İsrail polisi özlərini "Fransanın xarici işlər naziri” kimi təqdim edib bir iş adamını aldadaraq 8 milyon avrosu alan 3 nəfəri həbs edib.
Baki-xeber.com xəbər verir ki, İsrail və Fransa vətəndaşları olduqları bildirilən şübhəlilərin, Fransanın xarici işlər naziri Jan-İv Le Drianın ofisinin bənzərini yaratdıqları, bu ofisdən də seçdikləri qurbanlarla Skype-la görüntülü danışıqlar apadığı bildirilir.
İsrail mediası yazır ki, İsraildəki bir ofisdə Le Drianın ofisinin bənzərini yaradan qrup, eyni kreslo, Fransa prezidenti Emmanuel Makronun portreti və fransız bayrağından da istifadə edib.
İddialara görə, dələduzlar iş adamlarına pulun, Fransanın gizli əməliyyatları üçün lazım olduğunu, Mali və Suriyada girov saxlanan fransızların azad olunması qarşılığında istifadə ediləcəyini deyiblər. Şübhəlilər iş adamları və büyük şirkət rəhbərlərinə pul transferinin gizli qalmasının vacibliyini də bildiriblər. Onlar bir iş adamından pulu nağd şəkildə alıb.
İsrail və Fransa hüquq-mühafizə orqanlarının birgə əməliyyatı nəticəsində şübhəlilərin Təl-Əvivdə olduqları yer müəyyənləşdirilib. Şübhəlilər 2 milyon ödəməyi qəbul edən bir başqa qurbanla görüşdüyü zaman saxlanıb.
Şübhəlilərin qurban seçdiyi qadının kimliyini polis də əvvəlcədən müəyyənləşdirərək, onunla birlikdə şübhəlilərlıə görüşə gedib. Onlardan ikisi elə hadisə yerində saxlanıb, biri isıə qaçmağı bacarıb. Ancaq qısa müddət sonra polis onu da həbs edib. Əməliyyatdan sonra polis şübhəlilərlə əlaqəsi olduğu bildirilən Təl-Əvivdəki bir yaxtaya da əl qoyub.
