Bakı şəhəri, Ə.Hacıyev küçəsi, ev 21 mənzil 29 ünvanda yaşayan Hümbətov Nail Səlim oğlu (Hacı Nail) Prezident İlham Əliyevə və Vitse-prezident Mehriban Əliyevaya müraciət edib. Bakı sakini üzləşdiyi məhkəmə problemlərinin həllində kömək istəyir.
Məsələ burasındadır ki, vətəndaşa məxsus torpaq sahəsi başqa biri tərəfindən zəbt edilərək tikinti işi aparılsa da, iş Avropa möhkəməsində də şikayətçinin xeyrinə həll edilsə də, torpaq mülkiyyıtinin əsil sahibinə qaytarılması heç cür alınmır.Müraciətin tam mətni ilə tanışlıq,Hacı Nailin hansı mücadilələrdən keçdiyini sübut edir.
Müraciətdə bildirilir :" Azərbaycan Respublikası İqtisad Məhkəməsinin 31.05.2001-ci il tarixli, 3181/III-80 saylı qətnaməsinə əsasən Xətai rayonu, M.Hadi küçəsi 2324-cü məhəllədə yerləşən 0,75 torpaq sahəsində mövcud olan qanunsuz tikililər sökülməli, həmin torpaq sahəsi Bakı şəhər İcra Hakimiyyəti Başçısının 166 saylı, 02.02.1996-cı il tarixli Sərəncamına əsasən NAİL XTİMŞ qaytarılmalıdır:"İcra sənədi 27.06.2001-ci il tarixdə icraata daxil olmuşdur. İcra orqanlarının süründürməçiliyi və icraya məsul şəxslər olan icra hakimiyyətinin və icra şöbəsinin vəzifəli şəxslərinin təzyiqləri nəticəsində qətnamənin icrası illərlə baş tutmamışdır.
2 ildən çox müddətdə müxtəlif bəhanə və süründürməçilkdən sonra İcra şöbəsinin işinə mane olan şəxslər barədə nəhayət 2003-cü il tarixdə məhkəməyə təqdimat təqdim edilmişdir, icra şöbəsi tərəfindən məhkəmənin 11.09.2003-cü il tarixli qərardadı ilə Xətai rayon İcra Hakimiyyətinin vəzifəli şəxsləri barəsində cinayət işinin başlanmasına dair qərar alınmışdır.
Bütün bu süründürməçilikdən istifadə edən maraqlı şəxslər torpaq sahəsinin üzərində həbs ola-ola yaratdıqları vəziyyətdən istifadə edərək mülkiyyətçilərin dəyişməsinə nail olmuşlar.
01.07.2003-cü il tarixdə qətnaməyə izah verilmiş, qətnamənin icrası mexanimzi icra şöbəsinə izah edilmişdir. Lakin qətnamənin icrasından buna məsul olan yerli dövlət orqanları icraya mane olaraq icra şöbəsinə köməklik etməkdın imtina etmişlər.
İcra şöbəsi tərəfindən qərardadın icrasına mane olan Xətai Rayon İcra Hakimiyyətinin məsul şəxsləri barəsində cinayət işinin başlamasına dair 11.09.2003-cü il tarixli Xüsusi Qərardad qəbul edilsə də Xətai Rayon Prokurorluğu İcra Hakimiyyətinin məsul şəxsləri barəsində cinayət işinin başlanmasından imtina etmişdir.
İcra şöbəsi yenidən təqdimat vermiş, məhkəmə xüsusi qərardad qəbul etmiş, ikinci dəfə 30.12.2003-cü il tarixdə xüsusi qərardad qəbul edilərək icraya yönəldilmişdir. lakin İcra şöbəsinin və məhkəmənin tələbləri yerinə yetirilməyərək heç bir cinayət işi başlanmayaraq icrasız qalmışdır.
İcra işinin davam etdirilmsinə baxmayaraq icra müddətində maraqlı şəxslər ərazidə tikinti işləri aparmağa başlamış, ərazi müxtəlif şəxslərə addan ada keçirilmiş, müxtəlif şəxslərə mülkiyyət sənədləri verilməyə başlanmışdır. Halbuki buna cavabdeh Xətai icra hakimiyyəti ərazinin mübahisəli olmasını 2001-ci il tarixdən bilmiş, məhkəmə qərarlarından dayanmadan şikayətlər vermiş, heç bir şikayəti qəbul edilməmişdir.
Ərazidə tikinti işlərini və satışı qadağan etmək üçün NAİL XTİMŞ tərəfindən ərazinin satışının qadağan edilməsinə dair müraciət etmiş, 29.08.2005-ci il tarixli qərardad qəbul edilmişdir.
Bu da İcra hakimiyyətini dayandırmamış, əraziyə dair başqa şəxslərə 2005-ci il tarixdə Sərəncam verməklə dayanmamışdır. NAİL XTİMŞ yenə də növbəti dəfə məhkəməyə müraciət edərək bu dəfə Bakı Şəhər İcra Hakiiyyətinin 17.08.2005-ci il tarixli, 220 saylı Sərəncamının ləğv edilməsi üçün məhkəməyə müraciət etmiş, eyni zamanda növbəti dəfə ərazidə tikinti işlərinin aparılmasına, satış işlərinin aparılmasına qadağa qoyulmuşdur. Hətta bu qadağanı pozan şəxslər barəsində icra şöbəsi tərəfindən protokollar tərtib edilmişdir.
