Narkomafiya qadınların yeni "təyinatını" Azərbaycana da gətirdi

Tarix: 10.12.2014 / 02:28
Bölmə: Sosial

"Son illər ərzində narkoişbazlar tərəfindən qadınlardan narkokuryer qismində istifadə edilməsinə cəhd halları nəzərəçarpacaq dərəcədə artıb". Bunu Dövlət Gömrük Komitəsinin sədr müavini Əsgər Abdullayev "Narkomanlığa düçar olmuş uşaqların və qadınların ailədə və cəmiyyətdə hüquqlarının müdafiəsi" mövzusunda keçirilən beynəlxalq konfransda çıxışı zamanı deyib.
Onun sözlərinə görə, 1992-ci ildən indiyədək gömrük orqanları tərəfindən narkotik maddələrin qaçaqmalçılığına görə 164 qadın saxlanıb. Onların 83-ü Azərbaycan vətəndaşı olub.
Ə.Abdullayev bildirib ki, bir çox hallarda qadınların narkotik vasitələr, psixotrop maddələr və onların prekusorlarının qaçaqmalçılığı cinayətlərində iştirakı onların həyat yoldaşları və ya "məşuqları"nın, bəzən də digər qohumlarının narkoman və ya narkotik vasitələrin satışı ilə məşğul olması və həmin şəxslərin narkotikə olan tələbatının ödənilməsi və ya realizasiyasında iştiraketmə ilə bağlı olur. Bəzi hallarda qadınların bu cinayətlərdə iştirakının onların maddi vəziyyətinin aşağı olması və bunu bəzi sosial problemlərinin həlli yolu kimi görmələri ilə əlaqədar olması müəyyən edilib.
Komitə sədrinin fikrincə, müasir dövrdə bütün dünyanı ciddi narahat edən məsələlərdən biri də beynəlxalq və milli siyahılara daxil edilməmiş maddələrdən narkotik vasitə, psixotrop maddə qismində istifadə edilməsidir: "Buna səbəb bu maddələrin insanların səhhətinə vura biləcəyi ciddi zərər və hətta insan ölümünə səbəb olabilmə təhlükəsidir".
Maraqlıdır, bəs ekspertlər narkoişbazlar tərəfindən qadınlardan narkokuryer qismində istifadə edilməsinin səbəbini əsasən hansı amillərlə izah edirlər?
Məsələyə münasibət bildirən "Polisə Dəstək" İctimai Birliyinin sədri Şəmsəddin Əliyev bunu bir sıra amillərlə əlaqələndirdi: "Bu gün Azərbaycanda narkotik vasitələrin yayılmasına qarşı mübarizə çox yüksək səviyyədədir. Bu istiqamətdə görülən işlərin dinamikası arzuolunan vəziyyətdədir. Düşünürəm ki, bu ilin sonuna qədər aşkar olunan faktların sayı ötən illə müqayisədə çoxluq təşkil edəcək. Narkoişbazlar görürlər ki, Azərbaycanda bu sahədə mübarizə güclüdür, ona görə də digər variantları işə salmaq istəyirlər. Buna görə də maddi vəziyyəti aşağı olan qadınları buna cəlb etməyə çalışırlar. Fikirləşirlər ki, bəlkə bu o qədər də diqqət çəkməsin. Başqa bir tərəfdən, Azərbaycandan narkoticarətdə tranzit ölkə kimi istifadə olunmasında imkanlar var. Məsələ ondadır ki, ölkənin 20 faizi işğal altındadır. Dövlətin həmin ərazilərə nəzarət imkanı yoxdur. Digər tərəfdən, bunda maraqlı olan dövlətlər var. Bütün bunlara baxmayaraq, Azərbaycan hüquq-mühafizə orqanlarının göstərdiyi ayıq-sayıqlıq, peşəkarlıq bu kimi halların qarşısını alacaq. Təbii ki, ictimaiyyətin də dəstəyi olmalıdır".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...