Zorakılığa məruz qalan qadınlarımız çıxış yolu tapıblar

Tarix: 27.11.2014 / 02:54
Bölmə: Sosial

Mehriban Zeynalova: "Bu gün məhkəməyə boşanmaq üçün müraciət edən qadınların əksəriyyəti zorakılığa məruz qalanlardır"

"Azərbaycan qanunvericiliyində mühafizə orderinin tətbiqi məsələsi olsa da..."

Köməksiz, arxa-dayaqsız qalan təbəqələr sırasında, təəssüf ki, hələ də qadınların adı çəkilir. Baxmayaraq ki, hüquqi dövlətdə, demokratik cəmiyyətdə yaşayırıq, ölkə Konstitusiyasına görə, hər bir fərd müdafiə olunmalıdır, hər kəsin hüququ tanınmalıdır. Hüquqları pozulanlar arasında qadınlar üstünlük təşkil edir.

Bu mənada istər tənha qadın, yaxud ana, istərsə də ailəli qadın olsun, qayğıya ehtiyac duyur.

Açıqlanan statistik rəqəmlərə görə, qadınlara qarşı zorakılıq faktı hələ də davam edir.

Bu günlərədə "Qadınlara səlahiyyət, cəmiyyətə tərəqqi" adlı konfrans keçirilib. Həmin konfransda iştirak edən daxili işlər nazirinin müavini Oruc Zalov bildirib ki, son 5 ildə Azərbaycanda qadınlara qarşı 30277 cinayət hadisəsi (2009-cu ildə 6933, 2010-cu ildə 6507, 2011-ci ildə 6705, 2012-ci ildə 5478, 2013-cü ildə isə 4654), o cümlədən zorakılıqla bağlı 18486 cinayət (2009-cu ildə 4696, 2010-cu ildə 4489, 2011-ci ildə 4280, 2012-ci ildə 3218, 2013-cü ildə 1803) qeydə alınıb. Həmin dövrdə müvafiq cinayətlərin dinamikasında azalma müşahidə olunub.

O.Zalov bildirib ki, bu hüquqazidd əməllərə görə 18948 nəfər məhkəmə məsuliyyətinə cəlb olunub (2009-cu ildə 4934, 2010-cu ildə 4312, 2011-ci ildə 3953, 2012-ci ildə 3274, 2013-cü ildə isə 2475).

O deyib ki, cari ilin son 9 ayında qadınlara qarşı 4195, o cümlədən zorakılıqla bağlı 1687 cinayət faktı qeydə alınıb və 2024 nəfər məhkəmə məsuliyyətinə cəlb olunub: "Qadınlara qarşı zorakılığın aradan qaldırılması daxili işlər orqanlarının əsas vəzifələrindən biridir. Qadın və qızların hüquqlarının pozulması hallarının qarşısını almaq üçün profilaktik tədbirlərin görülməsi daim diqqət mərkəzindədir. Daxili İşlər Nazirliyində 102 - "Qaynar xətt" xidməti yaradılıb və bununla da şərait yaradılıb ki, insanlar polisə öz problemləri barədə müraciət etsinlər. Gündəlik 4000 müraciətdən 30 faizi qadınlar tərəfindən edilir. Qadınlara müvafiq yardım göstərilməsi üçün daim tədbirlər görülür".

"Təmiz Dünya" İctimai Birliyinin sədri Mehriban Zeynalovanın sözlərinə görə, bu gün məhkəməyə boşanmaq üçün müraciət edən qadınların əksəriyyəti zorakılığa məruz qalanlardır. Son dövrlərdə ailədə zorakılığın artması hallarına geniş rast gəlinir. Təəssüf ki, zorakılığın qurbanı əksərən qadınlar olur. Bir qadının ailədən təcrid olunmasının çox böyük fəsadlar törətdiyini deyən M.Zeynalova hər an həm iqtisadi, həm də insan resursları baxımından insan itkisi ilə üz-üzə olduğumuzu bildirdi: "Məsələn, ABŞ-da məişət zorakılığı ilə bağlı tədqiqat mərkəzləri var. Onlar müxtəlif ştatlarda vəziyyəti öyrənir, təhlillər aparır, strategiyalar hazırlayır və çalışırlar ki, zorakılıq minimal səviyyəyə düşsün. Qanunvericiliyə görə, zorakılıq törədən şəxslə bağlı zəng edilibsə, dərhal mühafizə orderi təqdim edilir və zorakılıq edən şəxs o evə bir müddət yaxınlaşa bilmir. Psixoloji yardımdan keçməyincə o şəxsin ailəyə qayıtması yasaqdır. Azərbaycan qanunvericiliyində mühafizə orderinin tətbiqi məsələsi olsa da, boşanma prosesinin getdiyi günlərdə də ərlə arvad birgə yaşayır ki, bu da bəzən faciəyə səbəb olur. Əgər ailədə zorakılıq varsa, məhkəmələrin bəzən boşanmanın vaxtını uzatması hətta ölüm hallarına da səbəb ola bilər. Qadın ona qarşı daim zorakılıq edən kişi ilə uzun müddət bir dam altında necə yaşaya bilər?! Azərbaycan mentaliteti fərqlidir. Qadın uzun illər ərinin zorakılığına dözür. Qadın boşanma qərarını anidən vermir. Bunun üçün illər lazım olur. Əgər qadın boşanmaq istəyirsə, deməli, artıq son nöqtədədir. Belə bir vaxtda məhkəmənin müddəti uzatması, əksinə, acınacaqlı hadisələrə yol aça bilər. Bəzən elə situasiyalar yaranır ki, əksinə, boşanma prosesi nə qədər tez yekunlaşsa, tərəflər üçün bir o qədər xeyirli olur".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...