Məhəmməd Əsədullazadə: “Bütün bunlar İranın Azərbaycana qarşı destruktiv siyasətinin nəticəsidir”
İran heç bir əsas olmadan Azərbaycan vətəndaşlarını bu ölkədə həbs, təqib edir. Ortada fakt olmadan casusluqda ittiham edir. Bütün bunların fonunda Tehran Bakının İrana səfər etməmək çağırışına təəccüblənir və bunda İsrail izi axtarır.
Bu arada İran XİN-in rəsmi nümayəndəsi Naser Kənani bunun da günahını İsrailin üstünə atıb: “Azərbaycan Xarici İşlər Nazirliyi öz vətəndaşlarına İrana getməklə bağlı xəbərdarlıq edib. Bu, sionist rejimin prezidentinin Bakıya son səfəri zamanı apardığı siyasətin eynisidir. Azərbaycanın Xarici İşlər Nazirliyi vətəndaşlarını İrana səfər etməməyə çağırıb. Bu, saxta, uşaq qatili və işğalçı rejimin prezidentinin bu yaxınlarda Bakıya səfəri zamanı qəbul olunmuş eyni siyasətdir. Azərbaycan xalqını qorxutmalı olan sivil və İslami İran deyil, İsraildir. Bizim siyasətimiz hələ də vizanı ləğv etmək və azərbaycanlı bacı-qardaşlarımıza qollarımızı açmaqdır. Qarşılıqlı hörmət çərçivəsində, təbii ki, qonşuluq siyasətinin davam etdirilməsi gündəmimizdə əvvəldə gəlir”.
- “İsraili bəhanə edərək Tehran rəsmilərinin açıqlamaları öz çirkin siyasətini pərdələməkdir”
Sözügedən məsələni “Bakı-Xəbər”ə şərh edən politoloq Məhəmməd Əsədullazadə hesab edir ki, bütün bunlar İranın Azərbaycana qarşı destruktiv siyasətinin nəticəsidir: “Belə ədalətsiz siyasətin nəticəsidir ki, Azərbaycan vətəndaşı İranda casus kimi həbs edilib. Belə halların baş verməsi birinci hal deyil. Ümumiyyətlə, Fars şovinizmi müsəlman cildində regionda hərbi qarşıdurmaya və terrora xidmət edən bir siyasət ortaya qoyub. İsraili bəhanə edərək Tehran rəsmilərinin açıqlamaları öz çirkin siyasətini pərdələməkdir. İran İslam Respublikası adı ümumiyyətlə bu dövlət üçün yaramır. Bu Persiyadi və hakimiyyətdə olanlar islamdan uzaq bir rejim olaraq insanlara qarşı terror siyasəti həyata keçirirlər. Azərbaycanın öz ərazi bütövlüyünü bərpa etməsi regionda yeni bir təhlükəsizliyə xidmət edən bir nizam yaradıb. Buna qarşı olan molla rejimi Azərbaycana qarşı hibrid və hərbi-kəşfiyyat siyasəti aparır. Tehran rejimi çox sözlər deyə bilər. Onların əsas hədəfi Azərbaycan xalqını qorxutmaq və türklüyə qarşı siyasət aparmaqdır. Azərbaycanlı tələbənin həbsi göstərir ki, vətəndaşlarımız üçün bu ölkəyə getmək təhlükəsizlik risqidir. Bu ilin yanvarında, məlum olduğu kimi, səfirliyimizə qarşı terror aktı həyata keçirildi. Ordusunu sərhədlərimizə yeritdi. İndi durub saxtakarcasına qardaşlıqdan danışırlar. Fars rejiminin mahiyyəti bundan ibarətdir. Dildə dostluq, realda düşmənçilik. Hesab edirəm ki, Azərbaycan Xarici İşlər Nazirıiyinin bəyanatı obyektivdir və molla rejimi xaliqmiza qarşı cinayətə əl atır. İranı biz Persiya adlandirmaliyiq. Çünki Beynəlxalq danışıqlarda Persiya deyilir. Molla rejiminin təmsilçilərinin nə deməsindən aslı olmayaraq, Azərbaycan İsraillə əlaqələri genişləndirməlidir”.
Vidadi ORDAHALLI
.jpg)