Narkotikə meylli qadınlarımıza aid bəd statistikanın narahatlıqları artır

Tarix: 10.12.2014 / 03:08
Bölmə: Sosial

Mehriban Zeynalova: "Qadınların narkotikə meyl etməsinin səbəbi onların iradəsinin zəif olmasıdır"

"Qadınlar bəzi mental dəyərlər sayəsində kölə halına salındığı bir mühitdə özünü bədbəxt hiss etdiyinə görə narkotikə qurşanır"

Müasir dünyada cəmiyyəti narahat edən problemlər içərisində ən mürəkkəbi, faciəvi nəticələrə gətirib çıxaranı narkomaniya və narkobiznesdir. Narkomaniya təkcə insanların sağlamlığına, mənəviyyatına deyil, həm də doğmalarına və sevdiklərinə əzab çəkdirir. Ən təhlükəlisi isə budur ki, insanları bu yola qıraqdan cəlb edirlər.
Əsasən də qadınları və uşaqları bu çirkin yola çəkmək daha asandır. Təəssüf ki, "ağ ölüm"ün əsirinə çevrilən qadınlara Azərbaycanda da rast gəlinir. Azərbaycan Səhiyyə Nazirliyi Narkoloji Mərkəzinin direktoru Telman Məmmədhəsənov "Narkomanlığa düçar olmuş uşaqların və qadınların ailədə və cəmiyyətdə hüquqlarının müdafiəsi" mövzusunda keçirilən beynəlxalq konfransda çıxışı zamanı deyib ki, Azərbaycanda narkomaniya xəstəliyinə düçar olan qadınların sayı kişilərə nisbətən az olsa da (2012-ci ildə qadınların ümumi sayı 528, 2013-cü ildə isə 539 nəfər), onların sayı ildən-ilə artır: "Təəssüf hissilə qeyd edim ki, qadın narkomanların əksəriyyəti narkomaniyanın ən ağır forması olan inyeksion narkotik istifadəçiləridir. 2012-ci ildə belə narkoman qadınların sayı 379 olduğu halda, 2013-cü ildə onların sayı 393 nəfər olub. Qadınlarda narkotiklərdən psixi və fiziki asılılıq kişilərlə müqayisədə nisbətən daha tez formalaşır. Qadınlarda narkotiklərdən istifadəyə başladıqdan sonra asılılığın formalaşmasının orta müddəti 2 aydır. Qadınlar bioloji və psixoloji xüsusiyyətləri sayəsində narkotiklərə kişilərlə müqayisədə 10-15 dəfə daha tez sürətlə qurşanırlar. Azərbaycanda 2012-ci ildən narkomaniya xəstəliyinə düçar olan ümumi şəxslərin sayı 27 910 nəfər olub. Onlardan 1247 nəfəri 15-24 yaş arasında olan şəxslər olduğu halda, 2013-cü ildə narkomaniyaya düçar olan 28 376 nəfərdən 4-ü 15-17 yaş arasında, 1324 nəfəri isə 18-24 yaş arasında olan şəxs olub. 25-29 yaş arasında olan 3850 nəfər narkomanın 43-ü qadın olub. Yeniyetmə və gənc narkomanların sayı 1 il ərzində 100 nəfər artıb. Ötən il 18-24 yaş arasında 2 nəfər, 25-29 yaş arasında 23 nəfərdə toksikomaniya, toksiki maddələrin qəbulundan psixi və davranış pozuntuları yaranıb. Narkotiklərdən asılılıq təkcə küçə uşaqlarında deyil, həm də ilk baxışdan ideal görünən valideynlərin uşaqlarında da rast gəlinir. Sosioloji rəy sorğularının nəticələrinə əsasən, müvəffəqiyyətli ailələrdən olan yetkinlik yaşına çatmayan narkomanların 82 faizi öz narkogen "karyera"larına böyüklərin məclislərini dəstəkləməklə ev şənliklərindən başlayıb".
"Təmiz Dünya" İctimai Birliyinin sədri Mehriban Zeynalovanın sözlərinə görə, narkoman qadınların sayının artması bir neçə amillə bağlı ola bilər: "Bunlardan biri qadınların bəzi mental dəyərlər sayəsində kölə halına salındığı bir mühitdə özünü bədbəxt hiss etməsidir. Narkotik qəbul edərkən insanda xoş, sevinc hissləri yaranır və bir çoxları öz dərdlərini unutmaq üçün, müvəqqəti də olsa, süni şəkildə özlərində xoşbəxtlik hormonları yaratmaq istəyir. Bu, depressiya halında çoxlarının ağlından keçən bir şeydir. O anda ətrafında narkoman kimsə varsa və həmin insan da zəif xarakterə malikdirsə, sözsüz ki, o, tora düşəcək. Düşünürəm ki, bunun üçün ciddi maarifləndirmə işləri aparılmalıdır və hər kəs bilməlidir ki, müvəqqəti xoşbəxtlik vərdiş halına keçdikdə daimi bədbəxtliyə gətirir. Mən çox xanım tanıyıram ki, bunu dərk etdiyi üçün bu fikirdən vaz keçib, bəziləri isə özünü inandırır ki, 1-2 dəfə istifadə ilə heç nə olmaz. Əslində hər şey elə ilk istifadədən başlayır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...