Ermənistanda bu il ərik həmişəkindən gec yetişdiyindən, Rusiya bazarına Özbəkistandan gələn meyvələrlə eyni vaxtda çıxıb. Rəqabət isə qiymətlərin enməsinə və fermerlər arasında etirazlara səbəb olub.
Bu mövsüm erməni əriklərinin orta alış qiyməti 500 dramdan (1,31 dollar) 200-300-ə (0,52-0,78 dollar), fermerlərin gəliri 4000 dollardan 2000 dollara düşüb.
“Bu il Ermənistan və Özbəkistanın ərikləri eyni vaxtda Rusiya bazarına satışa çıxarıldı. Özbəkistandan gətirilən əriklər Rusiya bazarında olduğuna görə, Ermənistan əriklərinin qiymətləri çox aşağı olacaq”, - bu barədə “Spayka” şirkətinin nümayəndəsi bildirib.
Özbəkistan əriyinin keyfiyyəti çox əladır, qiyməti də çox ucuz. Qiymətlərin endirilməsi erməni fermerlər arasında etirazlara səbəb olub. Craşen və Ditak kəndlərinin sakinləri İrəvan-Artaşat avtomobil yolunu bağlayıblar.
Görünən odur ki, ermənilər həm də monopolist millətdilər. Hətta başqa ölkəyə belə, bununla bağlı etiraz edirlər.
“Sanki Rusiyanın ərik idxalı ilə bağlı Ermənistanın qarşısında öhdəliyi var”
Məsələ ilə bağlı “Bakı-Xəbər”ə açıqlama verən AMİP funksioneri Əli Orucov bunu əsasən erməni xisləti ilə əlaqələndirdi: “Bu, əsasən erməni xislətindən, həyasızlığından irəli gələn məsələdir. Özbəkistan Ermənistana ərik ixrac etsəydi və bu, yerli istehsalçıların gəlirlərinə mənfi təsir etsəydi, bunu hardasa anlamaq olardı. Adətən bu kimi məsələlərdə daxili bazarı qorumaq üçün məhdudlaşdırıcı addımlar atılır və s. Ancaq göründüyü kimi, Özbəkistan Rusiyaya ərki ixrac edir, amma Ermənistanda ərik istehsalı ilə məşğul olanlar buna etiraz edir. Sanki Rusiyanın ərik idxalı ilə bağlı Ermənistanın qarşısında öhtəliyi var ki, bunlar ancaq ermənidən bu meyvəni idxal etməlidilər. Halbuki, kim daha keyfiyyətli və qiymət baxımından münasib meyvə təklif edirsə, əhali ona üstünlük verəcək. Ona görə ki, bu kimi məsələləri bazar tənzimləyir. Son illər Rusiya Şimali Qafqazda pomidor istehsalını genişləndirir, parniklər salınır və bu sahəyə böyük vəsait yatırılıb. İndi biz buna etiraz edək ki, nədi-nədi Azərbaycan Rusiyaya pomidor ixrac edən əsas ölkədir? Bu kimi məsələlər dövlətlərin daxili işidir. Hara sərfəlidirsə, oradan məhsul əldə edirlər. Gör ermənilərin həyasızlığı nə həddədir. Çünki millət olaraq bunlar xəbis və kiminləsə yola gedən deyillər. Elə bunun nəticəsidir ki, Ermənistan monoetnik ölkədir. Əhalinin 99 faizindən çoxu ermənidir. Bir məqamı da nəzərə almaq lazımdır ki, ermənilərin Rusiyada şəbəkələri güclüdür. Onlar həm Rusiyanın media strukturlarında, həm də dövlət qurumlarında fəal təmsil olunurlar. Günlərin bir günü Rusiya Özbəkistandan ərik idxalını məhdudlaşdırsa buna təəccüblənmərəm. Bu həmin Rusiyadır ki, SSRİ dönəmində Özbəkistanda “Pambıq işi” ilə bağlı qalmaqallı araşdırmanı təşkil edəndə işi aparan 2 müstəndiqdən biri erməni idi. Həmin erməni müstəntiqin özbəklərin başına hansı oyun açdığını onlar yaxşı bilir. Deməyim odur ki, ermənilər tarixən böyük dövlətlərin əlində maşa olublar”.
Vidadi ORDAHALLI
