Miqrantlar Rusiyadan dollar göndərmək imkanlarından məhrum ola bilər

Tarix: 06.11.2014 / 02:33
Bölmə: Gündəm

Bu günə qədər şimal qonşumuzda çalışan miqrantlar əldə etdikləri vəsaiti öz ölkələrinə daha çox dollar şəklində göndərir. Lakin Rusiyanın ABŞ sanksiyalarına görə dollara qarşı başladığı yeni siyasət bu prosesdə ciddi maneələr yaratmaq iqtidarındadır. Proseslər göstərir ki, şimal qonşumuz dolların ölkə daxilində istifadəsini məhdudlaşdırmaq israrlıdır. Bu isə miqrantlara da təsirsiz ötüşməyəcək.
Qeyd edək ki, Rusiya ərazisində ABŞ dollarının dövriyyəsinin və saxlanmasının qadağan edilməsini nəzərdə tutan qanun layihəsi Dövlət Dumasının gündəliyinə çıxarılıb. Sözügedən qanun layihəsi qəbul olunacağı təqdirdə Rusiya vətəndaşları Rusiya banklarında olan dollar hesablarını bir il ərzində bağlamağa, özlərində olan nağd dollar əskinaslarını isə rus rubluna, yaxud digər ölkələrin valyutalarına dəyişməyə məcbur ediləcəklər. Qanun layihəsində belə qadağa da nəzərdə tutulur ki, kimsə öz dollar hesabını bir il ərzində bağlamasa, həmin hesab avtomatik surətdə dondurulacaq və sahibi puldan əlini üzməli olacaq. Həmçinin polis, sərhəd, gömrük, vergi və miqrasiya xidmətlərinin əməkdaşları kimdə nağd dollar görsə, həmin əskinaslar dövlət nəfinə müsadirə olunacaq. Belə vəziyyət banklar və digər vasitələrlə dollar göndərilməsində də ciddi problemlər yaradacaq. Qeyd edək ki, miqrantlar ölkələrinə gələndə də əllərində olan vəsaiti dollara çevirirdi. Lakin artıq onların dollarla Rusiyadan çıxması da çətinləşir. Belə vəziyyət azərbaycanlı miqrantlara təsirsiz ötüşməyəcək. Xatırladaq ki, miqrantlar hər il Rusiyadan Azərbaycana dollarla böyük həcmdə vəsait göndərir. 2012-ci ilin statistik rəqəmlərinə görə, Rusiyadan Azərbaycana qanuni yollarla köçürülən məbləğin həcmi 600 milyon dollar olub. Rusiyanın iqtisadi qurumlarının verdiyi məlumata görə, təqribən bir o qədər vəsait də qeyri-bank yolu ilə, müxtəlif digər kanallar vasitəsilə köçürülür. Ötən il də rəqəmlər buna yaxın olub. Cari il ərzində isə qismən azalma gözlənir. Belə çıxır ki, aşağı-yuxarı bu ölkədən Azərbaycana ildə 1-1,2 milyard dollar göndərilir. Bu isə heç də az vəsait deyil. Lakin görünən odur ki, artıq bu vəsaitin dollarla göndərilməsi müşkülə çevriləcək.
Rusiya ölkə xaricində də dollara qarşı sərt mübarizə aparır. Belə ki, Kreml dollara alternativ valyutanın yaradılması istiqamətində fəal iş aparanlar sırasındadır. Bununla bağlı olaraq Qərbin sanksiyalarına məruz qalan Rusiyada şirkətlər ABŞ dollarına alternativ valyuta tapıb. Məsələn, artıq "Meqafon" və "Nornikel" depozitlərini Çin banklarına keçirib. Bir çox iri Rusiya kompaniyaları da Honkonq valyutası ilə işləməyə üstünlük verir. Məlumatlara görə, Honkonq dollarında yatırılan valyutanın həcmi 20-25 milyard dollara çatacaq. Bu isə Asiya regionunda ABŞ dollarına olan etimadı sarsıdacaq. Hadisələrin bu səpkidə inkişafında, Rusiya ilə yanaşı, Çin də xüsusi maraqlıdır. Xatırladaq ki, Rusiyanın VTB bankı ilə Çin bankı arasında dollar yox, milli valyutalardan istifadə ilə bağlı razılaşma əldə olunub. Rusiya və Çin arasında əldə olunan razılığa görə, ticarətdə rubl və yuandan istifadə ediləcək. Onu da bildirək ki, Rusiya Dövlət Dumasının "Ədalətli Rusiya" fraksiyasının başçısı Sergey Mironov da bundan əvvəl BRICS ölkələrinin iqtisadiyyatı əsasında yeni beynəlxalq rezerv valyutası yaratmağı təklif edib. Mironov belə bir valyutanın daha dayanaqlı və daha lazımlı olacağını bildirib. Xatırladaq ki, beş sürətlə inkişaf edən ölkədən ibarət olan BRICS-ə Braziliya, Rusiya, Hindistan, Çin və Cənubi Afrika Respublikası daxildir.
Bundan başqa, Mironov həm də təklif edib ki, Beynəlxalq Valyuta Fondunun (BVF) funksiyalarını yerinə yetirə biləcək yeni beynəlxalq kredit strukturu lazımdır. O, beynəlxalq ticarət üçün hesab sistemində dolların keçərli olmadığı, müstəqil fəaliyyət göstərən birjalar yaratmağı da təklif edib. Alternativ kimi Mironov qızılla hesablaşmağı təklif edib. Hesab olunur ki, indiki şəraitdə dollar ətrafında yaşananlar digər dövlətləri də alternativ valyuta axtarışına stimullaşdırır. Hər halda, proseslər dolların lehinə inkişaf etmir. Düzdür, Ukrayna böhranı üzündən ticarət, investisiya və maliyyə bazarlarında yaşanan problemlər Rusiya iqtisadiyyatına mənfi təsir edir. Lakin Rusiya da sakit dayanmayaraq dollara qarşı mübarizəni genişləndirir.

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...