İcra edilməyən intihar cəhdləri şantaj vasitəsinə çevrilir

Tarix: 01.12.2014 / 02:03
Bölmə: Sosial

Müzəffər Baxışov: "İntihara cəhd edən qanunvericiliklə məsuliyyətə cəlb oluna bilər"

"İşin hallarına görə, pozuntunu törədənin şəxsiyyəti nəzərə alınmaqla bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur"

Son vaxtlar intihara cəhd göstərənlərin sayı artıb. "Koroğlu" metrostansiyasının yaxınlığında olan körpü sanki iradəsi zəif insanlar üçün intihar guşəsinə çevrilib. Kimin nə problemi varsa, həmin körpüyə çıxır və öz həyatına qəsd etməklə ətrafdakıları təhdid edir. Noyabrın 29-u axşam saatlarında 45 yaşlı Nizami Musayev işdən çıxarıldığı üçün həmin körpüyə çıxaraq intihar etmək istədiyini deyib.
FHN əməkdaşlarının onunla danışıqları nəticəsində N.Musayev fikrindən daşınıb. Bu müddət ərzində hava limanı istiqamətində avtomobillərin hərəkətində sıxlıq yaranıb.
Həmin hadisədən bir neçə gün əvvəl 24 yaşlı oğlan "Koroğlu" metrostansiyasının yanındakı körpüdə həyatına son qoymaq istəyib. Oğlanın intihar etmək istəməsinin səbəbi külli miqdarda borcunun olmasıdır. O, polisə bildirib ki, 6 min manatdan çox borcu var və borclu olduğu adam ondan pulu vaxtında qaytarmasını tələb edir. Çıxış yolu kimi körpüyə çıxmaq qərarına gələn gəncin ucbatından paytaxtın böyük, böyük olduğu qədər əhəmiyyətli prospektində nəqliyyatın hərəkəti iflic oldu, hətta bu intihar cəhdi ucbatından bir qadını avtomobil vurdu.
Bununla yanaşı, bir neçə ay öncə "Koroğlu" metrostansiyasının yanında olan körpüyə çıxanlar intihar etməmək üçün millət vəkillərini həmin əraziyə çağırırdılar. İntihara cəhd edənlər ən çox da millət vəkili Qənirə Paşayevanı görmək istəyiblər.
Qeyd edək ki, biz intihara qarşıyıq, amma hələ ki, adıçəkilən ərazidə olan körpüyə çıxıb həqiqətən də intihar edən olmayıb. Sanki intihara cəhd edənlər həmin körpüyə çıxmaqla şou göstərirlər.
Bu günlərdə millət vəkili Etibar Hüseynov "Koroğlu" metrostansiyasının yaxınlığında yerləşən körpüdə tez-tez baş verən intihar cəhdlərinə reaksiya verib. O bildirib ki, intihara cəhd edənlərin cəzasız qalması digər şəxsləri də həvəsləndirir: "Bu nə biabırçılıqdır, anlamıram. Arvadından küsən, işdən çıxarılan, kreditini verə bilməyən gəlib Bakıda "Koroğlu" körpüsünə çıxır. Saatlarla davam edən tıxac paytaxtın bütün hərəkət ritmini pozur. İnsanlar belələrinə görə nə qədər əsəb və problem yaşayır.
Bütün bunların fonunda bu intihar təlxəkləri heç bir cəza almır. Bu cəzasızlıq isə həmin təlxəkləri daha da ruhlandırır. Mən anlamıram, nədən bunun qarşısı alınmır? Bəziləri təklif edir ki, o körpünün yanında polis postu qurulsun. Amma ehtiyac yoxdur və vəziyyətdən də çox sadə çıxış yolu var. Bu da körpünün hər iki tərəfdən tutacaqlarını tikanlı məftillərlə təxminən 1 metr məsafədə sarımaqdır. Vəssalam. Bunu da mən deməliydim?"
Qeyd edək ki, bəzi ölkələrdə intihara cəhd edənləri cərimə və ya cəza gözləyir. Məsələn, Birləşmiş Ərəb Əmirliklərində intihar edənlərin ailələrinə külli miqdarda cərimələr yazılaraq onlar dövlət tərəfindən məsuliyyətə cəlb olunur. Bu hardasa insanları intihardan çəkindirir. Bəs Azərbaycanda bu kimi qanunlar qəbul etmək mümkündürmü? Ümumiyyətlə, intihara cəhd edənləri hansı cəza gözləyir?
"Hüquqi Dövlət" Araşdırmalar Mərkəzinin rəhbəri Müzəffər Baxışov intihara cəhd edən şəxslərin adətən İnzibati Xətalar Məcəlləsinin 296-cı maddəsi ilə məsuliyyətə cəlb olunduğunu bildirdi: "İntihara cəhd edən şəxsləri polis tərəfindən saxlandıqdan sonra İnzibati Xətalar Məcəlləsinin 296-cı maddəsi ilə, yəni xırda xuliqanlığa görə məsuliyyətə cəlb edirlər. Əlli manatdan yüz manatadək miqdarda cərimə edilir, işin hallarına görə, pozuntunu törədənin şəxsiyyəti nəzərə alınmaqla bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Amma bu hərəkətlərə görə həmin şəxslərin xırda xuliqanlığa görə inzibati məsuliyyətə cəlb olunması qanunsuzdur. Çünki İnzibati Xətalar Məcəlləsinin 296-cı maddəsində qeyd olunur ki, ictimai qaydanın pozulması fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət olunmadıqda, bu, xırda xuliqanlıq hesab olunmur. Burda ictimai qayda həmin şəxslər tərəfindən pozulur. Nəqliyyatın hərəkəti iflic vəziyyətinə düşür. Amma onların hərəkətlərində cəmiyyətə qarşı açıqca hörmətsizlik yoxdur. Yəni bu nöqteyi-nəzərdən onların İnzibati Xətalar Məcəlləsində nəzərdə tutulan 296-cı maddə ilə inzibati məsuliyyətə cəlb olunması sırf qanunsuzdur. Bu hərəkətlərə görə onlara qarşı müvafiq tədbirlərin görülməsi bizim qanunvericiliyimizdə nəzərdə tutulmayıb".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...