Mətbuat Şurasında Şəddat Cəfərovun 75 illiyinə həsr olunmuş mərasim keçirildi

Tarix: 31.10.2014 / 02:23
Bölmə: Gündəm

Dünən Mətbuat Şurasında tanınmış yazıçı, Azərbaycanın ilk poliqrafçı alimi, milli poliqrafiyanın inkişafında müstəsna xidmətləri olmuş Şəddat Cəfərovun 75 illiyinə həsr olunmuş toplantı keçirilib. Şuranın Ahıl Жurnalistlər Məclisinin düzənlədiyi mərasimdə yubilyarın sənət dostları, yaxınları, veteran jurnalistlər iştirak edib.
Tədbiri giriş sözü ilə Azərbaycan Mətbuat Şurasının sədri Əflatun Amaşov açaraq bildirib ki, Ş.Cəfərov 75 illik ömrünün 55 ilini poliqrafiya sənətinə həsr edib. Gördüyü işlər yubilyarı ölkə ictimaiyyətinə böyük istedad sahibi, səmimi və qayğıkeş dost kimi tanıdıb. "Onun işinin ustadı kimi xarakterizə edən cəhətlərlə yanaşı, bilik və bacarığını bölüşmək həvəsi də xüsusi vurğulanmalıdır. Lakin Şəddat müəllimi bizim üçün doğmalaşdıran ən başlıca xüsusiyyət daim ictimaiyyətin, jurnalistlərin çevrəsində olması, bədii yaradıcılığa üstünlük verməsidir. İctimai məzmun daşıyan hekayələri günümüzün reallıqları ilə səsləşən hadisələr əsasında formalaşıb. Ümumən Şəddat Cəfərov ömür yolu örnək kimi qəbul edilən qələm adamlarından, peşə sahiblərindəndir. Bu gün burada Şəddat müəllimin dostları, yaxınları toplaşıb. Elə bilirəm ki, onların hər birinin yubilyar haqqında deyiləcək sözü, bölüşəcək xatirəsi var" - deyən Ə.Amaşov onu da bildirib ki, Ş.Cəfərov həyat və fəaliyyəti ölkə hüdudlarını aşan ziyalılarımızdandır. Ə.Amaşov həmçinin 75 illik yubileyi və Azərbaycan mətbuatının inkişafındakı xidmətlərinə görə Ş.Cəfərova rəhbərlik etdiyi qurumun diplomunu təqdim edib.
MŞ-nin Ahıl Жurnalistlər Məclisinin rəhbəri, respublikanın əməkdar jurnalisti Yusif Kərimov Məclisin ömrünü-gününü jurnalistika, mətbuatın inkişafına, ümumən yaradıcılığa həsr etmiş adamlarla bağlı mərasimlərin təşkilinə önəm verdiyini vurğulayıb. Mövcud istiqamətdəki tədbirlərin veteran qələm sahiblərini yeni yaradıcılıq uğurlarına həvəsləndirmək, onların əməyinə dəyər vermək baxımından vacibliyini önə çəkib. O, yubilyarın fəaliyyətinin məxsusi tərəflərinə diqqət çəkib.
MŞ İdarə Heyətinin üzvü, "İki sahil" qəzetinin baş redaktoru Vüqar Rəhimzadə çıxışında Ş.Cəfərovla təmaslarındakı maraqlı məqamları diqqətə çatdırıb, yubilyarı peşəyə bağlılıq nümunəsi kimi xarakterizə edib. Belə adamların daim yada salınmasının, diqqətdə saxlanmasının gənc nəslin mənəvi tərbiyəsinə dəstək baxımından əhəmiyyətinə toxunub.
Çıxış edənlərdən xalq artisti Canəli Əkbərov, yubilyarın dostları Cümşüd İsgəndərov, Sevda Əlibəyli, Şakir Yaqubov, Fatma Həsənqızı, Maarif Teymurov, İsaq Əmənullayev, Oqtay Əliyev, Bəbir Hüseynov, Namazəli Mustafayev, Yasəmən Möhübbətqızı, Mehman Fərzullayev və başqaları Şəddat Cəfərovla bağlı xatirələrini bölüşüblər, onun həyat yolunun spesifik cəhətlərindən söz açıblar.
"Azərbaycan" nəşriyyatının baş direktor müavini Allahverdi Məmmədov Ş.Cəfərovun uzun illər bu qurumdakı fəaliyyətindən danışıb, nəşriyyatın yubiley hədiyyəsini ona təqdim edib.
Mərasimdə Şəddat Cəfərovla bağlı sənədli film də nümayiş olunub.
Qeyd edək ki, Şəddat Cəfərov 1940-cı ildə Bakıda anadan olub. "Yeni kitab" mətbəəsində direktor, sonra isə "Azərbaycan" nəşriyyatında ("Kommunist" nəşriyyatı) baş direktor müavini vəzifələrində işləyib. 1985-ci ildə Sov. İKP MK-nın göstərişi ilə "Ulyanovskaya Pravda" nəşriyyatına baş direktor vəzifəsinə təyin olunub və bu müəssisəni ən qabaqcıl mətbəəyə çevirib. 20 Yanvar hadisəsindən sonra Bakıya qayıdıb, mətbuat və informasiya nazirinin köməkçisi vəzifəsində çalışıb. Daha sonra 3 saylı Bakı Kitab Mətbəəsində direktor, 1992-1993-cü illərdə "Azərbaycan" nəşriyyatının direktoru, 1993-cü ildə Ensiklopediya Nəşriyyat-Poliqrafiya Birliyində baş direktorun müavini, daha sonra "Göytürk" mətbəəsinin direktoru, 1994-cü ildən ofset çap kombinatında direktor, 1998-ci ildə "Şans" nəşriyyat-poliqrafiya mərkəzinin direktoru vəzifələrini tutub. 2002-ci ildən Bakı mətbəəsi ASC-nin direktoru vəzifəsində işləyir. Azərbaycanın ilk poliqrafçı alimi Şəddat Cəfərov "Vətən" nəşriyyatının direktoru, "Əkinçi" mətbuat cəmiyyətinin vitse-prezidenti, "Qızıl qələm" mükafatı laureatıdır.

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...