İran-Azərbaycan narkotrafikinə qarşı yeni dövlətlərarası mübarizə formatı...

Tarix: 27.11.2014 / 02:53
Bölmə: Sosial

Şəmsəddin Əliyev: "Həmin ərazilərin böyük əksəriyyətilə İran həmsərhəddir"

"Biz dəfələrlə bu məsələni qaldırmışıq, ancaq bir dəfə də olsun İran bunu etiraf etməyib"

Azərbaycan baş nazirinin müavini, Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov İran İslam Respublikasına səfəri çərçivəsində İranla Azərbaycan arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri, rabitə və informasiya texnologiyaları naziri Mahmud Vaizi ilə görüşüb.

Qaçqın və Məcburi Köçkünlərin İşləri üzrə Dövlət Komitəsinin mətbuat xidmətindən verilən məlumata görə, görüşdə qarşılıqlı faydalı əməkdaşlıq əlaqələrinin daha da genişləndirilməsi, ölkələrimiz arasındakı ticarət dövriyyəsinin əsaslı şəkildə artırılması, viza, gömrük sisteminin sadələşdirilməsi və digər məsələlər ətrafında geniş fikir mübadiləsi aparılıb.

Ə.Həsənov deyib ki, Azərbaycan İranı özünün yaxın dostu hesab edir və bütün sahələrdə münasibətlərin yüksələn xətlə inkişaf etməsinə çalışır. Dövlət Komissiyasının fəaliyyətini yüksək qiymətləndirən Əli Həsənov hələ 2002-ci ildə İrana səfəri zamanı bu komissiyanın sabiq rəhbəri ilə görüşdüyünü və onunla olduqca vacib məsələlərin müzakirə edildiyini bildirib. Onun sözlərinə görə, İran-İraq müharibəsi dövründə İran da qaçqınlar problemi ilə qarşılaşdığından, İranın qaçqınlarla iş üzrə böyük təcrübəsi var və bu sahədə təcrübə mübadiləsinin aparılması faydalı olar. Ə.Həsənov müştərək komissiyada humanitar sahədə, həmçinin narkotik vasitələrin qanunsuz dövriyyəsinin qarşısının alınması istiqamətində də yaxından əməkdaşlığın zəruri olduğunu söyləyib, bu iki məsələnin komissiyada müzakirəsini təklif edib.

Görüşdə qeyd edilib ki, Ordubad-Marazad və Xudafərində "Qız Qalası" su elektrik stansiyalarının tikintisinin davam etdirilməsi də zəruridir. Tərəflər ölkələrimiz arasında ticarət dövriyyəsinin 500 milyon dollar həcmində olmasını qənaətbəxş saymayıb. Həm Azərbaycanın, həm də İranın iqtisadi və istehsal potensialı ölkələr arasındakı ticarət dövriyyəsinin həcminin dəfələrlə yüksəldilməsinə imkan verir. Ə.Həsənov Mahmud Vaizini Azərbaycana səfərə dəvət edib.

Görüşdə Azərbaycanın İrandakı səfiri Cavanşir Axundov və Nazirlər Kabinetinin şöbə müdiri Qurban Sadıqov da iştirak ediblər.

Azərbaycan tərəfinin təklif etdiyi əməkdaşlıq sahələri arasında ən diqqət çəkənlərdən biri də narkotik vasitələrin qanunsuz dövriyyəsinin qarşısının alınması istiqamətində yaxından əməkdaşlığın zəruriliyi ilə bağlıdır. İranla Azərbaycanın bu sahədə əməkdaşlığı hansı faydanı verə bilər?

Keçmiş polis rəisi Şəmsəddin Əliyev qəzetimizə açıqlamasında bildirdi ki, bu istiqamətdə vəziyyət bir qədər həssaslıq tələb edir: "Azərbaycanda sərhədlərə və narkotiklərin qanunsuz dövriyyəsinə nəzarət edən kifayət qədər məsul qurumlar var. Şübhəsiz ki, belə təşkilatlar İranda da fəaliyyət göstərir. Hüquq-mühafizə orqanları arasında birgə əməkdaşlıq hər zaman olur. Bu sahədə də ola bilər. İş praktikamdan da bilirəm ki, Azərbaycana keçən narkotiklərin böyük partiyası İran ərazisindən gətirilir. İrana da narkotiklər Əfqanıstandan keçirilir. Bu, böyük beynəlxalq bir tranzit marşrutudur. Bu məsələdə əməliyyat fəaliyyəti gücləndirilməlidir. Məsul olan qurumları komissiyalar səviyyəsində çərçivəyə salmaq lazım deyil. Əksinə, həmin dövlət təşkilatlarına şərait yaradılmalıdır ki, koordinasiyanı təmin edə bilsinlər. İranın diqqətinə daha çox bizim işğal altında olan ərazilərimizdəki vəziyyəti çatdırmaq lazımdır. Həmin ərazilərin böyük əksəriyyətilə İran həmsərhəddir. Məhz həmin ərazilər bu gün beynəlxalq narkotranzit üçün istifadə edilir. Biz dəfələrlə bu məsələni qaldırmışıq, ancaq bir dəfə də olsun İran bunu etiraf etməyib. Bu yalnız Azərbaycan üçün deyil, bütün dünya üçün ciddi problemə çevrilib. Hesab edirəm ki, iki ölkə arasında nəzərdə tutulan birgə fəaliyyətdə bu sahələrə ciddi fikir verilməlidir. Yalnız onda bir effekt əldə oluna bilər".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...