"Xəzər aylənd"in dünya miqyasında bir aylıq akkordları...

Azərbaycanın tanınmış şirkətlərindən olan "Avesta" özünün "Xəzər aylənd" layihəsi çərçivəsində həyata keçirdiyi böyük işlərlə gündəmdədir. "Avesta"nın sözügedən layihəsi bir sıra uğurlu işlərə imza atmaqla xarici şirkətlərin diqqətini cəlb edib. "Xəzər aylənd"in son bir ayda dünya çapında qazandığı uğurlar diqqətimizi cəlb etməyə bilmir.
Maraqlı cəhət ondan ibarətdir ki, dünyanın tanınmış şirkətləri, hətta Azərbaycandakı xarici diplomatik korpusların rəhbərləri də "Xəzər aylənd"lə, bu layihə çərçivəsində aparılan işlərlə ciddi maraqlanır. Bəllidir ki, indiyə qədər "Xəzər aylənd" layihəsi haqda ancaq müsbət istiqamətdə fikirlər mövcuddur.
Son bir ay ərzində "Xəzər aylənd"in gördüyü işlər dünya miqyasında özünə yer tutub. Biz də bu bir ay ərzində görülən işlərin icmalını təqdim edirik...

"Avesta"nın Küveytlə əlaqələri...

Avesta Konserninin mətbuat xidmətindən aldığımız məlumata görə, "Avesta" Konserninin prezidenti Hacı İbrahim Nehrəmlinin rəhbərliyi ilə konsernin idarə heyəti 5-8 sentyabr tarixlərində Küveytdə işgüzar səfərdə olub. Səfərin məqsədi küveytli iş adamları ilə bir sıra səmərəli görüşlər keçirmək, "Avesta" Konserni və bu ölkənin iş adamları arasında əməkdaşlığa dair razılaşmalar əldə etmək idi.
İlk öncə "Hassan Abul Holding" şirkəti ilə keyfiyyətli tikinti materiallarının daşınmasını müzakirə edən həyət daha sonra "Küveyt-Azəri" birgə müəssisəsi ilə qeyd olunan şirkət arasında memorandumun imzalanması mərasimində iştirak edib.
Bir gün sonra Küveytin tanınmış "Abyat" şirkəti ilə görüş baş tutub. Şirkət rəhbərliyi öz fəaliyyət sferalarını ətraflı şəkildə Hacı İbrahim Nehrəmliyə nümayiş etdirib və gələcək əməkdaşlığa dair təkliflər hazırlayıb. Həmin gün "HZ+P" şirkətinin mühəndisləri ilə tikinti texnologiyalarının daha da təkmilləşdirilməsi yönündə bir sıra müzakirələr də aparılıb.
Həmçinin, "Avesta" Konserninin meqa layihəsi "Khazar İslands"lə bağlı Küveytdə mətbuat konfransı da keçirilib.

"Xəzər aylənd"də iştirak edən Türkiyə biznes holdinqlərindən böyük jest...

Tanınmış türkiyəli iş adamlarının dəvətilə "Avesta" Konserninin prezidenti, "Khazar İslands" layihəsinin rəhbəri Hacı İbrahim Nehrəmlinin başçılıq etdiyi nümayəndə heyəti 28 sentyabr - 1 oktyabr tarixlərində Türkiyədə işgüzar səfərdə olub. Səfər zamanı azərbaycanlı iş adamı Türkiyənin aparıcı holdinq rəhbərləri ilə görüşüb, bir sıra müzakirələr aparıb.
"Cəvahir Holding", "Nurol Holding", "Taş Yapı", "Aygun Aluminium", "İnfoGroup", "Urtim" kimi iri şirkətlərin rəhbərləri ilə görüşən nümayəndə heyəti əməkdaşlığa dair razılıqlar əldə edib. 3 günlük səfər zamanı qeyd olunan şirkətlərin rəhbərləri "Khazar İslands" kimi layihədə
iştiraklarından məmnunluğunu bildirib. Görüşlər türk mediasının da diqqətindən yayınmayıb. Belə ki, səfər zamanı bir sıra türk mətbuat nümayəndələri Hacı İbrahim Nehrəmlini müşayiət edib.

"Xəzər aylənd" layihəsi "TAŞYAPI Group"u da cəlb edib...

