"Tapılan minaların çoxu Ermənistanda istehsal olunan plastik minalardır" - ANAMA rəsmisi

Ərazilərin təmizlənməsi zamanı ən çox rast gəlinən minalar Ermənistanda istehsal olunan plastik minalardır.

Trend-in məlumatına görə, bunu bu gün Bakıda keçirilən "Minalarla mübarizə - Dayanıqlı İnkişaf Məqsədlərinə gedən yol" mövzusunda beynəlxalq konfransda çıxışında ANAMA idarə heyətinin sədrinin müavini Samir Poladov bildirib.

O bildirib ki, Ermənistanda istehsal olunan bu minalar Rusiyada istehsal olunan minaların bir növ surətidir, amma müəyyən dərəcədə fərqlənirlər.