Avropa Şurasının İnsan hüquqları üzrə komissarı Dunya Miyatovic oktyabrın 23-də Qərbi Azərbaycan İcmasını ziyarət edib, İcma rəhbərliyi və Ermənistandan olan bir qrup azərbaycanlı qaçqınla görüş keçirib.
İcmanın Gənclər Birliyinin sədr müavini, Milli Məclisin deputatı Kamal Cəfərov və digər rəhbər şəxslərlə keçirilən görüş zamanı azərbaycanlıların Ermənistandan zorla qovulması barədə geniş məlumat verilib, bu insan hüquqları pozuntusu ilə bağlı beynəlxalq ictimaiyyətin təcili tədbir görməli olduğu vurğulanıb.
İcma nümayəndələri bildiriblər ki, Qərbi Azərbaycan İcması məsələnin sülh və ədalətli həlli üçün Ermənistan hökuməti ilə dialoqa hazırdır. İcma xanım Miyatoviçi Ermənistandan qovulmuş azərbaycanlıların öz evlərinə qayıtmasına dəstək verməyə, o cümlədən baş vermiş pozuntularla bağlı qərəzsiz araşdırma aparmağa, Ermənistana tematik səfərlər təşkil etməyə və bu dövlətə təzyiq göstərməyə çağırıb.
Daha sonra Miyatovic Ermənistandan olan bir qrup azərbaycanlı qaçqınla görüş keçirib. Qaçqınlar Ermənistandan zorla çıxarılma ilə bağlı xatirələrini bölüşüb, orada azərbaycanlılara məxsus qəbiristanlıqların, tarixi abidələrin dağıdılması, deportasiya zamanı 200-dən artıq azərbaycanlının öldürülməsi kimi faktları diqqətə çatdırıblar. Vedi rayonundan olan professor Gülçöhrə Məmmədova, Böyük Qarakilsədən olan Əli Eyvazov və digərləri azərbaycanlılara qarşı törədilmiş müsibətlər haqqında ətraflı məlumat veriblər.
Basarkeçər rayonundan olan İcmanın Ağsaqqallar Şurasının sədri akademik Əhliman Əmiraslanov bildirib ki, Ermənistandan qovulmuş azərbaycanlılar 35 ildir qayıdışı gözləyirlər. Vətənsiz keçən hər bir günün qaçqınların iztirablarını daha da artırdığını qeyd edən natiq Ermənistandan azərbaycanlıların qovulmasının üstündən xeyli vaxt keçib deyərək, bu məsələni ikinci plana keçirməyin qəbuledilməz olduğunu vurğulayıb.
Xanım Miyatoviç qaçqınların, o cümlədən Ermənistandan qovulmuş azərbaycanlıların qayıdış hüququnun əhəmiyyətini başa düşdüyünü qeyd edərək, bu məsələnin həllinin siyasi iradə tələb etdiyini bildirib. O, öz mandatı və regiona səfərinin məqsədləri barədə məlumat verib. Həmçinin qaldırılan məsələlərlə öz səlahiyyətləri çərçivəsində məşğul olacağını qeyd edib.
Avropa Şurasının İnsan hüquqları üzrə komissarı Dunya Miyatovicin oktyabrın 23-də Qərbi Azərbaycan İcması ilə görüşü haqda erməni mediası da yazıb. “Dünya Miyatoviçə azərbaycanlıların Ermənistandan zorla qovulması barədə məlumat verilib, bu insan hüquqlarının pozulması ilə bağlı beynəlxalq ictimaiyyətin təcili tədbirlər görməli olduğu vurğulanıb”-deyə qeyd edən erməni mediası əlavə edib ki, D.Miyatoviç qaçqınların, o cümlədən Ermənistandan qovulmuş azərbaycanlıların geri qayıtmaq hüququnun vacibliyini bildirib və qeyd edib ki, bu problemin həlli siyasi iradə tələb edir.
