Yararlı torpaqların zəbtinə görə cəzalar sərtləşdirilə bilər

Tarix: 09.12.2014 / 01:30
Bölmə: Sosial

Vahid Məhərrəmov: «Qanunvericilikdə kənd təsərrüfatına yararlı olan torpaq sahəsində mənzil tikilməsi birmənalı olaraq qadağan edilməlidir»

«Təkcə cərimələrin artırılması ilə belə hallar azalmayacaq»

Kənd təsərrüfatına yararlı torpaqların özbaşına tutulmasına görə cərimələrin artırılması üçün Nazirlər Kabinetinə müraciət olunub. Bu barədə mətbuata açıqlamasında Dövlət Torpaq və Xəritəçəkmə Komitəsinin sədri Qərib Məmmədov məlumat verib. Onun sözlərinə görə, hazırda kənd təsərrüfatına yararlı torpaqlarda xeyli sayda obyekt tikilib.

Bunların bir qismi qanunsuzdur, bir qismi isə təyinatına uyğun istifadə edilmir. Bu halların qarşısını almaq üçün cərimələrin artırılması təklif olunur.

Komitə sədrinin sözlərinə görə, bu məsələ ilə bağlı qanun layihələri hazırlanıb, aidiyyəti orqanlarla razılaşdırılaraq Nazirlər Kabinetinə təqdim olunub: «Keçən il komitə respublika ərazisində 422 qanunvericiliyin pozulması halı aşkar edib, 150 hal üzrə 15372 manat məbləğində inzibati cərimə tətbiq edilib. Hesab edirik ki, bu hərəkətlərin qarşısının alınmasında sərtləşdirilmiş sanksiyalar xüsusi əhəmiyyət kəsb edəcək».

Komitə sədri kənd təsərrüfatına yararlı torpaqlarda fərdi evlərin tikilməsi səbəblərindən biri kimi bu sahədə cərimələrin aşağı olmasını göstərir: «Azərbaycan Respublikasının İnzibati Xətalar Məcəlləsində torpaq qanunvericiliyinin tələblərinin pozulması hallarının qarşısının alınması məqsədilə nəzərdə tutulan inzibati tənbeh tədbirlərinin həyata keçirilməsi üçün cərimə hədləri aşağı olduğundan həmin halların qarşısının alınmasında çətinliklər yaranır».

Odur ki, qiymətli kənd təsərrüfatı torpaqlarının zəbt olunaraq onlardan qanunsuz istifadə edilməsinin qarşısının alınması məqsədilə mövcud qanunvericilik aktlarının sərtləşdirilməsi, bu istiqamətdə yeni qanun layihəsinin hazırlanması məqsədəmüvafiq hesab olunub.

Maraqlıdır, cərimələrin artırılması kənd təsərrüfatına yararlı torpaqların qanunsuz tutulması hallarının azalmasına nə dərəcədə təsir edəcək?

Məsələyə münasibət bildirən kənd təsərrüfatı üzrə mütəxəssis Vahid Məhərrəmovun sözlərinə görə, qanunvericilikdə kənd təsərrüfatına yararlı olan torpaq sahəsində mənzil tikilməsi birmənalı olaraq qadağan edilməlidir: «Təkcə cərimələrin artırılması ilə belə hallar azalmayacaq. Məsələyə kompleks yanaşılmalıdır. İş ondadır ki, kənd yerlərində yaşayan əhalinin sayı artır. Əhali artdığı üçün torpaq sahələrinə və mənzilə ehtiyac yaranır. Bu da, istər-istəməz, torpaq sahələrinin azalmasına gətirib çıxarır. Birinci növbədə bunun həlli tapılmalıdır. Hökumət bu istiqamətdə düşünməlidir. İlk növbədə mənzil tikintisi üçün əhaliyə kənd təsərrüfaatına yararlı olmayan torpaqlar təklif olunmalıdır. Qoy həmin ərazidə ev tikən sonra oranı münbitləşdirsin.

Bir məqamı da qeyd edim ki, çox vaxt kənd təsərrüfatına yararlı torpaqların satılmasında yerli icra qurumları və bələdiyyələrin «müştərək» rolu olur. Qanunvericilikdə kənd təsərrüfatına yararlı olan torpaq sahəsində mənzil tikilməsi birmənalı olaraq qadağan edilməlidir. Belə hallar varsa, o zaman dərhal torpaq geri alınmalıdır. Bu işdə əli olan bələdiyyə və icra hakimiyyəti nümayəndələri cəzalandırılmalıdır».

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...