Erməni saytları indi də Belarus prezidenti Aleksandr Lukaşenkonu çəkişdirməyə başlayıb. Səbəb isə onun bu gün İstanbulda öz işini yekunlaşdıran İslam Əməkdaşlıq Təşkilatı ölkələrinin Sammitində iştirakı olub.
Belarus prezidentinin Sammitdə yeganə xristian ölkəsi lideri olduğuna diqqət çəkən düşmən ölkənin mətbuatı bu mövzuda geniş müzakirə açaraq Lukaşenkonun Türkiyə ilə münasibətlərin dərinləşdiriləcəyi barədə dediklərini sanki faciə xəbəri verirmiş kimi bəyan edir.
Beləliklə, erməni mediasını indi bir sual düşündürür: Lukaşenkonun bu addımı Rusiyaya qarşı fəaliyyət sayıla bilərmi? Lakin elə bu mətbuatın özündə qoyulan sual təsdiqini tapmır. Bu kontekstdə isə Rusiya prezidenti Putinin bu günlərdə səsləndirdiyi "Türkiyə dost ölkədir. Bizim Türkiyə ilə problemimiz yoxdur, bəzi siyasətçilərlə problemimiz var” sözlərinə diqqət çəkilir və bildirilir ki, Putin Türkiyəni düşmən saymırsa Lukaşenkonun bu ölkəyə səfəri Rusiya prezidentini qıcıqlandırmaq cəhdi hesab elilə bilməz. Bu yerdə isə erməni mətbuatı dördgünlük müharibənin ardından ortaya atdıqları tarixi bir məsələyə diqqət çəkir. Məsələ burasındadır ki, aprelin ilk günlərində Azərbaycana hücum etməklə özünü çətin duruma salan Ermənistan Rusiyadan gözlədiyi dəstəyi almayınca 1921-ci ildə Rusiya ilə Türkiyə arasında bağlanan müqaviləni gündəmə gətirib. Düşmən mətbuatının yazdığına görə, həmin müqavilə Cənubi Qafqazda status-kvonun saxlanmasını nəzərdə tuturdu. Guya ötən dövr ərzində Rusiyanın Ermənistana dost münasibəti nəticəsində İrəvan bu müqaviləyə görə Moskvaya inciklik nümayiş etdirməyib. Dördgünlük müharibə isə Rusiya-Ermənistan münasibətlərini görünməmiş həddə gərginləşdirdiyindən, Ermənistan tərəfi Rusiyanın həmin sənədə görə Ermənistandan üzr istəməli olduğunu bəyan edir. Bildirilir ki, guya erməni tərəfi "aprel müharibəsinin qalibi (!) olmasaydı, bu müharibə daha uzun sürə bilərdi, bu isə Rusiya ilə Türkiyənin Azərbaycanın və Ermənistanın "böyük qardaşları” olaraq bir masa arxasında oturmasına, beləliklə də onların yaxınlaşmasına gətirərdi ki, bu halda da ermənilərin maraqları qurban verilmiş olardı. Bu yerdə daha bir erməni məkrinə yer verən düşmən mətbuatı fürsətdən istifadə edib daha bir ağ yalanı dövriyyəyə buraxır. Hər vəchlə 2 aprel hücumunun Azərbaycan tərəfindən edildiyini ictimai fikrə sırımağa çalışan erməni tərəfi üstəlik həyasızcasına bəyan edir ki, Azərbaycan bu hücumu Rusiya ilə Türkiyəni yaxınlaşdırmaqdan ötrü gerçəkləşdirib! Lakin cəhdi uğursuz alınıb! Guya bunun üçün kommunikasiyalar lazım imiş ki, Qarabağ müharibəsi bu halda ən yaxşı variant imiş! Bütün bu ağlagəlməz xəyalları ilə gündəmi qarışdırmağa çalışan düşməni mətbuatı daha sonra yazır ki, baş verənlər Rusiyanın maskasının yırtılmasına səbəb oldu və bu üzdən Rusiya Türkiyə ilə kommunikasiyalar əldə etməyin yeni yollarını axtarmağa başlayıb. Bu yerdə isə Putinin yadına "Batka” (Lukaşenko) düşüb. Erməni tərəfinin ehtimalına görə, Lukaşenkonun İstanbul Sammitində iştirakı məhz buna hesablanıb.
Bütün bunlardan sonra deyiləcək bir söz qalmır və ortaya yalnız bir sual çıxır: şeytanın özünü mat qoyan bu millətə hələ nədən insan deyilir?..
Samirə SƏFƏROVA
