Məlumdur ki, banklarla müştəriləri arasında tez-tez mübahisələr yaranır və nəticədə tərəflərdən biri məhkəmədə iddia qaldırır. Lakin heç bir halda məhkəmə prosesi bankların imicinə müsbət xal qazandırmır. Əksinə, vətəndaşın etimadsızlığı meydana çıxır, güvənsizlik yaranır.
Araşdırmalar zamanı məlum olub ki, vəəndaşların banklarla bağlı məhkəmələrdə iddia qaldırması artan xətt üzrə davam edir. Hər ötən gün daha çox bank məhkəmələrə verilir, haqlarında müxtəlif maddələrlə ittihamlar irəli sürülür.
Bu ay da vətəndaşlar tərəfindən ən çox məhkəməyə verilən bank “UNİBANK” olub. Belə ki, bu bankla bağlı avqust ayında məhkəmələrdə 479 iddia qaldırılıb.
“KAPİTAL BANK” 424 məhkəmə
“ACCESSBANK” 173 məhkəmə
“AZƏRBAYCAN BEYNƏLXALQ BANKI” 144 məhkəmə
“BANK OF BAKU” 126 məhkəmə
“YELO BANK” 118 məhkəmə
“BANK RESPUBLİKA” 117 məhkəmə
“BANK VTB” (AZƏRBAYCAN) 75 məhkəmə
“EXPRESSBANK” 75 məhkəmə
“NAXÇIVANBANK” 62 məhkəmə
“AZƏR-TÜRK BANK” 52 məhkəmə
“RABİTƏBANK” 42 məhkəmə
BANK “BTB” 39 məhkəmə
“MUĞANBANK” 38 məhkəmə
“PAŞA BANK” 34 məhkəmə
“MELLİ İRAN BANKI” BAKI FİLİALI 22 məhkəmə
“YAPI KREDİ BANK AZƏRBAYCAN” 17 məhkəmə
“XALQ BANK” 15 məhkəmə
“AFB BANK” ASC 8 məhkəmə,
“ZİRAAT BANK AZƏRBAYCAN” 4 məhkəmə
“PREMİUM BANK” 3 məhkəmıə
“BANK AVRASİYA” 2 məhkəmə
“AZƏRBAYCAN SƏNAYE BANKI” ASC-nin 1 məhkəmə çəkişməsi olacaq.
Maraqlıdır, banklar niyə məhkəməyə verilir?
"Banklar adətən əmanətin geri qaytarılmaması, pul köçürülməsi zamanı yaranmış problem, kartdan vəsait itməsi hallarında məhkəməyə verilir"
Bank sahəsi üzrə ekspert Əkrəm Həsənov "Bakı-Xəbər"ə açıqlamasında qeyd etdi ki, bu gün məhkəmələrin əksər işləri banklarla bağlı yaranmış problemlər, kredit problemləridir. Bu da bir qayda olaraq bankların borcalanlara qarşı qaldırdığı iddialar üzrədir: “Danılmaz faktdır ki, həm vətəndaşlar, həm də sahibkarlar kreditlərini vaxtlı-vaxtında ödəyə bilmir ki, banklar da onları məhkəməyə verməli olur. Bu qədər məhkəmə prosesinin olması, bankların məhkəmə çəkişmələrinin çoxluğu problemli kreditlərin olmasından qaynaqlanır. Adətən kredit götürən sahibkar, vətəndaş krediti vaxtında ödəmədiyi üçün bank tərəfindən məhkəməyə verilir. Bu artıq adi hal alıb. Ancaq heç də yaxşı hal deyil".
Ekspert hesab edir ki, banklarla vətəndaşlar arasında məhkəmə çəkişməsinin yaranmasının bir səbəbi də onların kredit verərkən müştərilərin ödəniş qabiliyyətini düzgün qiymətləndirməməsi və kreditin aqibətini düzgün planlaşdırmamasıdır: "Banklar kredit müqavilələri bağlayarkən diqqətli olmalı, kredit ayırarkən araşdırmalıdır. Danılmaz faktdır ki, bu gün banklar kimə gəldi kredit verir, kredit vermək üçün təkliflər irəli sürür. Araşdırılmadan verilən kreditlərin sonu məhkəmələrlə yekunlaşır”.
Ekspert onu da əlavə etdi ki, vətəndaşlar tərəfindən də məhkəməyə verilən banklar var. Banklar adətən əmanətin geri qaytarılmaması, pul köçürülməsi zamanı yaranmış problem, kartdan vəsait itməsi hallarında məhkəməyə verilir.
Günel CƏLİLOVA
