Eldar Namazovun Helsinkidə ermənilərlə imzaladığı sənəd böyük qalmaqal doğurdu

Tarix: 05.11.2014 / 02:24
Bölmə: Gündəm

Sənəddə Azərbaycanın maraqları ilə uyuşmaz sayılan prinsiplər var

Azərbaycanın vətəndaş cəmiyyətinin təmsilçiləri Eldar Namazovun David Şahnazaryanla bəyanat imzalamasını pisləyib

"Mən heç vaxt belə təşəbbüslərin tərəfdarı olmamışam. Vətəndaş cəmiyyətləri arasında dialoq və xalq diplomatiyası kimi təşəbbüslər hazırkı vəziyyətdə Ermənistan üçün əlverişlidir". Bunu APA-ya Azərbaycan Naminə İctimai Forumun rəhbəri Eldar Namazovla Ermənistanın "Razılıq" Siyasi və Hüquqi Təhqiqatlar Mərkəzinin direktoru David Şahnazaryanın Finlandiyanın Helsinki şəhərində birgə bəyanat imzalamasına münasibət bildirən Vətəndaşların Əmək Hüquqlarını Müdafiə Liqasının rəhbəri, hüquq müdafiəçisi Sahib Məmmədov deyib.
"Ölkə rəhbərlikləri səviyyəsində sülh prosesi heç bir nəticə vermirsə, o zaman bizim dialoqlarımızın heç bir mənası yoxdur. Təbii ki, biz əbədi olaraq düşmən də qala bilmərik. Amma Azərbaycan ərazilərinin 20 faizə yaxını işğal altındadır. Dağlıq Qarabağ ətrafındakı rayonların boşaldılmasından başlayaraq, erməni tərəfi Azərbaycanla sülh sazişi istiqamətində addım atsa, o zaman vətəndaş cəmiyyətinin nümayəndələri da yaradılmış dinc şəraitdə mehriban qonşuluq naminə çalışa və nəticə əldə edə bilər", - deyə S. Məmmədov bildirib.

Bəyanatda yer alan "tərəflərə silah satmamaq" barədə çağırış da S. Məmmədovda təəccüb doğurub: "Mən onları başa düşmürəm. Torpaqları işğal altında olan ölkə kimi öz müdafiə gücünü artırmaq Azərbaycanın hüququdur. Bizim ölkə niyə Ermənistanla müqayisədə zəif olsun ki? Digər tərəfdən, "xalqların müqəddəratı hüququ" ifadəsindən istifadə edərkən diqqətli olmaq lazımdır. Ermənilərin dövləti var və ermənilərin kompakt yaşadığı hər yerdə ikinci, üçüncü, dördüncü erməni dövlətinin yaradılması məntiqə sığmır. Mənim fikrimcə, ərazi bütövlüyü hər şeydən öndə gəlməli və üstün tutulmalıdır. O cümlədən, bu münaqişənin həllində bu vacib məqam unudulmamalıdır. Ermənistan Azərbaycanın ən yüksək status vermək təklifini qəbul edib sülhə doğru addım atarsa, münaqişə bir neçə il ərzində tamamilə aradan qalxa bilər".
Qarabağ Azadlıq Təşkilatının sədri Akif Nağı isə APA-ya bildirib ki, Azərbaycan tərəfdən bu bəyanata qoşulanlar sırasında gördüyü adlara təəssüflənib: "Onlar ya sadəlövhlükdən buna gedirlər, ya da bilərəkdən belə səhv addımları atırlar. Güc tətbiq etməmək, müqəddəratı təyin etmək, müdafiədən imtina etmək... Bu şəxslər Azərbaycan ərazilərinin işğal altında olduğunu başa düşmürlərmi? Bu cür bəyanatlar bizə yox, ermənilərə sərf edir".
A.Nağı vurğulayıb ki, uzun zamandır 7 rayonun azad olunması məsələsi də havada qalıb: "Sülh sazişi istiqamətində heç bir addım atılmır, indi biz nə etməliyik ki, həmsədrlər də, işğalçılar da razı qalsın? Qarabağdakı bir ovuc erməninin özünə müstəqillik tələb etməsi gülüncdür. Sanki söhbət müstəmləkə altında olan xalqlardan gedir. Bunu hər kəs başa düşməlidir ki, biz oturub onların öz xoşu ilə torpaqları qaytarmasını gözləyə bilmərik. Azərbaycan xalqına belə təslimçi dialoqlar lazım deyil".
Qeyd edək ki, Azərbaycan Naminə İctimai Forumun rəhbəri Eldar Namazovla Ermənistanın "Razılıq" Siyasi və Hüquqi Təhqiqatlar Mərkəzinin direktoru David Şahnazaryan Finlandiyanın Helsinki şəhərində birgə bəyanat imzalayıb.
Bəyanatda 2010-cu il dekabrın 8-də Dağlıq Qarabağ münaqişəsinin nizamlanması üzrə Müstəqil Vətəndaş Minsk Prosesi (MVMP) çərçivəsində sənəd imzaladıqlarını da xatırladıblar. Onlar bəyannamədə tərəfləri hərbi ritorikaya, münaqişənin gərginləşməsinə yönələn siyasi və informasiya xarakterli aksiyalara son qoymağa, münaqişənin nizamlanması üçün "Yol xəritəsi"nin hazırlanmasına başlamağa çağırdıqlarını qeyd ediblər.
Bəyanatı imzalayanlar keçən müddət ərzində bu çağırışların eşidilməməsindən təəssüfləndiklərini də qeyd ediblər.
Bəyanatda ATƏT-in Minsk Qrupunun həmsədr ölkələrinin və bütün dövlətlərin rəhbərlərinə müraciət edilir, bölgəyə hücum xarakterli silahların satılmasını dayandırmağa çağırış edilir, tərəflərin vətəndaş cəmiyyəti nümayəndələri sülh prosesində aktiv olmağa səslənir.
Bəyanata Azərbaycan tərəfdən Zərdüşt Əlizadə, Arzu Abdullayeva, Əli Abbasov, Leyla Əliyeva, erməni tərəfdən isə Aqasi Enokyan, Aykak Arşamyan, Karen Ohacanyan və Nataliya Martirosyan qoşulub.

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...