"Avesta" şirkəti rəhbərliyinin daha bir biznes uğuru qardaş Türkiyə Cumhuriyyətinin şirkətlərindən biri ilə olub. Belə ki, oktyabr ayının ortasında "Avesta Konsern"in həyata keçirdiyi, dünyanın ən böyük tikinti layihələrindən biri olan "Khazar Islands" layihəsinə Türkiyənin daha bir tikinti nəhəngi - "TAŞYAPI Group" da qoşulub.
Türkiyə başda olmaqla, Qazaxıstan, Türkmənistan, İraq, Liviya və Birləşmiş Ərəb Əmirliklərində həyata keçirdiyi nəhəng layihələri ilə dünyanın öndə gedən tikinti şirkətlərinin sırasına daxil olan "TAŞYAPI Groun"un "Khazar Islands" layihəsinə qoşulması "Avesta" Konserninin bu layihəsinin dünyanın ən böyük şirkətlərinin diqqətini cəlb etməsi ilə yanaşı, böyük şirkətlər üçün də prestij məsələsinə çevrildiyini bir daha təsdiqləyir. "Avesta Konsern"in prezidenti Hacı İbrahim Nehrəmli ilə "TAŞYAPI Group"un İdarə Heyətinin başqanı Emrullah Turanlının başçılıq etdiyi nümayəndə heyətinin görüşündə birgə əməkdaşlıq müzakirə edilib və müvafiq razılıq əldə olunub. Razılığa əsasən, "TAŞYAPI Group" "Khazar Islands"də öz maliyyəsi ilə 12 binanın tikintisini həyata keçirəcək.
"Avesta Konsern"in yeni tərəfdaşı "TAŞYAPI Group"un həyata keçirdiyi layihələr üstün keyfiyyəti ilə yanaşı, həm də gözəl memarlıq üslübu ilə seçilir.

Səudiyyə Ərəbistanının səfiri "Xəzər aylənd"lə əməkdaşlıq etmək istədiklərini deyib...

Bildiyimiz kimi, son bir ayda bir neçə xarici ölkə səfiri "Xəzər aylənd"də görülən işlərlə tanış olmaq üçün adaya gedib. Onlardan biri də Səudiyyə Ərəbistanının səfiridir. Səudiyyə Ərəbistanı Krallığının Azərbaycan Respublikasındakı fövqəladə və səlahiyyətli səfiri cənab Müsaid bin İbrahim əs-Süleymd oktyabrın 14-də "Avesta Konsern"in həyata keçirdiyi "Khazar İslands" layihəsi çərçivəsində görülən işlərlə yerində tanış olmaq üçün layihənin həyata keçirildiyi əraziyə gedib.
"Avesta Konsern"in prezidenti Hacı İbrahim Nehrəmli ilə görüşən səfir Müsaid bin İbrahim əs-Süleymdə "Khazar İslands" layihəsi ilə bağlı geniş məlumat verilib. "Avesta Konsern"in prezidenti Hacı İbrahim Nehrəmli Azərbaycanla Səudiyyə Ərəbistanı arasında siyasi və iqtisadi münasibətlərin yüksək səviyyədə olduğunu qeyd edib və bunun iki ölkənin biznes dairələri üçün geniş imkanlar yaratdığını səfirin diqqətinə çatdırıb. Səfir Müsaid bin İbrahim əs-Süleymd iki ölkə arasındakı münasibətlərin yüksək səviyyədə olmasından məmnun olduğunu, bu münasibətlərin iş adamları arasında əlaqələrə öz töhfəsini verəcəyinə ümidini ifadə edib. Danışıqlar zamanı hörmətli qonağa "Khazar İslands" layihəsi ilə bağlı ətraflı məlumat verən "Avesta Konsern"in prezidenti Hacı İbrahim Nehrəmli başçılıq etdiyi şirkətin həyata keçirdiyi layihələrdə Səudiyyə Ərəbistanından olan iş adamları ilə ortaq əməkdaşlığa hazır olduğunu bildirib. Səfir Müsaid bin İbrahim əs-Süleymd də "Khazar İslands" layihəsinin çox cəlbedici olduğunu, ölkəsinin iş adamlarının bu layihədə yer ala biləcəyini qeyd edərək, belə böyük layihəni həyata keçirdiyinə görə "Avesta Konsern"in prezidenti Hacı İbrahim Nehrəmlini təbrik edib. Hacı İbrahim Nehrəmli isə belə böyük layihələrin həyata keçirilməsini Azərbaycanın regionun lider dövlət olmasının məntiqi nəticəsi olduğunu qeyd edib. Səfir Müsaid bin İbrahim əs-Süleymd həm layihə, həm də görülən işlərlə ətraflı tanış olub, "Khazar İslands"dan xoş təəssüratla ayrılıb.

