Azərbaycan dövlət müstəqilliyini elan etdikdən sonra molla rejimi öz əsl simasını büruzə verməyə başladı. 30 ildən artıqdır ki, mollalar Azərbaycanın müstəqilliyinə, suverenliyinə qarşı təxribat həyata keçirir.
Azərbaycan dövlətinin özünü Azərbaycan Xalq Cumhuriyyətinin varisi elan etməsi mollabaşları daha da qeyzləndirir. Çünki onların illərdən bəri qurduqları planlar alt-üst olur, niyyətləri suya düşür. Molla rejimi Azərbaycan Xalq Cumhuriyyətinin qurucularını, liderlərini, ideoloqlarını, milli mıfkurəmizin ocağı başında dayanmış olan böyük şəxsiyyətlərimizi daim gözdən salmağa, onların ideyalarını tərsinə yozmağa çalışır. Lakin hər dəfə özlərini ifşa edirlər.
Molla rejiminin kanalları indi də Əli bəy Hüseynzadənin bayrağımızdakı qırmızı rəngə verdiyi təsvirə böhtan atırlar. "Azərbaycan tarixi" teleqram kanalı Azərbaycan tarixi dərsliyində bayrağımızın təsviri ilə bağlı mövzuya qısqanclıqla yanaşaraq, orada əks olunanlara böhtan atır. Kanal iddia edir ki, guya Azərbaycan bayrağındakı qırmızı rəng başqa məna daşıyır. Azərbaycanlıların dili ilə yaydıqları təxrubatçı məlumatda qeyd edilir: “Bayrağımızda qırmızı rəngə məna verən Əli Bəy Hüseynzadə bunu indiki məna ilə müasirlik və demokratiya şəklində ifadə etmirdi. Qırmızı rəng məhz "avropa qiyafəli" mənasını daşıyırdı. Yəni Azərbaycan xalqı milli kimliyini itirməli, özünə dildə müsəlman desə də, avropalılar kimi həyat sürməli, etnik cəhətdən də özünü Türk xalqlarına mənsub bilməli idi..."
Guya Ə.B.Hüsyenzadə bununla bizə milli kökdən uzaqlaşmağımızı təlqin edirmiş.
"Bizim bayrağımızın rənglərindən birinə iftira atan mollalar, aryançılar, şovinistlər bilməlidir ki..."
Mollakratiyanın növbəti təxrubatına tarixi faktlarla cavab verən AMEA-nın Fəlsəfə və Sosiologiya İnstitunun aparıcı elmi işçisi, fəlsəfə doktoru, BAO sədrinin müavini Faiq Ələkbərli “Bakı-Xəbər”ə şərhində "Azərbaycan türklərinin yaratdığı dövlətlər bəllidir. Yalnız son minilliyə baxsaq görərik ki, təkcə bu günkü Azərbaycan coğrafiyasında deyil, onun əsasında və ətrafında yaranmış bir çox dövlətlər var. Elxanilər, Qaraqoyunlular, Ağqoyunlular, Səfəvilər, Əfşarlar və Qacarlar dövləti məhz Azərbaycan türklərinin dövləti idi. Şübhəsiz ki, Qacarların çöküşü ərəfəsində meydana çıxan Azərbaycan Xalq Cümhuriyyəti də məhz bu dövlətçiliyin davamıdır. Yəni Qacarlardan sonra meydanda çıxan Pəhləvilər deyil, Xalq Cümhuriyyəti həmin türk dövlətçilik tarixinin davamıdır" -deyə bildirdi.
