11 saylı İnternatın direktoruna qurulmuş oyunun detalları açılır

Tarix: 25.11.2014 / 07:42
Bölmə: Sosial

Son ay ərzində Bakıda yerləşən 11 saylı inteqrasiya təlimli İnternat məktəbində baş vermiş iki hadisə medianın gündəmini tutdu. İş olan yerdə nöqsan da ola bilər, ancaq bu məlumatların ard-arda və böyük piar kampaniyası çərçivəsində aparılması istər-istəməz ortaya suallar çıxarmış olur: "Niyə məhz bu məktəb ətrafında belə kampaniya aparılır? Deyilənlər həqiqətdirmi? Eyni mərkəzdən idarə olunduğu təəssüratı yaranan bu kampaniyanın arxasında kimlər dura bilər?"
İndi isə 11 saylı İnternatda baş verdiyi iddia olunan və bu barədə KİV-lərdə yayılan məlumatların məzmununa diqqət yetirək.
Hüquq müdafiəçisi T.Rzayevin yaydığı məlumata görə, oktyabrın 10-da 11 saylı inteqrasiya təlimli internat məktəbində Surxay adlı uşaq internat yoldaşı Fatehi üzərinə qaynar su tökərək yandırıb. O, buna səbəb kimi, internatda uşaqlara nəzarətin lazımi səviyyədə olmamasını göstərirdi.
Bunun ardınca isə mətbuatda Sabunçu rayonu, Bilgəh qəsəbəsində yerləşən 11 saylı inteqrasiya təlimli internat məktəbində lentə alınan görüntülər yayıldıqdan sonra Təhsil Nazirliyinin ciddi araşdırmalara başladığı bildirildi.
Qeyd edək ki, mediada Sabunçu rayonu, Bilgəh qəsəbəsində yerləşən 11 saylı inteqrasiya təlimli internat məktəbində uşaqların soyuq tualetdə (hamamda, vanna otağında yox!), özü də şlanqla öz həmyaşıdlarını çimizdirməsini əks etdirən görüntülər yayıldı.
Bütün bu məsələrə aydınlıq gətirmək məqsədilə məktəbin direktoru Gülnarə Abdullayeva ilə əlaqə saxladıq. Direktor bizimlə söhbətində bildirdi ki, son günlər rəhbərlik etdiyi məktəb ətrafında yaşananlar məqsədli şəkildə ona qarşı təşkil edilmiş kampaniyanın tərkib hissəsidir: "Bu əvvəlcədən planlaşdırılmış, mənə qarşı təşkil edilmiş bir provokasiyadır. Buradan əvvəl mən 4 il Təhsil Nazirliyi Sağlamlıq İmkanları Məhdud Uşaqlar üçün Reabilitasiya Mərkəzində müdir müavini vəzifəsində çalışmışam. 2014-cü ilin yanvar ayının 10-dan məni bu məktəbə təlim-tərbiyə işləri üzrə müavin təyin ediblər. Mən eyni zamanda direktor əvəzi kimi fəaliyyət göstərmişəm. Bu ilin mart ayında isə direktor kimi təsdiqlənmişəm. Çalışdığım 10 ay ərzində məktəbdə çox böyük dəyişikliklərə imza atmışıq. Məktəb haqqında dezinformasiya yayan Mülkücahan Əliyeva adlı müəllim məndən əvvəl burada çalışıb. O, direktor müavini olub. Onun vaxtında məktəbdə hamam olmayıb. Uşaqları tədris korpusundakı tualetde çimizdiriblər. Mən gələndən sonra sanitar qovşağın birini ləğv edib hamam yaratdım. Burada oxuyunlar xəstə uşaqlardır, onlar özlərini tez-tez batırırlar. Mütləq çimməlidirlər. Biz ora "aristonlar" quraşdırmışıq, hamamda daim qaynar su olur. Şlanqı uşağın əlinə verib onu çəkmək təxribatdır. Uşaqların özü də deyir ki, onları bu işə vadar ediblər. Bu xanım mənim yerimə müdir işləmək istəyir. Onun iddiaları çox böyükdür. Bu kampaniyanın arxasında duran başlıca məqsəd də məhz budur".
Direktor bildirdi ki, uşaqların soyuq su ilə çimdirilməsi öz təsdiqini tapsa belə, yenə də məsuliyyət Mülkücahan Əliyevanın üzərinə düşür: "Çünki həmin uşaqlar məhz onun sinfində oxuyurlar. Həmin xanım həm onların müəllimi, həm də tərbiyəçisidir. Hazırda Bakı Şəhər Prokurorluğu və Təhsil Nazirliyi fakt üzrə araşdırmalara başlayıb. Mənim özüm də bu məsələnin obyektiv araşdırılmasında maraqlıyam. Çünki Azərbaycanın tərəfdaş çıxdığı Uşaq Hüquqları Konvensiyasının tələbləri uşaqlara münasibətdə kobud şəkildə pozulub. Mən sona qədər uşaqların hüququnu qoruyacam. Bizim məktəbdə hazırda 1031 şagird oxuyur. Onlardan 300-ə yaxını məktəbdə qalır. Gəlib özünüz də görə bilərsiniz ki, hər uşaq necə böyük qayğı ilə əhatə olunub. Kollektivin baş verənlərə münasibəti çox mənfidir. Onlar nazirin də qəbuluna getmişdilər. Müəllimlər Mülkücahan Əliyeva kimi müəllimlərlə işləmək istəmədiyini bəyan edir".
Qeyd edək ki, məktəb direktoru ilə söhbətimiz əsnasında o israrla gedib məktəbi, buradakı şəraiti, özəlliklə hamam otağını öz gözlərimizlə görməyi xahiş edirdi və biz bu barədə ona vəd verdik. Bu halda isə sual yaranır: hər şey deyildiyi kimi bərbaddırsa, bizim ora getməyimizi niyə istəsinlər? Axı, ən azı, uşaqlar sözün düzünü deyəcək...

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...