"Khazar İslands"i gəzən Yaponiya səfiri Hacı İbrahimə gurultulu bir müjdə verdi

"Avesta Konsern"in həyata keçirdiyi və dünyanın ən böyük tikinti layihələrindən biri kimi dəyərləndirilən "Khazar İslands" layihəsi Yaponiyada da böyük marağa səbəb olub. Gündoğar ölkənin iki yüzdən artıq şirkəti "Khazar İslands" layihəsinə maraq göstərir.
Bu məlumat Yaponiyanın Azərbaycandakı səfiri Tsuquo Takaxasinin "Avesta Concern"in prezidenti Hacı İbrahim Nehrəmli ilə görüşündə səslənib. Oktyabrın 14-də "Khazar İslands" layihəsi ilə yerində tanış olmaq üçün səfir Tsuquo Takaxasi layihənin həyata keçirildiyi ərazidə olub. "Khazar İslands" layihəsi ilə bağlı səfirə ətraflı məlumat verən "Avesta Konsern"in prezidenti Hacı İbrahim Nehrəmli layihənin həyata keçirilməsində Yaponiyanın dünya miqyaslı şirkətlərinin məhsullarından, xüsusilə də ən yeni texnologiyasından istifadə etmək niyyətində olduqlarını bildirib. Səfir Tsuquo Takaxasi isə ölkəsinin iki yüzdən artıq şirkətinin "Khazar İslands" layihəsinə maraq göstərdiyini vurğulayıb. "Avesta Konsern"in prezidenti Hacı İbrahim Nehrəmli Yaponiya şirkətləri ilə əməkdaşlığa hazır olduqlarını, bu əməkdaşlığın hər iki tərəfin maraqlarına uyğun ola biləcəyini qeyd edib. Əməkdaşlığın təfərrüatları isə şirkətlərin nümayəndələri ilə görüşdə müzakirə olunacaq. Yaponiya şirkətlərinin "Khazar İslands" layihəsi ilə tanış olmaq və əməkdaşlığın prinsiplərini müzakirə etmək üçün tezliklə ölkəmizə səfər edəcəkləri istisna edilmir. Yaponiyanın Azərbaycandakı səfiri Tsuquo Takaxasinin "Avesta Konsern"in prezidenti Hacı İbrahim Nehrəmli ilə görüşündə Azərbaycan iqtisadiyyatının sürətli inkişafının hər iki ölkədən olan iş adamları arasında əməkdaşlığa böyük prespektivlər açdığı da vurğulanıb. "Avesta Konsern"in prezidenti Hacı İbrahim Nehrəmli Yaponiya şirkətlərinin Azərbaycanda daha çox iş görmək imkanlarına malik olduqlarını, bunun üçün bütün imkanların mövcudluğunu qeyd edib və onların bu addımının hər iki ölkə arasında münasibətlərin daha da yaxınlaşmasına təkan verə biləcəyini diqqətə çatdırıb. "Khazar İslands" layihəsi çərçivəsində həyata keçirilən işlərlə ətraflı tanış olan Yaponiya səfiri Tsuquo Takaxasi görüşdən xoş təəssüratla ayrılıb.

Britaniya şirkətinin təşkilatçılığı ilə "Khazar İslands"in İstanbulda da uğurlu təqdimatı olub

Böyük Britaniyanın İDE şirkətinin təşkilatçılığı ilə İstanbulda dünyanın 200-dən artıq aparıcı sərmayə, tikinti və istehsalat şirkətinin nümayəndələrinin bir araya gəldiyi Əməkdaşlıq Platformasında "Avesta Konsern"in həyata keçirdiyi "Khazar İslands" layihəsi tədbirin əsas təqdimatı olub. Oktyabrın 23 və 24-də keçirilən tədbirə ABŞ-ın HİRSEN/BEDNER ASSOCİATES, B&B, WILSONART, İtaliyanın ALBED, İsveçin ELUNGBERGS FACTORY, Türkiyənin Marmara, Kale, Özyazıcı kimi böyük şirkətləri ilə yanaşı Amerika, Avropa və Asiyadan olan dünyanın ən böyük və qabaqcıl şirkətlərinin təmsilçiləri qatılıb. "Avesta" şirkətindən aldığımız məlumata görə, dünyanın dörd bir yanından olan 200-dən artıq böyük şirkətin qatıldığı Əməkdaşlıq Platforması tədbirinin iştirakçılarının diqqətinə "Khazar İslands" layihəsini "Avesta Konsern"in vitse-prezidenti Taleh Quliyev, Marketinq və Satış Departamentinin rəhbəri Abdulridha Hasan Salman təqdim edib. Tədbir iştirakçılarının "Khazar İslands" layihəsinə marağı gözlənildiyindən artıq olub. Buna görə də "Khazar İslands" layihəsinin təqdimetmə prosesinə nəzərdə tutulandan daha artıq vaxt ayrılıb. Tədbir iştirakçıları layihə ilə bağlı təqdimatçılara çoxsaylı suallar ünvanlayıb. Tədbir zamanı daha bir neçə layihənin təqdimatı keçirilsə də, əsas diqqət "Khazar İslands" layihəsinə yönəlib. Bu hal istər təqdimat mərasimində, istərsə də ikitərəfli görüşlərdə aşkar hiss olunub. Dünyanın 200-dən artıq böyük şirkətini təmsil edən iş adamlarının "Khazar İslands" layihəsinə göstərdiyi maraq məlumat almaqla bitməyib. "Avesta Konsern"in nümayəndələri ilə ikitərəfli danışıqlar aparan bir neçə şirkət layihəyə qoşulmaq niyyətində olduqlarını bildirib. Bəzi şirkətlərlə gələcək əməkdaşlıqla bağlı ilkin razılıq da əldə olunub. "Avesta Concern"in həyata keçirdiyi "Khazar İslands" layihəsinə qoşulmaq istəyən şirkətlər arasında isə dünyanın böyük sərmayə şirkətlərinin yer alması, tikinti şirkətlərinin əməkdaşlığa can atması "Khazar İslands" layihəsinin dünyanın işgüzar dairlərinin diqqət mərkəzinə gəldiyini göstərir.

