İrəvan muzeylərindən birində saxlanılan köhnə "Mersedes-Gelandewagen"in Əsəd ailəsi ilə nə əlaqəsi var?
Suriyada devrilən Əsıd rejimi ilə Ermənistanın çox yaxın əlaqələri olub. Bu, vaxtilə dövlət başçılarının bir-birini balyramlarda təbrik etmələri, vaxtaşırı qarşılıqlı səfərlərilə də aşkar müşahidə edilirdi. Əsəd Ermənistanın ən yaxın müttəfiqlərindən biri kimi Azərbaycan-Ermənistan munaqişəsi dövründə İrəvana həm silah-sursatla, həm maddi, həm də canlı qüvvə ilə yardım edib.
Məlumatlara görə, Əsədin Amerikanın düşməni olmasına baxmayaraq, Ermənistan onunla qardaşlıq edirdi və onun Türkiyə ilə düşmənçiliyindən bəhrələnirdilər. Əsəd rejiminin cinayətlərində bütün Ermənistan hakimiyyətlərinin, Azərbaycana qarşı Ermənistanın törətdiyi cinayətlərdə isə Əsədin əli var.
Tarixçi Zaur Əliyev məsələyə münasibət bildirərkən deyib ki, Bəşər Əsədin müftisi Əhməd Bədrəddin Hassun keçmiş Dağlıq Qarabağda erməni dövlətinin qurulmasının tərəfdarı oldugunu hər yerdə bəyan edirmiş: "2011-ci ildə Suriyanın dini icmaları ilə görüsdəki çıxışında Hassun deyib ki, Qarabag üçün başlıca motivasiya erməni xaqının müstəqilliyı üçün göstərdiyi azadlıq mücadiləsi, regionun tarixi keçmişi və müharibədə qələbəsidir".
"Söhbət hansı mübahisədən gedə bilər, şəxsən mən Qarabağdakı erməni xalqının müstəqilliyi və azadlıq uğrunda səylərini dəstəkləyirəm. Bir daha qeyd etmək lazımdır ki, Qarabağ münaqişəsinin səbəbi din deyil, erməni xalqının azadlıq istəyidir. Bununla hesablaşmamaq olmaz", - Hassun deyib.
Bu onun göstəricisidir ki, Suriyada Əsəd rejimi həmişə Ermənistanın tərəfində olub.
Zaur Əliyev deyir ki, Suriyada Əsəd tərəfindən xeyli sayda erməni silahlıları vuruşub və ermənilər əsasən Əsədin yaxın mühafizəsində olub, onun cangüdənləri ermənilər idi: "Hələbdə baş vermiş qətliamlar zamanı terrorçu erməni dəstələri xüsusi fəalliq göstərib. Erməni terror dəstələrı türkman (azərbaycanlı) xalqının qətliamında aktiv iştirak edib. Ermənistan hökumətinin Bəşər Əsədə və onu dəstəkləyən qruplara yardım dolu təyyarələr göndərdiyinin sübutları var. Xocali soyqırımı zamanı Əsədin xüsusi təyinatlıları ermənilərlə birlikdə bu insanlığa qarşı cinayətdə iştirak ediblər.
"Mercedəs" firmasınin istehsali olan "Gelandewagen" markalı maşını 1990-cı ildə Suriya prezidenti Hafiz Əsəd Ermənistanın müdafiə naziri olan Vazgen Sarkisyana hədiyyə edib. Sarkisyan isə avtomobili bir qədər sürdükdən sonra onu gürcü biznesmen ilə iki tank qarşılığında barter edib. Yəni avtomobili verib iki tank alıb. Həmin tanklar da Qarabağ müharibəsində bizə qarşı istifadə edilib", - Zaur Əliyev qeyd edir.
Tarixçi bildirir ki, 1994-cu ildə Suriya prezidenti Sarkisyanın onun hədiyyə etdiyi maşınla tank aldığını eşidib: "Əsədin atası həmin maşını gürcü biznesmendən pulla alır və yenidən Sarkisyana hədiyyə edir. Hafiz Əsədin Sarkisyana iki dəfə bağışladığı həmin "Mersedes-Gelandewagen" hazırda Ermənistanda mötəbər eksponat kimi muzeydə saxlanılır".
Bəli, Ermənistanın Əsədlər rejimi ilə yaxın münasıbətlərinin tarixi ölkənin müstəqilliyinin ilk illərindən başlayüb. Bəlkə də bu əlaqələr zəif də olsa, sovetlər dönəmındə də olub. Çünki hələ sovetlər dönəmində cəmiyyətdə ermənilərin ümumdünya erməni fonduna ianələr toplandığı barədə söz-söhbətlər var idi. Eyni zamanda, bu ianələrin Suriyaya göndərilməsi də hallanırdı.
Dəniz NƏSİRLİ
