Ermənistanın uydurmaları yenə də beynəlxalq səviyyədə özünü büruzə verməkdədir. Bütün hadisələri saxtalaşdırmaqda mahir olan ermənilər mayın 26-da təxribat törətmək məqsədilə Azərbaycan ərazisinə keçən və hərbiçilərimiz tərəfindən saxlanılan 2 diversantla bağlı da nağıl uydurublar.
Belə ki, bir neçə gün əvvəl Ermənistan iki erməni əsgərinin Azərbaycan tərəfindən “qaçırılması” ilə bağlı Avropa İnsan Haqları Məhkəməsinə (AİHM) müraciət edib. Ermənistan iddia edir ki, Azərbaycan silahlı qüvvələri guya Ermənistan Respublikasının suveren ərazisinə daxil olaraq döyüş mövqelərinə ərzaq aparan iki erməni hərbçisini “oğurlayıblar” və Azərbaycanda iki erməni hərbçiyə qarşı cinayət işi açılıb. Azərbaycan tərəf isə Ermənistanın yalanlarını tam ifşa edərək, sözügedən məhkəməyə gerçək məlumatları təqdim edib. Erməni mediası, həmişə olduğu kimi, yenə də öz təxribatçı mövqeyində qalır. Erməni mediası yazır ki, iyunun 7-də Beynəlxalq Hüquq Məsələləri üzrə Nümayəndəlik Ofisi Avropa İnsan Hüquqları Məhkəməsindən Azərbaycanın AİHM-ə iki erməni hərbçi haqqında təqdim etdiyi məlumatları, o cümlədən tibbi sənədlər və saxlanma şəraitinin təfərrüatlarını alıb. Həmçinin qeyd olunur ki, Ermənistan Avropa Məhkəməsinin müəyyən etdiyi müddətdə Azərbaycanın təqdim etdiyi məlumat və sənədlərlə bağlı mövqeyini iyunun 16-dək təqdim edəcək.
Diqqət yetirək, bu informasiyanı görün ermənilər necə saxtakarlıqla, təhrif edərək yayırlar. Azərbaycan Silahlı Qüvvələri mayın 26-da guya Ermənistan ərazisinə girib, sərhəddə döyüş postundakı əsgərlərə yemək aparan iki nəfər hərbiçini “girov" götürüb, onlara cinayət işi açıblar. Ermənilər elə təqdim edirlər ki, guya Avropa Məhkəməsi bu məsələdə tamamilə Azərbaycanın üstünə düşüb. Əslində isə elə deyil. Ermənistan Avropa Məhkəməsinə şikayət etdiyi üçün Azərbaycan da məlumatları təqdim edib ki, Ermənistanın “hərbi əsir” kimi təqdim etdyiyi şəxslər əslində təxribatçıdırlar, diversantdırlar və onlar Azərbaycanın ərazisində yaxalanıblar, ələ keçiriliblər. Bu iki hərbiçi diversiya məqsədilə Azərbaycan tərəfə keçib.
Ermənistan ənənəvi olaraq yenə də harayın ağızını başqa yerə salır, öz təxribatlarını ört-basdır etmək üçün yalanlarından qalmır, öz yalanının toruna Avropa Məhkəməsini də salmaq istəyir.
“Bu, Ermənistanın növbəti təxribatıdır”
Ermənistanın yeni təxtibatları barədə şərh verən politoloq Tural İsamyılov “Bakı-Xəbər”ə bildirdi ki, Ermənistan saxta oyunlar qurmaqdansa, Azərbaycan vətəndaşları üzərindən qurduğu oyunlardan əl çəksin. “Əlbəttə, Ermənisantanın Azərbaycan vətəndaşları üzərindən qurduğu manipulyasiyalar iyrənc və riyakardır. Eyni zamanda da Ermənistanın sülhə nə qədər hazır olmadığını və sülh prosesindən danışıldığı bir vaxtda vəziyyəti gərginləşdirməyə çalışdığının növbəti göstəricilərindəndir. Dəfələrlə, Ermənistanın hansısa mülki vətəndaşları və hərbi qulluqçuları çətin coğrafi şəraitdə, dumanda yolu azaraq Azərbaycan tərəfə keçiblər, amma Azərbaycan heç vaxt onların üzərində saxta oyunlar qurmayıb, onları geri qaytarıb. Amma bu gün Azərbaycanın yolu azan iki hərbi qulluqçusu Hüseyn və Aqşin üzərində qurulan çirlin oyunlar təəssüfdoğurucu məqamları özündə ehtiva edir”-deyə bildirdi.
Onun sözlərinə görə, bu gün Azərbaycan vətəndaşlarının geri qaytarılması üçün əlindən gələn bütün diplomatik üsullardan istifadə edir. Ekspertin dediyinə görə, Ermənilərin necə ki, uzun illər ermıni əsirliyində qalan Dilqəm Əsgərov və Şahbaz Quliyevlə bağlı manipulyasiyalar edib onların birinə “ömürlük”, o birinə isə 20 il iş vermişdi, amma Azərbaycan bu oyunu pozub onları Vətənə qaytardı, eləcə də iki hərbi qulluqçumuzu qaytaracaq. O vurğuladı ki, dövlət həm iki hərbçimizin, həm də Birinci Qarabağ müharibəsində itkin düşən 4 minə yaxın vətəndaşımızın taleyinə aydınlıq gətirəcək. “Ermənistan isə bu məsələdə tamamilə acizdir. Çünki əlindəki bütün danışıq imkanlarını itirib, o normal bir ölkə deyil. Azərbaycanla münasibətlər yaxşılaşdırmaq əvəzinə vəziyyəti daha da pisləşdirir”-deyə bildirən T.İsmayılov bildirdi ki, Ermənistanın son oyunları da pozulacaq. O qeyd etdi ki, bu gün Ermənistanın Azərbaycanı ittiham etməsi əsassızdır və nəticəsiz olacaq: “Sözsüz ki, bu, Ermənistanın növbəti təxribatıdır. Məsələ Ermənistan tərəfin iddia etdiyi kimi deyil, o erməni hərbiçiləri Azərbaycan tərəfə diversiya məqsədilə keçiblər. Ermənistan yenə də beynəlxalq miqyasda saxtakarlıq edir və sözügedən məhkəməni aldatmaq istəyir. Fikrimcə, Azərbaycanın təqdim etdiyi sənədlər, faktlar Ermənistanın növbəti təxribatının qarşısını alacaq. Ermənistanın qondarma ittihamları ilə çox qarşılaşmışıq və bu siyasi manipulyasiyadan başqa bir şey deyil”.
Leyla QARAXANLI
