Dəbdəbəli yas mərasimlərinin "əl-qolu" yenə açılıb

Tarix: 02.12.2014 / 01:57
Bölmə: Sosial

Seyid Camal Əzimbəyli: "Çox təəssüflər olsun ki, elə tanınmış şəxslər var, onlar yas mərasimlərində 4-5 cür yemək verir"

"Sadə yas mərasimlərinin keçirilməməsi bu istiqamətdə maarifləndirmə işinin istənilən səviyyədə qurulmaması ilə bağlıdır"

Azərbaycanda yas mərasimlərində israfçılıq hallarının qarşısının alınması haqda tövsiyələr ətrafında ajiotaj sanki azalmağa başlayır və bu yeniliyin tətbiqi prosesi nisbətən aydın şəkil alıb. Lakin cəmiyyəti bu məsələdə maarifləndirmək zərurəti nəinki qüvvədən düşməyib, hətta daha aktual forma alıb.
Bu hallara son qoymaq məqsədilə hökumət süfrələrdə təkcə adət edilən yeməklər deyil, habelə daha çox ən yaxşı bayram süfrələrinə xas geniş çeşidlər və hətta delikateslərin verildiyi təmtəraqlı tədbirlərdən çəkinmək üçün tövsiyələrlə çıxış edib. Çayla qənd, halva və xurma ilə qane olmaq təklif edilib. Ancaq müşahidələr göstərir ki, buna əməl edən yoxdur. Əhalinin reaksiyasına görə mülahizə yeritsək görərik ki, yas mərasimlərində həddindən artıq israfçılığın olması daha çox mənfi qəbul edilir. Söhbət həqiqətən israfçılıqdan gedir. Məlum olduğu kimi, şəhərdə bir sıra təşkilatlar, daha doğrusu, ritual xidmətlər təklif edən xüsusi mərasim zalları fəaliyyət göstərir. Belə təşkilatların bir hissəsi bələdiyyələrə tabedir.
Bu yaxınlarda Dini Qurumlarla İş üzrə Dövlət Komitəsinin sədri Mübariz Qurbanlı bildirib ki, ölkədə ehsan süfrələrinin təşkilinə qadağa yoxdur. Onun sözlərinə görə, söhbət, sadəcə, yas mərasimlərində ifrat israfçılığın qarşısının alınmasından gedir: "Biz ehsan süfrələrinin əleyhinə çıxmırıq, onların keçirilməsi zamanı ifrat israfçılığa qarşıyıq".
Görünən odur ki, burada dini məsələdən fərqli olaraq daha çox millətin zamanla tərbiyəsi prosesində formalaşan mentallıq məsələsi böyük rol oynayır. Çünki avropalıya normal olan bir şey, azərbaycanlı üçün absurd hesab oluna bilər.
Bütün bunlara rəğmən, yas mərasimlərinin sadə keçirilməsinin təbliği ilə bağlı bir passivlik var. İstər media, istərsə də ictimaiyyət bununla bağlı aktivlik göstərmir.
Sözügedən məsələ ilə bağlı fikirlərini "Bakı-Xəbər"lə bölüşən tanınmış şərqşünas Seyid Camal Əzimbəyli bunu bir sıra amillərlə əlaqələndirdi: "Dövlət qurumlarının bununla bağlı tövsiyələri çox müsbət qarşılandı. Ancaq bunun digər fəsadları da oldu. Bu fəsadlar ondan ibarətdir ki, bəzi bürokratik əngəllər də oldu. Məsələn, bəzi bələdiyyələr rüşvət qarşılığında insanlara yas mərasimi keçirməyə icazə verib. Hesab edirəm ki, sadə yas mərasimlərinin keçirilməməsi bu istiqamətdə maarifləndirmə işinin istənilən səviyyədə qurulmaması ilə bağlıdır. Ona görə də bu məsələdə DQİDK və QMİ-ni günahkar saymıram. Çünki onlar üzərlərinə düşən vəzifəni yerinə yetirdilər. Bunun üçün dayanmadan profilaktik işlərin aparılmasına və təbliğat işinin qurulmasına ehtiyac var. Cəmiyyətin ziyalıları, ağsaqqalları əl-ələ verib sadə yas mərasimlərinin keçirilməsini bir ənənə halına salmalıdır. Çox təəssüflər olsun ki, elə tanınmış şəxslər var, onlar yas mərasimlərində 4-5 cür yemək verir. Bu da təbliğat işinin qurulmasına əngəl yaradır. O üzdən sadə yas mərasimlərinin təşkilinə kompleks yanaşmaq lazımdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...