NAİL XTİMŞ-nin Bakı Şəhər İcra Hakiiyyətinin 17.08.2005-ci il tarixli, 220 saylı Sərəncamının ləğv edilməsi barədə iddiası təmin edilməsə də, həmin məhkəmə qərarlarından verilən şikayət İnsan Hüquqları üzrə Avropa məhkəməsinin “Hümbətov Azərbaycana qarşı” işi üzrə 03.12.2009-cu il tarixli Qərarı ilə təmin edilmişdir.
Bu günədək nə Azərbaycan Respublikası İqtisad Məhkəməsinin 31.05.2001-ci il tarixli, 3181/III-80 saylı qətnaməsi, nə də İnsan Hüquqları üzrə Avropa məhkəməsinin “Hümbətov Azərbaycana qarşı” işi üzrə 03.12.2009-cu il tarixli Qərarı icra olunmamış, bunda maraqlı olan dövlət məmurları başda Ali Məhkəmənin hazırkı sədri Ramiz Rzayev tərəfindən dövlət adından çıxan qərarlar icrasız saxlanmaqdadır. Qeyd edilən müddətdə dəfələrlə icra işinin itirilməsi cəhdləri, icra işində olan sübutların itirilməsi cəhdləri olsa da sayıqlığım sayəsində bu mümkün olmamış, məndə olan sənəd və sübutlar hesabına icra işi bütövlüyünü saxlamışdır. Bundan başqa dəfələrlə mənə qarşı nəqliyyat vasitəsi ilə yol nəqliyyat hadisələri törədilərək sui qəsdlər təşkil olunmuş, lakin xəsarətlər alsam da ağır nəticələr olmamışdır.
Ərizəyə əlavə edilən 2021-2022-ci il dövrü əhatə edən yazışmalar və cavablardan da göründüyü kimi Xətai Rayon İcra Hakimiyyəti qətnaməni müxtəlif bəhanələrlə icra etməkdən yayıyınır. İcra şöbəsi isə buna dair heç bir tədbir görmür.
Bununla da nəinki NAİL XTİMŞ-yə qarşı hüquqlar pozulur, dövlət adından çıxan məhkəmə qərarları icra edilmədən saxlanılır, buna məsul şəxslər isə məsuliyyətə cəlb edilmirlər.
20 ildən artıqdır icra edilməyən məhkəmə qərarının icrası ilə əlaqədar AR Ədliyyə Nazirlyində nazirin qəbulunda olsam da heç bir nəticə olmamış, nazirlik tərəfindən qətnmənin icrasına məsul şəxlər barəsində heç bir tədbir görülməməişdir. Dövlət adından çıxan qərarlar icrasız qalmaqda davam edir.
2010-cu ilin mart ayında İnsan Hüquqları üzrə Avropa məhkəməsinin “Hümbətov Azərbaycana qarşı” işi üzrə 03.12.2009-cu il tarixli Qərarının Ali Məhkəmənin Plenumunda baxılmasına dair bildiriş daxil olmuşdur. Həmin bidirişə əsasən 30.03.2010-cu il tarixdə təyin edilən Plenumun gündəliyinə bu iş də daxil olmuşdur. Həmin gün vəkillə bərabər Ali Məhkəməyə getsəm də, Rmiz Rzayevin göstərişinə əasən bizi qapıdan məhkəməyə buraxmadılar, bizim işin Plenumun gündəliyindən çıxarıldığı və əlavə məlumat veriləcəyi bildirilmişdir.
Dəfələrlə Ali Məhkəmədə olmağıma baxmayaraq hələ də iş baxılmamış saxlanmaqadır.
Nəhayət 2016-cı il tarixdə yenidən vəkil vasitəsi ilə rəsmi müraciət etdim ki, İnsan Hüquqları üzrə Avropa məhkəməsinin “Hümbətov Azərbaycana qarşı” işi üzrə 03.12.2009-cu il tarixli Qərarının Ali Məhkəmənin Plenmunda baxılıb baxılmaması barədə rəsmi məlumat verilsin. Buna da əhəmiyyət verilmədən bu günədək işin aqibəti bəlli deyildir.
Dövlət adından qəbul edilən Azərbaycan Respublikası İqtisad Məhkəməsinin 31.05.2001-ci il tarixli, 3181/III-80 saylı qərarının və İnsan Hüquqları üzrə Avropa məhkəməsinin “Hümbətov Azərbaycana qarşı” işi üzrə 03.12.2009-cu il tarixli Qərarının Ali Məhkəmə, Xətai Rayon İcra Hakmiyyəti, Bakı şəhər icra Hakimiyyəti, Azərbaycan Respublikası Ədliyyə Nazirliyi və Xətai Rayon İcra Şöbəsi tərəfindən icra olunmsına dair müraciətlər etsəm də bu günədək qərarlar kağız üzərində qalmaqda davam edir. Qərarların icrasından 22 ildir boyun qaçıran vəzifəli şəxslər barəsində qanuna müvafiq tədbir görülməsinə dair cənab Prezidentə və Vitse-Prezidentə müraciətlər etmişəm, hazırda həmin müraciətlərin cavabını gözləyirəm".
N. Hümbətov mətbuat vasitəsi ilə yenidən dövlət başçısına müraciət edərək dövlət adından qəbul edilən qərarın icra edilməsinə köməklik etməsini, buna mane olan məmurlar barədə qanuna müvafiq tədbirlər görməsini xahiş edir.
Əli Turabov
