Molla rejimi öz çirkin əməllərindən əl çəkmək istəmir, kirli məqsədlərinə nail olmadıqca Azərbaycana qarşı aqressiyanın “dozasını” daha da artırır. Bununla elə zənn edir ki, məkrli planlanlarını həyata keçirə biləcək, amma Prezident Əliyevin dediyi kimi, İranda hər kəs, bütün dairələr anlamalıdır ki, hədə və terror dili Azərbaycanla işləməyəcək.
Əliyevin bəyanatından nəticə çıxarmaq əvəzinə, molla rejimi öz aləmində indi də bizə SEPAH generalı vasitəsilə ismarıc göndərməyə cəhd edib. MOUZE Teleqram kanalanın yaydığı məlumata görə, SEPAH generalı həddini aşıb. Yəni başı girməyən yerə bədənini soxmaq istəyib...
MOUZE Teleqram kanalı qeyd edir ki, İran İslam İnqilabı Keşikçiləri Korpusu Qüds Qüvvələrinin komandanı Sərdar Qaani Qum tələbələri ilə görüşündə Azərbaycan Respublikasında vəziyyətin nəzarət altında olduğunu bildirib. SEPAH komandiri Azərbaycan-İran münasibətləri ilə bağlı heç bir narahatlığın olmadığını deyib: "Azərbaycan üçün narahat olmayın və vəziyyət müşahidə altındadır. Xüsusi bir şey olmayacaq".
SEPAH Azərbaycanda vəziyyətə nəzarət edir?
“SEPAH da daxil olmaqla, İranın Azərbaycana nəzarət etməklə bağlı verdiyi açıqlamalar düşmənçiliyi göstərməklə yanaşı, həmçinin İran və SEPAH-ın nə qədər rəzil, gülünc və aşağı səviyyədə olduğunu bir daha göstərir”
Siyasi şərhçilər qeyd edir ki, Tehran rejiminin SEPAH generalının dili ilə səsləndirdiyi bu qeyri-ciddi, yekəxana bəyanat mollakratiyanın özünü aldatmasından başqa bir şey deyil. SEPAH-ın Azərbaycana nəzarət etməsinin mümkünsüz olduğunu deyən siyasi şərhçi Tural İsmayılov “Bakı-Xəbər”ə “Ümumiyyətlə, SEPAH komandanları və generelları ağıllarını itirib. Bir qrup cahildən ibarət olan bu təşkilat dünyada ciddi ölkələr tərəfindən terror təşkilatı kimi xarakterizə edilir. Bütövlükdə Azərbaycana qarşı daim kinin, küdurətin və düşmənçiliyin qızışdırıcı mərkəzlərindən biri halına gələn Qumda SEPAH generalının bu cür bəyanat verməsi hələ də İranın Azərbaycana qarşı məkrli dövlət siyasətini davam etdirdiyini göstərir”- deyə bildirdi.
T.İsmayılovun sözlərinə görə, eyni zamanda İranın SEPAH komandanlarına yekaxana, cəfəng bəyanatlardan dolayı təzyiq etməməsi də bu ölkədə ciddi şəkildə hakimiyyət böhranının olduğunu göstərir. “Tamamilə öz nizamnamələrinə uyğun davranmayan SEPAH-ın hərbçilərinin siyasi bəyanatlar verməsi İranda ümumiyyətlə idarəetmə və hakimiyyət institutları arasında çatları və ikitirəliyi göstərir. Ona görə də hesab edirəm ki, bu tip bəyanatlar SEPAH-ın gerçək mahiyyətini bir daha ortaya qoyur.
Bu gün Azərbaycan regional və qlobal kontekstdə dünyanın önəmli güc mərkəzlərindən biridir və SEPAH da daxil olmaqla, İranın Azərbaycana nəzarət etməklə bağlı verdiyi açıqlamalar düşmənçiliyi göstərməklə yanaşı, həmçinin İran və SEPAH-ın nə qədər rəzil, gülünc və aşağı səviyyədə olduğunu bir daha göstərir. Bu baxımdan, SEPAH generalının həddini aşıb belə bir iddiada bulunması gülüncdür ”-deyə T.İsmayılov bildirdi.
Leyla QARAXANLI