Bakıdakı daha bir diplomatik korpus rəhbəri "Khazar İslands"i ziyarət edib...

Azərbaycanda akkreditasiya olunmuş diplomatik korpusun "Avesta Konsern"in həyata keçirdiyi "Khazar İslands" layihəsinə marağı və diqqəti artmaqda davam edir. "Avesta Konsern"in mətbuat xidmətindən "Bakı-Xəbər"ə verilən məlumata görə, Səudiyyə Ərəbistanı Krallığının fövqəladə və səlahiyyətli səfiri Müsaid bin İbrahim əs-Süleymd və Yaponiyanın səfiri Tsuquo Takaxasidən sonra İsrailin Azərbaycan Respublikasında fövqəladə və səlahiyyətli səfiri cənab Rafael Harpaz da "Avesta Konsern"in həyata keçirdiyi "Khazar İslands" layihəsi ilə yerində tanış olmaq üçün əraziyə səfər edib. Ailəsi ilə bərabər "Khazar İslands"ə gedən səfir Rafael Harpazı "Avesta Concern"in prezidenti Hacı İbrahim Nehrəmli xanımı ilə bərabər qarşılayıb. Səfir Rafael Harpaza layihə haqqında geniş məlumat verən "Avesta Konsern"nin prezidenti hörmətli qonağı görülən işlərlə də tanış edib. Səfir Rafael Harpaz "Avesta Concern"in həyata keçirdiyi "Khazar İslands" layihəsinin sədasının Azərbaycanın sərhədlərini aşaraq bütün dünyada səs saldığını qeyd edib. Gənc bir respublikada belə böyük layihənin həyata keçirilməsinin Azərbaycan dövlətinin sürətli inkişaf yolunda olmasının sübutu olduğunu qeyd edən səfir ölkəsinin iş adamlarının Azərbaycanda fəaliyyət göstərməkdə maraqlı olduğunu vurğulayıb. "Hacı İbrahim Nehrəmli israilli iş adamları ilə əməkdaşlığa hazır olduqlarını, bu əməkdaşlığın dövlətlərarası münasibətlərin daha da inkişafına müsbət təsir göstərəcəyini qeyd edib. Öz növbəsində, cəfir İsrail ilə Azərbaycan arasında münasibətlərin inkişafı, iş adamları arasında əməkdaşlığın dərinləşməsi üçün əlindən gələni edəcəyini bildirib.
"Khazar İslands" layihəsi ilə bağlı səfir Rafael Harpezə geniş məlumat verildikdən və görülən işlərlə tanış edildikdən sonra "Avesta Konsern"in prezidenti Hacı İbrahim Nehrəmli və xanımı hörmətli qonaqların şərəfinə nahar verib.
Müasir dünyanın siyasi və iqtisadi proseslərinə istiqamət verən sənayecə inkişaf etmiş 20 böyük dövlətin sırasına daxil olan 3 ölkənin - Yaponiya, Səudiyyə Ərəbistanı və İsrailin Azərbaycan Respublikasındakı səfirlərinin "Avesta Konsern"in həyata keçirdiyi "Khazar İslands" layihəsi ilə yerində tanış olmaları bu layihənin artıq dünyanın siyasi və biznes dairlərinin diqqət mərkəzində olduğunu bir daha təsdiqləyir. Yaponiya, Səudiyyə Ərəbistanı və İsrailin aparıcı şirkətlərinin "Khazar İslands"layihəsinə qoşulması istiqamətində ilk addımlar atılıb və tezliklə bu ölkələrin dünyaca məşhur şirkətlərini "Xəzər Adaları"nda görə biləcəyik.