Azərbaycanda xalqın "ütüllük" dediyi avtomobillərin sonu çatıb

Tarix: 12.12.2014 / 02:42
Bölmə: Sosial

İlqar Hüseynli: "... köhnə avtomobillərin utilizasiyası sürətləndirilməlidir"

"Xarici ölkələrdə belə avtomobilləri təhvil verməyənləri cəzalandırırlar"

Adətən qəza şəraiti zamanı avtomobillər yararsız hala düşəndə sahibləri həmin avtomobildən imtina edir. Həmin avtomobillər də sonradan təmir xərcləri həddindən artıq baha başa gəldiyi üçün utilizasiya edilir. Lakin bu praktika Azərbaycanda yoxdur.
Elə ölkələr var ki, həmin ölkəyə məxsus köhnə avtomobillər digər xarici dövlətlərdə utilizasiya edilir. Bu məsələdə həm hökumətlər, həm də insanlar maraqlı olur. Hətta Rusiyada 3 il bundan əvvəl ölkənin aparıcı avtomobil istehsalçısı VAZ-ın tətbiq etdiyi yeniliyə əsasən, köhnə avtomobili təhvil verib yenisini götürənə 50 min rubl, yəni təxminən 1650 ABŞ dolları endirim vəd olunurdu.
Onu da qeyd edək ki, məhz qəzaların çoxunu köhnə avtomobillər yaradır. Köhnə avtomobilini heç kim atmaq istəmir. İnsanlar istismar müddəti bitmiş, 20 ildən çox işlənmiş avtomobilləri sürməkdə hələ də davam edirlər.
Sözügedən məsələ yenidən gündəmə gəlib. Belə ki, Daxili İşlər Nazirliyi Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev mətbuata açıqlamasında bununla bağlı bir sıra məqamlara toxunub: "Azərbaycanda istismar müddəti 30-35 ildən çox olan 105 minə yaxın nəqliyyat vasitəsi var. Bu avtomobillər, demək olar ki, üstü bəzənmiş paslı konserv qutusu kimi bir şeydir. Onlar insanların taleyi üçün əməlli-başlı təhlükədir".
Şöbə rəisinin sözlərinə görə, hazırda Baş Dövlət Yol Polisi İdarəsində ciddi narahatlıq doğuran problemlərdən biri hələ də ölkədə köhnə, uzun müddət istismarda olan nəqliyyat vasitələrinin yol hərəkətində iştirak etməsidir. Ona görə də Respublika Baş Dövlət Yol Polisi İdarəsi Azərbaycanda ölümlə nəticələnən yol qəzalarının artmasının qarşısını almaq üçün istismar müddəti bitən avtomobillərin istifadəsinin qadağan edilməsini vacib sayır: "Belə ki, həmin avtomobillərin mexaniki hissələrinin saz vəziyyətdə olmasına baxmayaraq, hər hansı qəza zamanı bu cür nəqliyyat vasitələrində insanların xəsarət alması və bir çox hallarda qəzanın ölümlə nəticələnməsi bizi çox narahat edir. Bu da həmin nəqliyyat vasitələrinin metalının artıq daxildən korroziyaya uğraması, toqquşma zamanı avtomobilin zərbəyə davamlılığını itirməsi səbəbindən baş verir. Bu gün heç kəs köhnə avtomobilindən əl çəkmək istəmir. Lakin insan ölümü ilə nəticələnən yol qəzalarının əksəriyyəti məhz istismar müddəti bitmiş köhnə avtomobillərin iştirakı ilə baş verir. Ona görə də belə avtomobillərin idarəetmədən, yol hərəkətindən kənarlaşdırılması və yaxud utilizasiyası qəzada ölənlərin və xəsarət alanların sayının azalmasına kifayət qədər təsir etmiş olardı".
Görünən odur ki, köhnə avtomobillərin utilizasiyası olduqca vacibdir.
Sözügedən məsələni dəyərləndirən ekspert İlqar Hüseynli hesab edir ki, inkişaf etmiş Avropa ölkələrində köhnə avtomobillərin utilizasiyasına çox ciddi yanaşılır:
"Məsələ ondadır ki, belə avtomobilləri təhvil verməyənləri cəzalandırırlar. Həm də dövlət utilizasiyanı özü həyata keçirən xüsusi şirkətlərə xeyli güzəştlər edir, bəzən hətta vəsait də ayırır. Deməli, dövlət də faktiki olaraq bu işin zərərini çəkir. Utilizasiyadan yaxa qurtarmağın ən gözəl üsulu köhnə avtomobillərin inkişaf etməkdə olan ölkələrə ixrac edilməsinə şərait yaratmaqdır.
Bəzi Avropa ölkələri müxtəlif vasitələrlə buna şərait yaradır. Bu minvalla köhnə avtomobillərin bir qismi inkişaf etməkdə olan ölkələrə ixrac olunur. Əvvəllər Azərbaycana da bu cür avtomobillər çox gətirilirdi.
Xüsusən də Gürcüstan vasitəsi ilə. Ancaq bu il aprelin 1-dən Azərbaycanda idxal avtomobilləri üçün "Avro-4" standartı tətbiq ediləndən sonra belə avtomobillərin gətirilməsinin qarşısı əsasən alındı. Bütün bunlara baxmayaraq, ölkədə çoxlu sayda köhnə avtomobill var. O üzdən, Azərbaycanda köhnə avtomobillərin utilizasiyası sürətləndirilməlidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...