafına öz mənfi təsirlərini göstərmiş olub. Bu işğal amili olmasaydı dövlətin bu yöndəki dəstəyi sözügedən istiqamətlərin daha da inkişafına necə təsir edərdi?
İşğal amilinə baxmayaraq, dövlət bu istiqamətdə qənaət rejimi tətbiq etməyib
“Uşaqların Gələcəyi Naminə” İctimai Birliyinin sədri Könül Quliyeva bizimlə söhbətində bildirdi ki, Azərbaycan Ermənistandan fərqli olaraq qüdrətl ölkədir: “Hətta 30 illik işğal dönəmində belə, uşaq və gənclərin fizikiz, mənəvi inkişafına böyük diqqət ayırıb. Azərbaycanda sayı yüzlərlə olan gənclər təşkilatı fəaliyyət göstərir və onlar 40- dan çox beynəlxalq platformada təmsil olunublar. Bundan savayı, diqqətinizə çatdırmaq istəyərdik ki, əksəriyyəti könüllü əsaslarla fəaliyyət göstərir. Könüllülük nəcib bir fəaliyyətdir və bu gün könüllülər cəmiyyətimizin artıq ayrılmaz bir parçasına çevrilib. Ölkədə Gənclər Evləri və Gənclər Mərkəzləri fəaliyyət göstərir. Onların hamısı ən yüksək standartlara cavab verir. Məhz Gənclər evləri gənclərimizin məşğulluq məsələsinin həllində böyük rol oynayır. Dövlətin bu sahədəki dəstəyi davam edir. Bu sahə üzrə ixtisaslaşan QHT-lərə böyük həcmdə qrantlar ayrılır. Bilirsiniz ki, həmin qrantlar nəticəsində verilən pullardan bu sahələrin inkişafı üçün xərclənmək tələb edilir. Yəni demək istədiyim budur ki, işğal amilinə baxmayaraq, dövlət bu istiqamətdə qənaət rejimi tətbiq etməyib. Təbiidir ki, işğal amili olmasaydı bu sahəyə ayrılan vəsait, görülən işlər bundan da artıq olardı. Çünki biz müdafiə xərcləri üçün külli miqdarda vəsait ayırmsğa məcuruq. İşğal dönəmində milyonlarla insan öz yurdlarından qaçqın düşdü. Bunun nəticəsində çoxlu sayda uşağa, gəncə psixoloji və mənəvi zərbələr dəydi. Onların qanunauyğun şəkildə inkişafına maneçikik yarandı. Çoxlu sayda gəncimiz Vətənin uğrunda şəhid oldu. Bütün bunlar erməni işğalının ağır fəsadları idi. Təəssüflər olsun ki, həmin işğalın vurduğu maddi, mənəvi, psixoloji ziyan uşaq və gənclərimizdən də yan keçmədi. Ancaq 44 günlük müharibə zamanı da biz gördük ki, ölkəmizin bu sahədəki siyasəti, təbliğatı uğurlu olub. Bir nəfər də olsun gənc fərarilik etmədi. Əksinə, onlar öz qəhramanlıqları ilə dastan yazdılar. Bu da düzgün siyasətin bəhrəsi demək idi”.
Məhəmmədəli QƏRİBLİ Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
