Azərbaycan xalqı öz tarixi ənənələrinə, ailə dəyərlərinə, keçmişinə bağlı bir xalqdır. Zaman-zaman xalqımızı öz kökündən, gələnəklərindən qoparmaq üçün çox böyük kampaniyalar həyata keçiriblər, təbliğat maşınlarını işə salıblar, amma heç nəyə nail ola bilməyiblər. Çünki həm ailə dəyərlərinə bağlı xalqımız var, həm də ölkənin ailə və gender siyasəti olduqca mükəmməldir.
Sosioloqlar qeyd edirlər ki, Azərbaycan cəmiyyətində gender bərabərliyinin təmin edilməsi adı altında hansısa təxribatçı layihələri həyata keçirmək mümkün deyil. Ola bilsin, kimlərsə, bunun təsirinə düşsün, amma bu qətiyyən kütləvi xarakter daşıya bilməz. Bu gün Azərbaycanda ailə institutunun sütununu laxlatmaq istəyənlər çox olmasa da, az da deyil, amma bizim əsrlər boyu formalaşan monolit dəyərlərimizi sarsıtmaq elə də asan deyil. Sosioloqlar haqlı olaraq deyirlər ki, Azərbaycanda ailə institutunun sütunları böyüyə hörmət, ailə başçısına sədaqət, qarşılıqlı sevgi və digər dəyərlərə söykənir. Belə olduğu halda isə, nə Avropa Şurasının, nə Avropa Parlamentinin, nə də başqa təşkilatların özləri və emsarları dəyərlərimizi məhv edə bilməz.
Yeri gəlmişkən, Avropa Parlamenti yaxın günlərdə növbəti dəfə Azərbaycana qarşı obyektivlikdən və reallıqdan uzaq, böhtan xarakterli qətnamə qəbul etməyə hazırlaşır. Bu barədə mediada məlumat gedib. Həmin layihədə əks olunan məsələlərdən biri Azərbaycanda ailə institutuna qarşı hücumdur ki, bu təşkilat bizdən mümkün olmayan nəsnələr tələb edir. Bir sözlə, layihədə Azərbaycanın ailə institutu da hədəfə alınıb. Əlbəttə, Azərbaycandakı ənənəvi ailə dəyərlərinə verilən yüksək qiymətlə heç cürə barışa bilməyən Avropa Parlamentinin bir sıra deputatları cəmiyyətimizə yad məsələlərin, habelə LGBT hüquqlarının təşviq edilməsini tələb edir.
Dünyaya nümunə olan Azərbaycan ailəsi…
Qeyd edək ki, Dini Qurumlarla İş üzrə Dövlət Komitəsi sədrinin birinci müavini Səyyad Salahlı ötən il ailə dəyərləri ilə bağlı mətbuata diqqət çəkən fikirlər bildirib: “Azərbaycan ailəsi hər zaman digər xalqlara nümunə göstərilib. Azərbaycanda ailə modeli ailə ənənələrinə, milli-mənəvi dəyərlərə söykəndiyindən, tarix boyu öz simasını itirməyib. Qərb dünyasında ailə institutu deformasiyaya uğradığı bir vaxtda bizdə ailə dəyərlərinin qorunub-saxlanılması Azərbaycan xalqına xas ən ali xüsusiyyətlərdən biridir. Bunun kökündə isə milli-mental dəyərlər, əxlaqi keyfiyyətlərimiz dayanır. Bir xalq olaraq ailəyə hər zaman müqəddəs ocaq kimi baxmışıq. Zaman-zaman ailə institutunun dağılmaması üçün xalq kimi, yeri gələndə, mətanət, dözüm nümayiş etdirmişik. Azərbaycanda ailə institutunun sütunları böyüyə hörmət, ailə başçısına sədaqət, qarşılıqlı sevgi və digər dəyərlərə söykənir. Bəlkə elə buna görədir ki, Azərbaycan ailəsi bütün dünyada monolitliyi ilə örnək göstərilir".
Səyyad Salahlı vurğulayıb ki, ailə hər birimiz üçün müqəddəs məkan və isti ocaqdır. Cəmiyyət olaraq Azərbaycanda ailə dəyərlərinin qorunub saxlanılmasına və daha möhkəm ailələrin yaranmasına çalışmalıyıq.
