Ermənistan Milli Assambleyası Əmək Məcəlləsinə dəyişiklikləri ikinci yekun oxunuşda qəbul edib.
“Cinsi Zorakılıqla Mübarizə Böhran Mərkəzi” və “Qadın Resurs Mərkəzi” ictimai təşkilatları qadağa və müdafiə mexanizmlərini təmin etmək məqsədilə son 2 il ərzində iş yerlərində cinsi qısnamanın müəyyən edilməsi istiqamətində qərar qəbul edən şəxslərlə fəal iş aparır.
Cinsi Təcavüz və Böhran Mərkəzinin hesabatında qeyd olunur ki, qəbul edilən layihəyə əsasən, işəgötürənin daxili intizam qaydaları ilə cinsi zorakılığa qadağa qoyulması öhdəliyi təmin edilir: “İş yerində cinsi qısnamanın aşağıdakı tərifi verilir: iş yerində və ya işgüzar səfərlər zamanı işdə qərarların qəbul edilməsinə birbaşa və ya dolayısı ilə təsir edən cinsi xarakterli arzuolunmaz hərəkətlər cinsi qısnama hesab olunacaq. Eyni zamanda, əmək müqaviləsinə xitam verilməsi üçün əsas kimi cinsi qısnamanın qanunla təsbit edilməməsi bizi narahat edir. Bu o deməkdir ki, işəgötürənin cinsi qısnama edən şəxsi işdən çıxarmaq hüququ olmayacaq. Biz təklif edirik ki, Əmək Məcəlləsinin gələcək inkişafı zamanı cinsi qısnama ilə bağlı daha sərt sanksiyalar, eləcə də qurbanlar üçün yaxşı işləyən şikayət mexanizmləri nəzərdə tutulsun”.
Gör Ermənistanda iş yerlərində cinsi qısnama hallarının sayı nə qədər çoxalıb ki, qanunvericilikdə daha sərt tədbirlərin görülməsi gündəmə gətirilir. Bunun qadağan edilməsi üçün ayrıca qanunun qəbul olunması məsələsi qaldırılıb. Yəni iş yerində bununla məşğul olanlar cinayət məsuliyyətinə cəlb olunsunlar. Bəlli olur ki, İkinci Qarabağ müharibəsindən sonra Ermənistanda belə halların miqyası daha da genişlənib.
“Bütün bunlar erməni cəmiyyətində müşahidə olunan sosial və mənəvi deqradasiyanın sürətlənməsinin təzahürləridir”
Məsələ ilə bağlı “Bakı-Xəbər”ə açıqlama verən AMİP funksioneri Əli Orucov hesab edir ki, Ermənistanda belə halların artması təəccüblü deyil: “Ona görə ki, əzəldən erməni toplumu buna meylli bir cəmiyyətdir. Mən orada doğulduğum və hərbi xidmətə gedənə qədər Ermənistanda yaşadığım üçün bunu bilirəm. Necə ki, terrorçuluq, xəyanət, başqa dövlətin ərazisinə göz dikmək ermənilər üçün xarakterik xüsusiyyətdir, eynən cinsi zəmində qısnamaya da meyllilik bunların xarakterindən irəli gəlir. Bütün bunlar erməni cəmiyyətində müşahidə olunan sosial və mənəvi deqradasiyanın sürətlənməsinin təzahürləridir. Bəlli olur ki, Ermənistanda iş yerlərində cinsi zəmində qısnama hallarının miqyası kifayət qədər kəskinləşməkdədir. Bunun digər səbəbi ölkədə müşahidə olunan yoxsulluqla bağlı ola bilər. Bir tərəfdən ölkədən xaricə miqrasiyanın səviyyəsi artır, o biri tərəfdən doğum səviyyəsi aşağı düşür. İş yerləri məhdud olduğu üçün bundan sui-istifadə halları genişlənir. Bütün bunlarla yanaşı, düşünmürəm ki, qanunvericilik səviyyəsində cəzaların sərtləşdirilməsi Ermənistanda belə neqativ halların qarşısını alacaq. Hesab edirəm ki, bu mümkün olmayacaq. Bəlkə də sözügedən halların miqyası daha da genişlənəcək. Ona görə ki, erməni cəmiyyətində mənəvi böhran daha da dərinləşməkdədir. Belə bir şəraitdə hansısa inzibati qadağalarla bunu önləmək mümkün görünmür”.
Vidadi ORDAHALLI
