Son dövrlər fransalı məmurlar, xüsusən də nazirlər İrəvanı su yoluna çeviriblər. Necə deyərlər, Parisin meri gedir, Fransanın xarici işlər naziri gəlir, onun ayaq izləri qurumamış mədəniyyərt naziri özünü Ermənistana yetirir...
Fransalı məmurların Ermənistan sevgisinin mütləq bir səbəbi olmalıdır, yoxsa onlara nə düşüb ki, günləri yollarda keçir? Ermənistanda olarkən bir sıra antiazərbaycan bəyanatlar verən, eyni zamanda da Azərbaycanın tarixi irsinin bir parçası olan Gərni məbədini “erməni irsi” kimi UNESCO-ya salmağı planlaşdırdığını elan edən Fransanın xarici işlər nazirinin erməni ağzı ilə danışmasının səbəbi məlum olub. Məlum olub ki, fransalı nazir Ermənistana anti-Azərbaycan mövqeyi ilə tanınan, erməni lobbisinin sözçüsü kimi fəaliyyət göstərən fransız parlamentari, Fransa Milli Assambleyasındakı Fransa-Ermənistan dostluq qrupunun sədri Ann-Lorans Petel ilə eyni təyyarədə gəlib.
Bundan hər şey aydın olur. Bu fakt bir daha onu təsdiqləyir ki, Fransa hökumətində təmsil olunan yüksık vəzifəli şəxslər erməni lobbisinin dirijorluğu ilə hərəkət edir. Gizlin deyil ki, onun səfərini məhz erməni lobbisi özü təşkil edir və naziri lobbi rəhbəri özü idarə edir ki, onun verdiyi məlumatı hərfiyyən yerinə yetirsin, işini, çıxışını ona verilən tezislər əsasında qursun. Bu doğrudan da dəhşətli bir haldır ki, Fransa kimi böyük dövlətin məmur korpusu erməni lobbisinin əlində oyuncaqdır.
Ceyhun Məmmədov: “...ermənilərin əlində bir alətə çevriliblər”
Millət vəkili Ceyhun Məmmədov “Bakı-Xəbər”ə şərhində “Hesab edirəm ki, bu məsələ bir daha onlar arasındakı işbirliyini göstərir. Yəni bu reallıqdır ki, bu gün Fransada həm Senatda, həm də ayrı-ayrı dövlət qurumlarında çoxlu sayda erməni var və onlar hakimiyyət nümayəndələrinə öz təsirlərini göstərirlər. Bu tezislərin də bir çoxunu onlar verirlər. Təəssüf ki, bir çox Fransa siyasətçiləri, Fransa Senatının nümayəndələri ermənilərin əlində bir alətə çevriliblər. Onların çirkli təbliğatının qurbanına çevriliblər. Bu həqiqətən də hansı çirkin proseslərin açıq-aydın getdiyini göstərir. Eyni zamanda erməni diasporunun burada fəaliyyət göstərən dövlət qurumları ilə sıx əməkdaşlığının, Azərbaycanın əleyhunə fəaliyyətinin göstəricisidir. Təəssüf ki, bir fransız siyasətçinin də dediyi kimi, Fransa və Fransada baş verənlər onu göstərir ki, sanki Makron bu gün frnasızların yox, ermənilərin prezidentdi, Fransanın heç bir iş-gücü qalmayıb, onlar bütün güclərini Ermənistana yönəldiblər. Ermənistanın təxribatçılıq və pozuculuq fəaliyyətini dəstəkləyirlər. Əlbəttə, bu da çox ciddi bir məsələdir” - deyə bildirdi.
Millət vəkili bunun çox anormal hal olduğunu qeyd etdi.
Əli Mahmud: “Bunlar hamısı Makron hökumətində təmsil olunan nazirlərin erməni lobbisinin əl buyruqçusu olduğunu bir daha təsdiqləyir”
“Qarabağa aparan yol” qəzetinin baş redaktoru, şair-publisist Əli Mahmud “Bakı-Xəbər”ə şərhində bildirdi ki, Fransa uzun illərdir ermənipərəst mövqeyindən əl çəkmək istəmir. Ə.Mahmud hesab edir ki, Fransa hökumətini ermənilərə qahmar çıxmağa məcbur edən məqamlar var, onlardan biri də erməni terror təşkilatlarıdır.
Bu gün Makron hökumətinin və onun nazirlərinin erməni lobbisinin əlində oyuncaq olduğunu deyən Ə.Mahmud vurğuladı ki, Rima Əbdül Malak (Mələk) satın alınmışlardan biridir: “Fransanın mədəniyyət nazirinin davranışları da, antiazərbaycan mövqeyi də onun hansı yuvanın quşu olduğunu göstərir. O, İrəvana çatar-çatmaz erməni ağzı ilə danışamağa başladı. Çünki o, onu öz təyyarəsi ilə İrəvana gətirən Peteldən aldığı təlimatlar əsasında danışıb. Ona hazır yazılı nə verilibsə o da onu təkrarlayıb. Fransanın mədəniyyət naziri bölgədən tamamilə xəbərsizdir və bilmir ki, bu bölgədə qədim erməni mədəniyyəti deyilən bir nəsnə yoxdur. Erməni lobbisinin sədri ona uydurma məlumatlar verib, o da həmin yalanlara öz qəlbindəki kin-küdurəti, nifrəti qatıb Azərbaycana qarşı hücuma keçib. O elə şeylər danışıb ki, adam onun məlumatsızlığına məəttəl qalır. Təsəvvür edin ki, səsləndirdiyi bütün fikirlərin hamısı təhrif edilən məlumatlar əsasında idi. Anlamaq istəmir ki, ermənilər azərbaycanlıların mədəni irsini talan edib. Elə obyektivdirsə, ermənilərin Azərbaycan irsinin başına açdığı oyunlardan danışsın, amma danışmır, çünki o bir müzdlu şəxsdir və lobbi nə deyir onu danışır. Bunlar hamısı Makron hökumətində təmsil olunan nazirlərin erməni lobbisinin əl buyruqçusu olduğunu bir daha təsdiqləyir” - deyə Ə.Mahmud vurğuladı.
İradə SARIYEVA