“Dövlət ailəni, ailə institutunu qorumaq üçün ortaya kifayət qədər iradə qoyur”
“Vəfa” Sosial İctimai Birliyinin sədri Fatimə Hacıbəyli “Bakı-Xəbər”ə bildirdi ki, Avropa Parlamenti Azərbaycan dövlət müstəqilliyini bərpa etdiyi ilk dövrlərdən özünün bu yad, üzdəniraq tələblərini irəli sürür, amma Azərbaycan dövləti bunu birmənalı olaraq rədd edir. F.Hacıbəylinin sözlərinə görə, Azərbaycan cəmiyyətində dövlət, əlbəttə ki, ailəni qorumaq, ailə institutunu müdafiə etmək üçün çalışır. “Dövlətimizin konstitutsiyasında da ailə dəyərlərinin müdafiəsi önə çəkilir. Dövlət ailəni, ailə institutunu qorumaq üçün ortaya kifayət qədər iradə qoyur. Gənc ailələrə qayğı dövlətin bir nömrəli vəzifəsidir və bu uğurda nümunəvi addımlar atılır. Avropa Parlamenti və onun kimi təşkilatlar 30 ildən çoxdur ki, Azərbaycanın ailə institutu da hədəfə alıblar və imkan düşən kimi hücuma keçirlər. Azərbaycanda ailə dəyərlərinə həm dövlət, həm də cəmiyyət tərəfindən yüksək dəyər verilir. Biz ənənəvi ailə modelin qorumaqda israrlı xalqıq. Uzun illərdir Avropa Parlamenti, onun bir sıra deputatları Azərbaycanda ailə dəyərlərini dağıtmağa can atırlar. Bizim ölkədə LGBT hüquqlarının təşviq edilməsini tələb edirlər. Bunlar bizim cəmiyyətə, dövlətə yad məsələdir. Biz heç cürə razı olmamışıq ki, bu məsələlər təbliğ olunsun. Bu gün Azərbaycanın ailə dəyərləri müasir dünya üçün bir örnəkdir. Bu isə Avropa Parlamentini qıcıqlandırır. Onlar istəyirlər ki, bizim cəmiyyətdə də özbnalıq, başıpozuqluq olsun, insan hüquqlarının müdafiəsi adı altında cəmiyyətin qəbul etmədiyi bəzi kəsimləri təbliğ etsinlər”.
Azərbaycan ailəsi hər zaman digər xalqlara nümunə göstərilib. Azərbaycanda ailə modeli ailə ənənələrinə, milli-mənəvi dəyərlərə söykəndiyindən, tarix boyu öz simasını itirməyib. Qərb dünyasında ailə institutu deformasiyaya uğradığı bir vaxtda bizdə ailə dəyərlərinin qorunub-saxlanılması Azərbaycan xalqına xas ən ali xüsusiyyətlərdən biridir. Bunun kökündə isə milli-mental dəyərlər, əxlaqi keyfiyyətlərimiz dayanır. Bir xalq olaraq ailəyə hər zaman müqəddəs ocaq kimi baxmışıq. Zaman-zaman ailə institutunun dağılmaması üçün xalq kimi, yeri gələndə, mətanət, dözüm nümayiş etdirmişik. Azərbaycanda ailə institutunun sütunları böyüyə hörmət, ailə başçısına sədaqət, qarşılıqlı sevgi və digər dəyərlərə söykənir. Bəlkə elə buna görədir ki, Azərbaycan ailəsi bütün dünyada monolitliyi ilə örnək göstərilir".
F.Hacıbəyli qeyd etdi ki, dövlət və cəmiyyət olaraq biz AP-nin hansısa tələblərinə qarşıyıq və biz heç vaxt ailə dəyərlərimizi gözdən salan hallara yol verilməsinə icazə vermərik. Azərbaycan cəmiyyətinin və dövlətinin bütün məsələlərdə olduğu kimi, bu məsələdə də mövqeyinin üst-üstə düşdüyünü deyən F.Hacıbəyli hesab edir ki, biz xalq olaraq öz ailə dəyərlərimizi müdafiə etməkdə davam etməliyik…
İradə SARIYEVA Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
