Toy sahiblərinə ağlasığmaz qiymət "oxuyan" müğənnilər vergi məsələsində hələ də susur...

Tarix: 26.11.2014 / 02:21
Bölmə: Sosial

Rəşad Həsənov: "Şou-biznes nümayəndələrinin vergiyə cəlb olunması istiqamətində ciddi iş görülməlidir"

"Toy edənlər də müğənnilərə verilən pullarına qənaət etməli, israfçılığa yol verməməlidir"

Ölkəmizdə əlinə mikrofon alıb oxuyub-oynayan müğənnilər bu gün ömrünü elm öyrənməyə həsr edən insanlardan dəfələrlə çox qazanır. Belə ki, ali təhsilli bir müəllim, həkim və ya mühəndis ailəsinə ay ərzində 300-500 manat arasında əməkhaqqı aparırsa, müğənnilərimiz bu məbləği heç ətrafında fırlanan disk daşıyanlarına da qıymır.
Başqa sözlə, bir gündə təkcə bir toydan ən çoxu 10-15 min manat, ən azı isə 3-5 min manat qazanc götürürlər. Hətta elə müğənnilər var ki, bir günə 10-15 min manat qazanmaq üçün onun bütün toyu idarə etməsinə ehtiyac yoxdur. Çünki onun yarım saatının qiyməti elə 5-10 min manatdır. Təsəvvürünüzə gətirin ki, həmin müğənni bir gün ərzində 5 toyda yarım saat görünməyinə görə fantastik məbləğ, başqa sözlə, 25-50 min manat qazanır. Cəmiyyətimizin müəllimi, həkimi, mühəndisi, jurnalisti və ya başqa peşə sahibləri bu pulu qazanmaq üçün ən azı ömrünün 10-15 ilini işləməlidir.
Maraqlıdır, bu qədər pul qazanan şou-biznes nümayəndələri dövlətə vergi ödəyirmi? Vergidən yayınan sənət adamlarını hansı yolla vergiyə cəlb etmək olar?
Elə bu günlərdə belə bir təkliflə millət vəkili Rafael Cəbrayılov çıxış edib. O öz çıxışında qeyd edib ki, şou-biznes nümayəndələri vergidən yayınır və buna son qoymağın vaxtı çatıb: "Vergidən yayınma halları restoran, şadlıq evləri sahibləri və şou-biznes nümayəndələri arasında var. Onların gəlirləri ilə ödədikləri vergi arasında fərq çox böyükdür. Artıq Azərbaycanda da vergidən yayınma hallarına son qoymağın vaxtı çatıb".
İqtisadçı-ekspert Rəşad Həsənovun sözlərinə görə, bazar iqtisadiyyatında qiymətlərin müəyyənləşdirilməsi tələb və təklif əsasında formalaşır: "Bu istiqamətdə onu qeyd etmək olar ki, şou-biznesin inkişafı və qısa müddət ərzində ölkəyə kütləvi valyuta axınları bu qədər dəbdəbəli mərasimlərin, toy məclislərinin keçirilməsinə, eləcə də müğənnilərin xidmətlərini yüksək səviyyəyə gətirib çıxarıb. Burda tənzimləmə, yuxarı və aşağı hədd yoxdur".
Onun sözlərinə görə, əhali müğənnilərin xidmətindən istifadə etməkdə maraqlı olduğundan, bu, qiymətlərin qalxmasına səbəb olub: "Müğənnilər qiymətin daha yüksək olmasında maraqlıdır. Onların əldə etdikləri gəlirlərin vergiyə cəlb edilməsində ciddi şübhələr var. Müğənnilərin vergiyə cəlb edilməsi qaydalarının təkmilləşdirilməməsinin nəticələrini bu gün görürük. Qanunvericiliyə görə, rüblük dövriyyə 150 min manata qədərdisə, fiziki şəxs kimi 4 faiz vergi ödəyir. Əgər dövriyyə 150 min manatı ötürsə, vergiyə cəlb olunan mənbə dəyişərək hüquqi şəxs statusu daşıyır və əlavə dəyər vergisinə (ƏDV) keçir. Burda artıq müğənnilər müxtəlif vergi növlərini ödəməlidir. Bir toya 10 min manata gedən müğənnidən söhbət gedirsə, ayda təxminən 20 toyu olursa, aylıq qazancı 200 min manat edir. Bunu isə bir ilə, yəni 12 aya vuranda 2 milyon 400 min manat gəlir əldə etmək deməkdir. Bu isə o deməkdir ki, onun gəliri artıq hüquqi şəxs dərəcəsinə çatır, əlavə olaraq 18 faiz ödəməlidir. Üstəlik, Dövlət Sosial Müdafiə Fonduna qazancının 23 faizi məbləğində ödəniş etməlidir".
İqtisadçı belə yüksək dövriyyələrin vergiyə cəlb edilməsi istiqamətində tədbirlər görülməsinin vacib olduğunu vurğuladı: "Bu həm dövlət büdcəsinin gəlirlərinin artmasına, həm də qeyri-neft sektorunun leqallıq faizinin yüksəlməsinə səbəb olardı. Toy edənlər də müğənnilərə verilən pullarına qənaət etməli, israfçılığa yol verməməlidir".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...