Ərdoğan Nazirlər kabinetinin yeni tərkibini açıqladı

Türkiyə Prezidenti Rəcəb Tayyib Ərdoğanın ölkənin yeni Nazirlər Kabinetini açıqlayıb. Bu barədə dövlət başçısı mətbuat konfransında bildirib.

Belə ki, yeni kabinetə ədliyyə naziri Yılmaz Tunc, ailə və sosial təminat naziri Mahinur Özdemir Göktaş, gənclər və idman naziri Osman Aşkın Bak, energetika naziri Alparslan Bayraktar, müdafiə naziri Yaşar Gülər, daxili işlər naziri Ali Yerlikaya, xarici işlər naziri Hakan Fidan, maliyyə və xəzinə naziri Mehmet Şimşek, səhiyyə naziri Fahrettin Koca, sənaye naziri Mehmet Fatih Kaçır, kənd təsərrüfatı və meşə naziri İbrahim Kumaklu, mədəniyyət və turizim naziri Mehmet Ersoy ticarət naziri Ömer Bolat, təhsil naziri Yusuf Tekin, Türkiyənin yeni vitse-prezidenti isə Cevdet Yılmaz təyin olunublar.