"O, "azərbaycanlılar öz yerlərinə-yurdlarına qayıtmalıdırlar və bunun üçün siyasi iradə lazımdır" mesajını Ermənistan rəhbərliyinə, erməni cəmiyyətinə ünvanlayır"
Məsələyə şərh verən tanınmış politoloq Mehman İsmayılov "Bakı-Xəbər"ə "Ermənilər bütün gücləri ilə Avropada, eləcə də dünyanın hər yerində dezinformasiya yayırlar ki, guya azərbaycanlılar Qərbi Azərbaycandan qovulmayıblar. Hətta bir dəfə Paşinyan erməniyə məxsus sırtıqlığı ilə çıxışında dedi ki, Qərbi Azərbaycandan azərbaycanlılar qovulmayıblar, guya onlar azərbaycanlıları "gül-çiçəklə" yola salıblar, "kompensasiyalar" ödəyiblər və sair. Başda Ermənistan rəhbərliyi olmaqla, bütün ermənilər ən yüksək səviyyədə məlumatlıdırlar ki, 300 mindən çox azərbaycanlını hansı vəhşiliklərlə öz yurd-yuvalarından qovublar, qətlə yetiriblər, o insanları ayağı yalın başı açıq öz dədə yurdlarından çölə atıblar. Ermənistanın rəhbərliyi çox yaxşı bilir ki, o dövrdə Sovet Ermənistanının rəhbərləri, rayon rəhbərləri, "raykom" səviyyəsində rəhbərlər azərbaycanlıların yaşadıqları yaşayış məntəqələrini mühasirəyə alırdılar, işığı, qazı, suyu kəsirdilər, ermənilərə azərbaycanlılara ərzaq məhsulları satmağı qadağan edirdilər. Bütün şəraiti yaratmışdılar ki, azərbaycanlıları oradan vəhşiliklə qovub çıxarsınlar"-deyə qeyd etdi
M. İsmayılovun sözlərinə görə, 300 mindən çox azərbaycanlını öz yerindən-yurdundan qovan ermənilər bu gün bütün həyasızlıqlarını işə salıb bu faktı danmağa çalışır. "Hətta iş o yerə çatdı ki, Qorbaçov mitinqdə ermənilərin üzünə dedi ki, siz Azərbaycan qadınlarının qulaqlarından sırğanı qulaqları ilə bir yerdə qoparırsız, bu faktlar Sovet İttifaqının rəhbərliyinə məlumdur. Ermənilərin törətdiyi bütün vəhşilikləri dünya bilməlidir. Dunya Miyatoviç Qərbi azərbaycanlılarla görüşəndə və bütün bu məsələləri ilk mənbədən eşidəndə, təbii ki, bu faktları tanımaqdan və nəzərə almaqdan başqa çıxış yolu qalmadı. O deyə bilməz ki, Qərbi azərbaycanlıların Ermənistana qayıtmaq haqqı yoxdur.
Azərbaycanı "etnik təmizləmə"də günahlandıran bir şəxsdir. Avropalılar birtərəfli qaydada yalnız ermənilərin irəli sürdüyü " tezisləri", "normativləri" müdafiə edib Azərbaycana qarşı çıxış etməkdədirlər. Ancaq onlar məlumatlandırılanda nə qədər haqsız olduqlarını özləri anlayırlar. O, "azərbaycanlılar öz yerlərinə-yurdlarına qayıtmalıdırlar və bunun üçün siyasi iradə lazımdır" mesajını Ermənistan rəhbərliyinə, erməni cəmiyyətinə ünvanlayır. Dünya Miyatoviç Ermənistanda olanda ermənilərin azərbaycanlılara qarşı patollji nifrətinin hansı həddə olduğunu sezib. O səbəbdən də Ermənistan rəhbərliyindən siyasi iradə tələb edir, təbii ki, "azərbaycanlılar öz yerlərinə-yurdlarına dönməlidirlər, amma bunun üçün siyasi iradə lazımdır" fikrini Ermənistan rəhbərliyinin ünvanına söyləyir. O deyir ki, bütün qaçqınların haqqıdır ki, öz yer-yurdlarına qayıtsınlar, onların mülklərinin özlərinə qaytarılması təmin edilməlidir, təhlükəsizliklərinə zəmanət verilməlidir, onların haqları dövlət səviyyəsində qorunmalıdır. Kim olursa olsun, Qərbi Azərbaycandan didərgin salınmış, dəhşətli işgəncələrlə qovulmuş insanların ədalətli haqlarının qorunmasını tələb edəcəklər. Çünki heç kəs bu insan faciəsinə sadəcə kənardan baxa bilməz. Erməni dezinformasiya sisteminə uyub indiyə qədər bunları təkzib edən, Azərbaycanı "etnik təmizləmə"də günahlandıran avropalı deputat indi ilk mənbədən bu məlumatları aldıqca ermənilərin törətdiyi faciələrin miqyasını daha yaxşı anlamağa başlayır və Ermənistan rəhbərliyindən siyasi iradə tələb edir ki, bu insanlar da öz yerlərinə, yurdlarına dönməlidirlər. Dunya Miyatoviçin Qərbi azərbaycanlıların öz yerlərinə-yurdlarına qayıtması haqlarını tanıması belə ermənilərin apardığı antiazərbaycan təbliğat kampaniyasına vurulmuş ağır bir zərbədir" - deyə M. İsmayılov qeyd etdi.
İradə SARIYEVA