O qeyd etdi ki, əvəllər Pəhləvilər, indi isə molla rejimi daim Azərbaycana qarşı saxtalaşdırma kampaniyası aparıb. F.Ələkbərli hesab edir ki, onların bütün iddialarına cavab verilməlidir, çünki həqiqət hər zaman təbliğ olunmalıdır. "Azərbaycan Xalq Cümhuriyyətinin fəlsəfəsinin, onun ideologiyasının əsas müəlliflərindən biri də Əli bəy Hüseynzadədir. Məhz Əli bəy Hüseynzadənin irəli sürdüyü türklük, islamlıq və çağdaşlıq ideyası sonra bizim üçrəngli bayrağımızın da fəlsəfəsini təşkil etdi. Bu anlamda Əli bəy Hüseynzadənin ortaya atdığı bu ideoloji məsələlər sonradan Azərbaycan Xalq Cümhuriyyətinin qurucusu və dövlət başçısı Məhəmməd Əmin Rəsulzadə tərəfindən 9 noyabda Azərbaycan Cumhuriyyətinin rəsmi bayrağı halına gətirildi. Həmin bayraqda da məhz göy rəng türklüklüyü, yaşıl rəng islamlığı, qırmızı rəng isə müasirliyi, çağdaşlığı ifadə edirdi. Ancaq türk dövlətçiliyinin davamı olan Azərbaycan Respublikasını həzm edə bilməyən və saxta iddialar irəli sürən qüvvələrin dediklərinə aydınlıq gətirmək lazımdır. Əvvəllər Pəhləvi rejiminə, indi də mollalara nökərçilik edənlərin iddiaları cavabsız qalmamalıdır. Əslində, Əli bəy Hüseynzadə türklüyümüzü də, islamlığımızı da, insanlılığımızı da, Qafqazlılığımızı da, çağdaşlığımızı da çox gözəl ifadə edib. Yeri gəlmişkən, Hüseynzadə daha çox Qafqazlılıq anlamında edirdisə, Məhəmməd Əmin Rəsulzadə bu Qafazlını məhz Azərbaycanlılıq anlamına gətirdi. Bayrağımızdakı al rəngin isə Avropalılaşmaq, yoxsa çağdaşlıq olması məsələsi bir çox hallarda müzakirəyə səbəb olurdu. Ancaq Əli bəy Hüseynzadənin fəlsəfəsində görürük ki, qırmızı rəng çağdaşlığı bildirir. Çünki o, açıq şəkildə yazırdı ki, türkün inkişaf edib avropalaşması avropalıların tərəqqisi demək olardı, yoxsa türkün, müsəlmanın tərəqqisi demək olmaz. O demək istəyirdi ki, bizim fəlsəfəmizdə Avropadan əsən bütün zəhərli küləkləri qəbul etmək, türk və müsəlman xalqları üçün qəbuledilməzdir. Biz ordan yalnız bəzi texnoloji məsələlərdən yararlanmalıyıq. Necə ki, vaxtilə avropalılar bir çox məsələləri istər texnoloji, istər elmi anlamda türklərdən, ərəblərdən, yəni islam dünyasından əxz etmişdilər.
Bu baxımdan Əli bəy Hüseynzadənin və Məhəmməd Əmin Rəsulzadənin ifadə etdiyi qırmızı rəng çağdaş türklük və çağdaş islamlıq anlamındadır. Bu qətiyyən milli kimliyimizi danıb Avropalılaşmaq anlamında olmayıb. Əli bəy Hüseynzadə də, Rəsulzadə də qırmızı rənglə türklərin hər zaman çağdaş, yenilikci bir millət olduğunu ifadə ediblər. Bu baxımdan, bizim bayrağımızın rənglərindən birinə iftira atan mollalar, aryançılar, şovinistlər bilməlidir ki, biz Qacarlardan sonra varislik. Yəni Azərbaycan türklərinin bu coğrafiyada qurduğu bütün dövlətlərin qanuni varisi Azərbaycan Respublikasıdır. İstər Pəhləvilər, istərsə də mollalar qanunsuz şəkildə bizim torpaqlarımız üzərində idarəçilik ediblər, mollalar o qanunsuz idarəetməni bu gün də həyata keçirirlər. Fars şovinistləri Tehranda hökm sürən hakimiyyətlərinin qanunsuz olduğunu bildikləri üçün bizə bayrağımıza qədər uzanan iftiralar atırlar. Bilirlər ki, Tehranda hakimiyyət yenə də Azərbaycan türklərinin olacaq. Türklüyü, islamlığı və çağdaşlığı ifadə edən üçrəngli bayrağımız Təbrizə yanaşı Tehranda da dalğalanacaq. Molla rejimini də narahat edən budur.
zamanı deyirdi. Aryançılar, panfarsistlər deyirdilər ki, bizə islam dini də lazım deyil, biz Zərdüştlüyə qayıdacağıq onda Əli bəy Hüseynzadə məhz "Füyuzat"da qələmə aldığı məşhur məqalələrindən birində deyirdi ki, bizim yolumuz türklükdür, islamlıqdır, insanlıqdır, çağdaşlıqdır. Farslar ki deyir islamdan üz çevirib Zərdüştlüyə qayıdırıq, onda biz türklər farslarla bir arada yaşaya bilmərik. Bu onu göstərir ki, Əli bəy Hüseynzadənin dediyi həqiqət ortaya çıxır" - deyə F. Ələkbərli vurğuladı.
Leyla QARAXANLI
